¹ Panuma Yesu alandile aya mashiwi, alifumine nabasambi bakwe nokuya lyamupokapoka wa Kidiloni, ekwali ibala umo ena nabasambi bakwe baingile. ² N Yuda, uwaleya mukumufutuka wene, nao alishibeko, pantu eko Yesu alekumana nabasambi bakwe. ³ Elo Yuda aletungulula ubumba lyaba shilika nabakalamba ukufuma kuli bashimapepo mukalamba naba Faliseya, baile kulya nemyenge, imisaniko, nefikupwilo. ⁴ Elyo Yesu uwaishibe ifintu fyonse ifyalecitika kuli ena, aile kuntanshi nokubepusha, ''Ninani mulefwaya?'' ⁵ Bamwaswike ati, ''Yesu umwina Nasaleti.'' Yesu atile kuli bo, ''Nine.'' Yuda, uwamubembele, nao aiminine pamo nabashilika. ⁶ Eico ilyo atile kuli bena, '' ninebo '' babwele cifutya numa nokupona pashi. ⁷ Elyo kabili abepwishe, ninani mulefwaya ; '' babwekeshepo ukuti, '' Yesu umwina Nasareti ⁸ Yesu alibaswike, ''Nacimyeba ati ninebo. Nomba ngamufyaya ine, lekeni aba baleya.'' ⁹ Ifi fyacitikile ukuti lifikilishiwe ishiwi alandile: ''Muli bonse abo wampela, nshalufyapo nangu umo.'' ¹⁰ Elyo Simoni Petelo, uwali nolupanga, asomwene nokukwempula umubomfi uwakwa shimapepo mukalamba nokuputula ukutwi kwaku kulyo. Nomba ishina lyamubomfi ali ni Maliki. ¹¹ Yesu atile kuli Petelo, ''Bwekesha ulupanga mucitubo. Nshalenwina mulunwino tata ampele?'' ¹² Elyo ibumba lyaba shilika na kapitao, naba shimutindikwa yaba waba yunda,baikete yesu no kumukaka. ¹³ Babalilepo ukumutwala kuli Anasi, pantu ali ni wishifyala wakwa Kayafa, uwali shimapepo mukalamba ulya mwaka. ¹⁴ Lelo Kayafa ali umo uwapele ukutubuluka kuba Yuda ukutila cawama umuntu umo afwila abantu. ¹⁵ Simoni Petelo alikonkele Yesu, kabili efyacitile naumbi umusambi. Lelo ulya musambi alishibikwe kuli shimapepo mukalamba kabili baingile na Yesu mumusolo wakwa shimapepo mukalamba; ¹⁶ lelo Petelo aiminine pa cibi kunse. Elyo nomba umusambi umbi, uwaishibikwe kuli shimapepo mukalamba, afumine nokuyalanda kuwalelinda umwinshi, nokuleta Petelo mukati. ¹⁷ Elyo umubomfi umwanakashi, kalinda wamwinshi, atile kuli Petelo, ''Iwe tauli umo mubasambi ba uyu muntu.'' Atile, ''Teine.'' ¹⁸ Lelo ababomfi naba shimucindikwa baliminine kulya, kabili balikoseshe umulilo, uwamalasha pantu kwali ukwatalala, kabili baleonta. Petelo nao alinabo, naiminina kulya aleonta. ¹⁹ Shimapepo mukalamba elyo aipwishe Yesu palwa basambi bakwe nemifundile yakwe. ²⁰ Yesu ayaswike, ''Nalilanda palwalala kwisonde. Nalesambilisha lyonse mu masinagoga na mwitempele, uko bonse aba Yuda besa capamo. Nshalandile nangu fimo mubumfisolo. ²¹ Cinshi ulengipushisha? Ipusha bonse abaleumfwa ifyonalekulanda kuli bena. Moneni, aba bantu nabeshiba ifyonalandile.'' ²² Ilyo alandile ifi finntu,umo pali bashi mutindikwa uwaimanine palya ba tobele Yesu ulupi no ku mweba ati ifi efyo ale asuka shimapepo mukalamba?'' ²³ Yesu amwasuke, ''nga ca kuti ifyo nalanda fibi, umbele bukambone palwa fibi! Lelo ifyo nalanda nga fili bwino, cinsi wa mwangumina?'' ²⁴ Anasi amutumine nakakwa kuli kayafa shimapepo mukalamba. ²⁵ Nomba Simoni Petelo aliminine alekonta umulilo. Elo batile kuli o, ''Naiwe wine uli umo mu basambi bakwe, bushe teiwe? alikene nokutila teine.'' ²⁶ Umo pababomfi bakwa shimapepo mukalamba mulupwa lwa muntu uyo petelo aputwile ukutwi, atile, nshakumwenepo nankwe mwibala?'' ²⁷ Petelo alikene nakabili, apopene mukolwe alililile. ²⁸ Elyo batwele Yesu ukufuma ku ng'anda yakwa Kayafa kwisano lyakwa shimucindikwa. Lwali lucelo celo, elo bene tabaingile mwisano lyakwa shimucindikwa pakutila beikowesha lelo ukuti balye icakucilila. ²⁹ Eico Pilato afumine panse kuli bo nokutila, ''Mulandunshi mwaletela uyu muntu?'' ³⁰ Bamwaswike nokutila, ''Ngacakutila uyu muntu talecita ifibi, tekuti tumulete kuli mwe.'' ³¹ Pilato atile kuli bo, ''Mubuleni mwebene, nokumupingula ukulingana nefunde lyenu.'' Aba Yuda batile kuli o, tacabamwifunde kuli ifwe ukwi paya uli onse. ³² Ifi epakuti amashiwi aya sosele Yesu yafishiwepo pakumulanga umusango wamfwa alinokufwako. ³³ Eico pilato aingile mwisano lyakwe nakabili no kwita Yesu nokulanda kuli ena, niye mfumuya bayuda?'' ³⁴ Yesu alyaswike, ''Bushe niwe ulelanda ifi wemwine nangu Bushe balekulandilako palwaine?'' ³⁵ Pilato amwaswike, ''ine inshili ndimu Yuda? icalo cobe nabasha mfumu nabaleta kuline. Mfishi ucitile?'' ³⁶ Yesu amwaswike, ''ubufumu bwandi tebwapanwe sonde. Ngacakuti ubufumu bwandi bwapanwe isonde, ababomfi bandi kuti balwa nabo pakutila nimpelwa kuba Yuda. Lelo ubufumu bwandi tabwafuma pesonde.'' ³⁷ Pilato atile kuli o, ''Eico uli mfumu?'' Yesu ayaswike ati, ''Naulanda ati ndimfumu. kabili ici eco naishile pesonde, ukuba bukambone kucine. Onse uwa cine omfwa kwishiwi lyandi.'' ³⁸ Pilato atile kuli o, ''Icine cinshi?'' Pamulandu wakulanda ifi, abwelelemo panse kuba Yuda nokubeba ati, nshisangile umulandu muli uyu muntu. ³⁹ Lelo mubelo wenu uwakutila mfwile ukumukakwila umuntu umo pacakucilila. Eico mukpofwaya ine mikakwile imfumu yaba Yuda?'' ⁴⁰ Balipundile nakabili teuyo muntu lelo Balaba!'' Nomba Balaba ali cipondo.