¹ Yaweh alandile kuli Mose, atile,'' ² Landa kulukuta lonse lwakwa Israeli elo ulande kulibo , ' Mwebo mufwile mwaba abamushilo, pantu nebo Yaweh Lesa wenu ndi wamushilo. ³ Uuli onse afwile ukucindika nyina wakwe elo na wishi wakwe, elo webo ufwile ukusunga ifibelushi fyandi. Nebo nine Yaweh Lesa wenu. ⁴ Takuli kwalukila kuli tulesa twafye, nangu ukupanga pa lwenu tulesa ukufuma ku cela. Nebo nine Yaweh Lesa wenu. ⁵ Uluntu mwebo mwatula uutulo we lambo lyakwampana kuli Yaweh, mwebo mufwile mwapela ici pakweba ati mwebo mwaba aba suminishiwa. ⁶ Ici cifwile caba icakulya pa bushiku bumo bwine ubwe lambo lyenu, nangu pa bushiku bwakonkapo. Nga cakwebati fimbi fyashala ukufika pa bushiku bwa butatu, fifwile fyapya no mulilo. ⁷ Nga cakuti ca likilwa pamo pa bushiku bwa butatu, lyena munofu ukonaika; wena taufwile waba uwa suminishiwa. ⁸ Elo onse uulya ici afwile asenda ulubembu lwakwe pantu aonaula ica mushilo kuli Yaweh, elo uyu muntu afwile aba uwakuputulwa ukufuma ku bantu bakwe. ⁹ Uluntu mwebo mulesombola ifyabusomboshi mu calo cenu, mwebo tamufwile ukupwisha ukusombola na mumbali ya mabala yenu, nangu mwikalonganya fyonse ifikafuma mubusomboshi bwenu. ¹⁰ Mwebo tamufwile ukulonganika imyangashi shonse ukufuma mu mabala ya myangashi yenu, mwikalekukolonganika imyangashi iyo iyaponena panshi mumabala yenu aya myangashi. Mwebo mufwile mwayashila ku balanda elo na kubenafyalo. Nebo ninebo Yaweh Lesa wenu. ¹¹ Mwilakwiba. Mwilakubepa. Mwilakucenjeshanya. ¹² Mwilalapisha mwishina lyandi mu bufi elo noku salula ishina lyakwa Lesa wenu. Nebo nine Yaweh. ¹³ Mwebo mwila cusha umwina mupalamano wenu nangu ukumwibila ena. Amalipilo ya mubomfi tayafwile yaikala kuli webo ubshiku bonse mpaka no lucelo. ¹⁴ Mwilatipaa nkoma matwi nangu ukubikila impofu ica kuipununako. Eico kanshi mwebo mufwile ukutina Lesa wenu. Ninebo Yaweh. ¹⁵ Mwilakulenga ubupingushi ukuba ubwa bufi. Mwebo tamufwile kulanga ukuwila kuli bamo pantu ena mulanda, elo mwebo tamufwile ukulanga ukuwila kuli bamo pantu ena mukankala. Eico kanshi , pinguleni umwina mupalamano wenu no mulinganya. ¹⁶ Takuli ukwendauka mukusalanganya ulwambo mukati ka bantu bobe, lelo fwaya ukucingilila abena mupalmano bobe. Ninebo Yaweh. ¹⁷ Takuli kupata wenu mumutima obe , webo ufwile ukukalipila umwina mupalamano obe mucishinka pakwebati takuineko mwi sambi pa mulandu wakwe. ¹⁸ Takuli kulanda nangu ukukwata ulupato ululi lonse nangu ukupusana na bantu bobe abali bonse, nomba lelo temwa abena mupalamano bobe nga we mwine. Ninebo Yaweh. ¹⁹ Webo ufwile ukusunga amafunde yandi. Takuli kwesha inama shobe ukutandwa nefya pusana imisango ku nama shimbi. Takuli ukupatankanya imbuto imisango shibili iyakupusana uluntu ukubyala mwibala lyobe. Takuli kufwala icakufwala icapangwa ku misango ibili iya lushishi yapatankana pamo. ²⁰ Uyo onse uulala no mwanakashi umusha uyo uwalailwe ku mulume, lelo uyo tabalipila nangu ukupelwa ubuntungwa, afwile apanikwa. Bena tabafwile ukumwipaya antu ena talubulwa. ²¹ Umwaume afwile aleta umutulo pa mulandu wakwe kuli Yaweh pa mwinshi kwi tenti lya kukumaninamo _ sukusuku uwa mutulo wapa mulandu. ²² Eluntu shimapepo aka mufutila ena umwana wa mpaanga umutulo wapa mulandu kuli Yaweh. Pe sambi ilyo ena acitile. Eluntu isambi ilyo acitile likelelwa. ²³ Uluntu mwebo mukoisa mu calo eluntu mukabyale ifimuti fya misango yonse ifya kuwenamo ifyakulya, eluntu mebo mufwile ukumona icisabo icilefumako nga cali bindwa ukulya. Icisabo cifwile caba icabindwa kuli mwebo pa myaka shitatu tafifwile fyalikwa. ²⁴ Lelo mumwaka walenga bune icisabo conse cikaba ica mushilo, umutulo uwakutashishamo Yaweh. ²⁵ Mumwaka wakulenga busano kuti mwalya icisabo, pakukwata ukulolela pakwebati ifimuti fya twla sana. Ninebo Yaweh Lesa wenu. ²⁶ Mwilakulya umunofu onsee umuli umulopa. Mwilakwipusha imipashi palwa bwikashi bwa kuntanshi, lelo takuli kufwaya ukutungulula bambi kubuloshi. ²⁷ Mwilakubeya umushishi wa mumbali ya mutwe wenu nangu ukubeya umwefu wenu. ²⁸ Mwilateta mibili yenu pa mfwa nangu ukubika inembo ifishibilo pamibili wenu. Ninebo Yaweh Lesa wenu. ²⁹ Takuli kusebanya umwana obe umwanakshi pakumucita umucende, nangu umutunu ukuwila kubulalelale elo ne calo ukuba icaisulamo ububi. ³⁰ Mwebo mufwile ukusunga ifibelushi fyandi elo no kucindika incende yandi iya mushilo. Ninebo Yaweh. ³¹ Mwilakupilibukila ku balanda naba fwi nangu ne mipashi. Takuli kubafwaya, nangu bena ukumikwesha mwebo. Ninebo Yaweh Lesa wenu. ³² Webo ufwile waima ku muntu mufwi elo no kucindika icinso ca muntu umukote. Webo ufwile ukutina Lesa obe. Ninebo Yaweh ³³ Nga cakuti umwinafyalo ekala mukati kenu mu calo cenu, Mwebo tamufwile ukucita ububi ubuli bonse pali ye. ³⁴ Umwina fyalo uwikala na mwebo mufwile mwaba kuli ye ngo mwikashi _ uwa fyalilwa mubena Israeli uwikala mukati kenu, elo mwebo mufwile ukutemwa ena nga we mwine, pantu webo wali umwina fyalo mu calo ca Egypt. Ninebo Yaweh Lesa obe. ³⁵ Takuli kubomfya ifipimo fya bufi uluntu mupima ubutali, nangu ifilimo. ³⁶ Mwebo mufwile mwabomfya ifipimo ifyalingana, ukufina ukwalingana, efa uwalingana, elo na galoni iya lingana. Ninebo Yaweh Lesa obe , uwamiletele mwebo ukufuma mu calo ca Egypt. ³⁷ Mwebo mufwile ukunakila amashiwi yandi yonse elo na mafynde yandi yonse, elo no kuyacita. Ninebo Yaweh.