¹ "Ine mwangashi wine wine, elyo tata emulimi. ² Akoputulako umusambo onse muli ine uyo ushikotwala, no kutengwilila umusambo onse ukotwala pakuti utwalishe ukucila. ³ Namuwamishiwa pa mulandu wa mbila intu nasosa kuli imwe. ⁴ Ikalilila muli ine, na ine muli imwe. Ngafilya fine umusambo teti utwale ifisabo uwine weka kano waikala mu mwangashi, eico naimwe wine teti, kano waikala muli ine. ⁵ Ine mwangashi, nimwebo misabo, Uyo uwaikala mjuli ine naine muli o, akotwalisha ifisabo ifingi, pakutila ukwabula ine tapali ico mwingacita. ⁶ Nga umo tekalile muli ine, akoposwa kumba ngo musambo no kuma, no kulonganika imisambo no kuiposa mu mulilo, elyo yapya. ⁷ Nga mashiwi yaikala muli we ipusheni ifyo ukofwaya, fikacitikalwa iwe. ⁸ Tata wandi asumbwilwa muli ici, pakutila mutwalishe ifisabo pakuti cishishininkishewe ukuti muli basambi bandi . ⁹ Ngefyo tata antemwa, efyo namutemwa. Ikaleni mucitemwiko candi. ¹⁰ Nga mukosunga ifipope fyandi mukekalila mu citemwiko candi, ngefyo na sunga ifipope fya kwa tata no kwikalila mu citemwiko cakwe. ¹¹ Nkolanda ifi fintu kuli imwe pakuti inasansa shandi shibe muli imwe pakuti insansa shenu shibe ishapwililika. ¹² Ifi efipope fyandi, ukuti mutemwane umo no munankwe ngefyo na mutemwa. ¹³ Takuli uwakwata icitemwiko icakula ngefi-ukuti umo na lufya umweo pamulandu wa fibusa fyakwe. ¹⁴ Muli fibusa fyandi nga mukocita ifyo nkomikonkomesha. ¹⁵ Nshikomwita ababomfi , pantu ababomfi tabeshiba ifyo shikulu alecita. nkomwita abanandi, pakuti fyonse ifyo naumfwa kuli tata namulenga mufishibe. ¹⁶ Teimwe mwansalile, lelo nine na musala no kumisonta pakuti muye no kutwala ifisabo, nokuti ifisabo fikalilile. ifi cili ifi pakuti conse ico maipusha kuli tata mwishina lyandi, akapela ici kuli imwe. ¹⁷ Ifi fintu nkomikonkomesha, pakuti mutemwane umo na munankwe. ¹⁸ Nge calo camupata, mwishibe ukuti calimpata libe tacilamupata. ¹⁹ Ngamuli bamu calo, icalo kuti camutemwa ngabaciko. Lelo pantu tamuli ba mucalo na pakuti nalimusala ukufuma mu calo eica icalo calimupata. ²⁰ Ibukisheni ishiwi nalandile kuli imwe, 'umubomfi tacila uli shikulu wakwe' Nga bapakasa ine bakapakasa naimwe; ngbasungila ishiwi lyandi , bakasunga ne lyenu. ²¹ Bakacita ifi fyonse kuli imwe pa mulandu we shina lyandi, pantu tabaishiba uwantuma. ²² Nga nshaisha no kulanda kuli bo, ngatabakwete ulubembu, lelo nomba tabakwete akabepesho pa lubembu lwabo. ²³ Uwapata ine apata na Tata. ²⁴ Nga nshacita imilimo iyo umbi ashacitako, ngatabakwete ulubembu, lelo balimona no kupata ine pamo na tata. ²⁵ Lelo fili ifi pakumfwikilisha ishiwi ilya lembwa mwifunde. 'bampatile pabula umulandu.' ²⁶ Ilyo katalalika akesa-uyo nkatuma kuli imwe ukufuma kuli Tata, kuti umupashi wa cine, uleya ukufuma kuli Tata-akapela ubunte palwa ine. ²⁷ Naimwe mwebene ufwilile mwapela uubunte, pantu naba naimwe ukufuma pa kutampa.