¹ Nga umo apela ilambo icabupe ca mwisenge ica nama ukufuma mu ng'ombe, nga ilume na iikota, alingile ukupela inama umutaba akalema kucinso cakwa Yaweh. ² Ali nokubika iminwe yakwe pamutwe wa cabupe cakwe elo no kwipaila pa mwenshi we tenti lya kulonganinamo. Eluntu abana bakwa Aaron bashimapepo bakasanse umulopa waiko kumbali ya bulambo. ³ Umuntu akapalamike ilambo icabupe ce senge ca mumulilo kuli Yaweh. Na mafuta aya fimba nangu ayasuntinkana ne fiputulwa fya munda, ⁴ elo nemfyo shibili elo na mafuta ayali muli fyena pa musana, elo ne nsongo ya libu, pamo nemfyo akafumye fyonse ifi. ⁵ Abana bakwa Aaron bakafyoce pa bulambo pamo ne cabupe cakoca, icili pa nkuni isho ishili pa mulilo. Ifi fikaleta icena icisuma kuli Yaweh; cikaba icabupe icapangilwa kuli ye mumulilo. ⁶ Ngo umuntu ilambo lya ca bupe ce senge nga lya mumukuni; iilume nangu iikota, akapele ilambo umushaba akalema. ⁷ Nga apela impaanga nge lambo lyakwe, elo akapele kuli Yaweh. ⁸ Akabike iminwe pa mutwe we ce lambo cakwe elo akepaile pe tenti lya kulonganinamo. Eluntu abana abaume bakwa Aaron bakasanse umulopa kubali shonse isha bulambo. ⁹ Umuntu akapele icabupe ce lambo lye senge nge cabupe icapangwa mumulilo kuli Yaweh. amafuta, na mafuta yonse aya kumucila akaputule ayalola kwifupa lya kumusana, elo na mafuta ayafimba pa fiputulwa fya munda elo na mafuta yonse ayaba mupepi ne fiputulwa fya munda, ¹⁰ elo nemfyo shibili elo na mafuta yaliko, ayali ku musana, elo ne nsongo yalibu, pamo nemfyo-- akafumyeko fyonse ifi. ¹¹ Shimapepo akafocele fyonse pa bulambo nge cabupe ca koca icakulya cakwa Yaweh. ¹² Nge cabupe ca muntu cili ni mbushi, elo akacipele kuli Yaweh. ¹³ Akabike iminwe yakwe pa mutwe wa mbushi elo akepaile pe tenti lya kulonganinamo. Eluntu abana baume bakwa Aaron bakasansaike umulopa waiko pambali ya bulambo. ¹⁴ Umuntu akapele icelambo cakwe icapangilwa mumulilo kuli Yaweh. Akafymye amafuta ayo ayfimba pa fyamunda, elo na mafuta ayo ayaba mupepi nefya munda. ¹⁵ Kabili akafumye nemfyo shibili elo na mafuta ayaliko, ayali ku musana, elo ne nsongo yalibu pamo nemfyo. ¹⁶ Na shimapepo akafyocele pa bulambo fonse nge cabupe ca koca nge cakulya, kukuleta icena icisuma. Amafuta yonse yakwa Yaweh. ¹⁷ Ici cipope ca kwikalilila ukupita mu bantu benu munkulo mu ncende monse umo mukapanga amayanda, ukuti mwebo mwikalya amafuta nangu umulopa.'''