1 Yaweh alisakamene kuli Sarah ngefyo ali nokucita, elo Yaweh alicitile Sarah ngefyo fine alaile. 2 Sarah aishile kwimita elo aishile kufyala umwana umwaume kuli Abraham mubukote bwakwe, panshita iya kulinga iyo Lesa alandile kuli ye. 3 Abraham ainikile umwana wakwe umwaume, umo uwafyelwe kuli ye, uo Sarah amufyalile, Isaki. 4 Abraham aishile kusembulula umwana wakwe Isaki uluntu ali nenshiku cine konsekonse, ngefyo Lesa amwebekeshe. 5 Abraham akwete imyaka umwanda umo uluntu umwana wakwe umwaume Iaski aishile kufyalwa kuli ye. 6 Sarah aishile kulanda ati, ''Lesa alinengele ukutemwa; one uukalakumfwa akalekuseka pamo nanebo.'' 7 Elo nakabili aishile kulanda ati, ''Nani ali nokulanda kuli Abraham ukweba ati Sarah kuti aonsha abana, eya ndimufyalile umwana mubukote bwakwe. 8 Umwana alikulile elo alisumukile, elo Abraham aishile kupanga umutebeto uukulu bulya bushiku Isaki asumukile. 9 Sarah aishile kubona umwana wakwa Hagar umwina Egypto, uo afyele kuli Abraham, ako muaisha. 10 Eico aishile kulanda kuli Abraham ati, ''Mutamfyeni uyu mwanakashi umusha elo no mwana wakwe, pantu tekuti uyu mwana wamusha takapyane pamo nomwana wandi, Isaki.'' 11 Ici caishile kusakamika Abraham sana pamulandu wamwana wakwe. 12 Lelo Lesa aishile kulanda kuli Abraham ati, ''Wisakamana pamulandau nomwana, elo napamusha wenu umwanakashi. Umfwa pamashiwi yakwe yonse alandile pali uyu mulandu, pantu nimuli Isaki ulupwa lobe lukenikilwa. 13 No mwana wamusha obe nkamusangula uluko. Pantu bufyashi bobe.'' 14 Abraham aishile kubuka kumaliki, aishile kubula umukate elo ne nyambi amenshi, elo aishile kupela Hagar, aishile kubika pakubeya kwakwe. Ashile kumupela umwana elo aishile kumuleka aya. Alile elo alikucululuka mumawanga ya Beersheba. 15 Uluntu amenshi yaishile kupwa munyambi, aishile kuposa umwana mufimpusa. 16 Eluntu aishile kufumapo, elo aile kwikala akatalamukila ukufuma kumwana, apengalinga ukuposa umusambo, pantu aishile kulanda ati, ''Ntalefwaya ukulolesha imfwa yamwana.'' Ulo aikele apatali nankwe, aishile kupunda ishiwi elo aishile kulila. 17 Lesa aumfwile umusowa wamwana, elo no mugeli wakwa Lesa aishile kulanda Hagar ukufuma mumulu, elo aishile kulanda kuli ye ati, ''Cindo cile kucusha, Hagar? Witina, pantu Lesa alyumfwile ishiwi lya mwana uko ali. 18 Ima, imya umwana, elo nokumukoselesha; pantu nkamupanga ukuba umushobo uukulu.'' 19 Eluntu Lesa aishile kumwisula amenso yakwe, alibene icishima camenshi. Aishile kuya kwisushamo amenshi munyambi, aishile kunwisha no mwana. 20 Lesa ali no mwana elo alikulile, Alikwikala mumatololo elo aishile kuba umisumbo. 21 Aikele mumawanga ya Parani, elo nyina aishile kumubulila umwanakashi mu mpanga ya Egypto. 22 Kabili caishile kuba pali ilyanshita Abimeleki elo na Picol umukulu waba shilika aishile kulanda kuli Abraham, ukumwaba ati, ''Lesa ali na webo muli fyonse ifyo ukocita. 23 Eco nomba lapa kuli Lesa ukweba ati tawakacite ububi kuli nebo, naku bufyashi bwandi, nakuli balupwa lwandi. Kuli nebo elo na kumpanga iyo walikwikalamo icipangano cacicetekelo cimo cine ngefyo nalangile kuli we.'' 24 Abraham aishile kulanda ati, ''Nalapa'' 25 Abraham nao alikuilishanya kuli Abimeleki kumalandu wa cishima camenshi ico ababomfi ba kwa Abimeleki bapokele kuli ye. 26 Abimeleki aishile kulanda ati, ''ntaishiba uwa cita ici cintu. Tawanjebako kunumoku; Ntaumfwako kano fye lelo line. 27 Eico Abraham apitile impanga ne ng'ombe elo aishile kushipela kuli Abimeleki, naba bantu babili balipangile icipangano 28 Eluntu Abraham aishile kupekanya impanga ishikota cine lubali ishapebumba umwine. 29 Abimeleki aishile kulanda kuli Abraham ati, ''ukopilibula indo ishimpanga cine lubali ishikota wapekanya webo?'' 30 Aishile kwasuka ati, ''Ishimpanga cine lubali ishikota ulepoka muminwe yandi, pakwebati cibe bukambone kuli nebo, ukuti ninebo naimbile ici icishima. 31 Eico aitile ilya ncende ati Beersheba, pantu bonse baishile kulapa umulapo. 32 Baishile kulapa umulapo pa Beersheba, Elo kabili Bimeleki na Picol, umukulu wabashilika, alibwelele kumpanga yabena Filisti. 33 Abraham aishile kubyala icimuti ca tarmask mu Beersheba. Kulya aishile kupepa Yaweh, Lesa wa muyayaya. 34 Abraham alikele ngo mweni mumpanga yabena Filisti inshiku ishingi