¹ Abantu bakwa Israeli nakabili babwekeshepo ukucita ifyabipa pacinso cakwa Yahweh, elo abapele muminwe yabapelishiti pamyaka aamakumi yane. ² Kwali umuntu umo ukufuma ku Sora, umwina Dani, uwakwete isjina lya Manoah, umukashi wakwe talikwimita eico talikufyala. ³ Malaika wakwa Yahweh alimonekele ku mwanakashi nokumweba ati, ''Bona nomba, webo tawimita, elo taufyala, lelo uli nokwimita nokufyala umwana umwaume. ⁴ Nomba ucenjele wikanwa mwangashi nangula icakunwa icikola, elo wilalya icakukowela. ⁵ Lolesha, uli nokuba pabukulu nokufyala umwana umwaume. Kwikaba cibeyo icikesakupita kumutwe wakwe, pantu umwana akesakuba umu Nashiri kuliu Lesa ukufuma mwifumo, elo akesakutampa ukutula abena Israeli ukufuma muminwe yaba Perishiti.'' ⁶ Eluntu umwanakashi aishile nokweba umlume wakwe ati, Umuntu wakwa Lesa acisa kuli nebo, nemimonekele yakwe yaciba kwati yakwa malaika wakwa Lesa , kwakutinya nganshi. Nshacimwipusha uko acifuma , elo tacinjeba ishina lyakwe. ⁷ Acilanda kuline ati, 'Lolesha! ukaba pabukulu elo ukafyala no mwana umwaume. Eico takulikunwa umwangashi nangu icakunwa icikola, nokukanalya icakulya conse ico amafunde yalandati calikowela, pantu umwana akaba umu Nashiri kuli Lesa ukufuma panshita akaba mwifumo lyobe ukushintafye nakubushiku bwamfwa yakwe.''' ⁸ Eluntu Manoah apepele kuli Yahweh elo nokulanada ati, ''Iyee, mweshikulu, napapata lekeni umuntu wakwa Lesa uo mwacituma ese nakabili kuli fwebo pakwebati atufundishe ifyo yukacita kumwana uwalafyalwa mukwangufyanya .'' ⁹ Lesa alyumfwile kwishiwi lyakwa Manoah, namalaika wakwa Lesa alibwelulukile ku mwanakashi nakabili ulumtu aikele mwibala. Lelo Manoah umulume wakwe talinankwe. ¹⁰ Eico umwanakashi alibutukile mukampampa nokweba umwina mwakwe, ''Lolesha! umwaume namoneka kulinebo-uwaishile kulinebo bulya bushiku!'' ¹¹ Manoah alimine nokukonka umukashi wakwe. Uluntu aishile kumuntu, alandile kuliye ati, Bushe niwe muntu walikulanda kumukashi wandi? '' Umuntu alandile ati, ''Ninebo.'' ¹² Eico Manoah alandile ati, ''Nomba ngafyaisakucitika ifyebo fyobe fyakukonkanshi fikesakuba kumwana elo ukesa kuba shani umulimo wakwe?'' ¹³ Malaika wakwa Yahweh alandile kuli Manoah ati, ''Umukashi obe akaposeko amano ukucita ifintu fyonse ifyo nalandile kuiye. ¹⁴ Talinakulya icintu conse icifuma ku mwangashi, elo wikamuleka ukunwa umwangashi nangu icakunwa Icikola. Afwilefye akunakila fyonsefye ifyo namukonkomeshe ukucita.'' ¹⁵ Manoah alandule kuli malaika wakwa Yahweh ati, ''Npapata ikaleniko panono, ukutupelako akashita ukwebati twingamipekanishisha akana kambushi.'' ¹⁶ Malaika wakwa Yahweh alandule kuli Manoah ati, ''Nangu ngacakwebati naikala, ntalye ifilyo fyenu. Lelo ngamwapekanya ilambo lyakoca, pela kuli Yahweh.'' (Manoah taishibile ukwebati ni malaika wakwa Yahweh.) ¹⁷ Manoah alandile kuli malaika wakwa Yahweh ati, ''Niwebo nani ishina, pakwebati tukakucindike uluntu ifyebo fyobe fikesakucitika?'' ¹⁸ Malaika wakwa Yahweh alandile kuliye ati, ''Ninshi uleipushisha ishina lyandi? Lyena lyakupapa.''' ¹⁹ Eico Manoah abulile akana kambushi nacabupe cabunga nokufitula pacilibwe kuli Yahweh. Acitile ifisungusho ifyaibela ninshi Manoah nomukashi wakwe balelolesha. ²⁰ Uluntu ulubingu lwaninine ukufuma pabulambo ukulola mumulu, malaika wakwa Yahweh aninine kumo mulubingu lwapa bulambo. Manoah nomukashi wakwe balibwene ifi elo bakontamike ifinso fyabo panshi. ²¹ Malaika wakwa Yahweh tamonekele nakabili kuli Manoah nagula kumukashi. Elo Manoah aishilekwishiba ukwebati nimalaika wakwa Yahweh. ²² Manoah alandile kumukashi wakwe ati, ''Mucinefye tukofwa pantu twamumona Lesa!''' ²³ Lelo umukashi wakwe alandile kuliye ati, ''Ngacakwebati Yahweh alefwaya ukutwipaya, tekuti apokelele icabupe cakoca neca bunga ico tumupele elo ngatatylangile ifi fintu, napali iyi nshita ngatatulengele ukumfwa ifintu ngefi.'' ²⁴ Panuma umwanakashi alifyele umwana umwaume, nokumwinika ishina lyakwe ati Samson. Umwana alikulile na Yahweh alimupaalile. ²⁵ Umupashi wakwa Yahweh walitampile ukumukunta kumutima mu Mahane Dan, pakati ka Sora na Eshtaole.