¹ Umfwa, Israeli; mwalasomoka Yodani lelo, ukuya ingila nokupoka ifyalo ifikulu elo ifyamaka ukucila mwebo, ne misumba inenene elo iya cingililwa ukufika nakumulu, ² abantu abenenene elo abatali, abana bakwa Anakumu, uyo mwaishiba, elo uyo mwaumfwa na bantu balandapo ati, Ninani wingemanina ku bana bakwa Anaki?' ³ Eico ishibeni lelo ukweba ati Yaweh Lesa wenu ni uyo uumitangilila ngo mulilo uukooca; Ali no kubonaula, elo akabapela ku kubalofya kuli mwebo, na mwebo mukabatamfya elo no kubalenga ukuloba bwangu, ngefyo Yaweh alanda kuli mwebo. ⁴ Wikalanda mu mutima obe, panuma Yaweh Lesa obe atamfya aba bantu kuli webo ati, 'Ni pamulandu wabulungami bwandi epo Yaweh andetela ukwikala muli cino calo; pantu nipa bubifi bwa fyalo ifi efyo Yaweh abatamfisha kuli mwebo. ⁵ Tekubulungami bwenu nangu ukololoka kwa mitima yenu mukoila mukupoka ifyalo fyabo, lelo nipamulandu wa bubifi bwaifi fyaalo efyo Lesa wenu akobatamfisha kuli mwebo, elo pakweba ati engalenga fyaba ifyacishinka amashiwi alapile kufikolwe fyenu. Kuli Abrahamu, nakuli Isaki, elo nakuli Yakobo. ⁶ Kanshi ishibeni ukweba ati, Yaweh Lesa wenu takomipela ici calo icabune ukucipoka pamulandu wabulangami bwenu, pantu mwebo muli bantu bakukosa imitwe. ⁷ Mulekwibukisha elo mwikalaba ifyo mwalengele Yaweh Lesa wenu ku kufulwa mu matololo; ukufuma ubushiku mwafumine mu calo ca Egypto mpaka uluntu mwaishile muli ino ncende, mwebo mwabafye abakutalamina Yaweh. ⁸ Elo napa Horebu mwalengele Yaweh ukufulwa, elo na Yaweh alimifulilwe ukufika napo enga myonawila. ⁹ Uluntu nebo naishile kuya pa mulu wa lupili mukupoka amabwe yalembwapo, amabwe yalembwapo ifilayo ifyo Yaweh apangile kuli mwebo, Nebo naikele kulupili pa tusuba amakumi yane ne nshiku amakumi yane; Nebo ntalekulya nangula ukunwa amwenshi. ¹⁰ Yaweh aishile kumpela ambwe ayalembelwepo yabili ku minwe yakwe; paliyena palilembelwe fyonse nga yonsefye amashiwi Yaweh alikulanda kuli mwebo ku lupili ukufuma mukati ka mulilo ubushiku ubo twakolongene. ¹¹ Calicikile pakulekelesha kwa tusuba amakumi yane ne nshiku amakumi yane ukuti Yaweh aishile kumpela amabwe yalembwapo yabili. amabwe yalembwapo ifilayo. ¹² Yaweh aishile kulanda kuli nebo ati, 'Ima, tentemuka bwangu ukufuma kuno, pantu abantu bobe, ebo wafumishe mu Egypto, baliyonawile abane. balifumine bwangubwangu munshila iyo nebo nabakonkomeshe. bali ipangila abene akalubi ka ceela.' ¹³ Elo nakambia, Yaweh aishile kulanda kuli nebo, nebo ndibwene ababantu; bantu abakutalama. ¹⁴ Nshafye neka, pakwebati nebo mbonaule nokufuta ishina lyabo pe samba lya calo, elo nkapange icalo cinenene muli iwe elo elo icikulu ukucila bena. ¹⁵ Eico nebo napilibwike nokutentemuka ku lupili, elo no lupili lwaleyaka. na mabe yabili ayafilayo yali mu minwe yandi. ¹⁶ Naliloleshe, elo nokubona, mwebo mwalibembukile Yaweh Lesa wenu. Mwali ipangile icilubi icana ca ng'ombe. mwalishile kufuma bwangu munshila intu Yaweh amikonkomeshe. ¹⁷ Naishile kupita amabwe yalya yabili elo nokuyaposa ukufuma mu minwe yandi. Nebo naishile kuyatobaula ku ntanshi ya menso yenu. ¹⁸ Nakambi naishile ku kontamika icinso candi kuli Yaweh pa tusuba amakumi yane ne nshiku amakumi yane, Nebo ntalekulya mukate nangula ukunwa amenshi, pa mulandu wa shonse imembu mwa citile, mukucita ico icali icabipa mu menso yakwa Yaweh, pakuti mwebo mu mutendekele ku kufulwa. ¹⁹ Pantu nebo naishile kutina ukukalipa elo no kutina uko kuntu Yaweh ali uwafulwa ukufikapo pafyo engamyonaula. Nomba Yaweh aishile kumfwa kuli nebo nailya nshita nebo. ²⁰ Yaweh aishile kufulilwa Aaroni icakwebati ati amonaule; Naishile kupepela Aaroni napa nshita imo ine. ²¹ Naishile kusenda imembu shenu, ne cana ca ng'ombe mwapangile, noku cocaa, nokuci fwamfwankanya, no kucipanga akanono, mpakafye cashala akanono ngo lukungu. Nebo naishile kuposa ulukungu lwa ciko mukamulonga akafuma mu mpili. ²² Pa Taberah, pa Massah, elo napa Kibroti Hattaavah, mwebo mwaishile kutendeka Yaweh ku kufulwa. ²³ Uluntu Yaweh aishile kumituma ukufuma ku Kadesh Banea no kwisa kulanda ati, 'Nineni nokupoka icalo ico mipele mwebo,' eluntu mwebo mwayalukile ifipope fyakwa Yaweh Lesa wenu, elo tamwalecetekela nangula ukumfwa kwi shiwi lyakwe. ²⁴ Mwebo mwabafye abayalukila Yaweh ukufumafye lintufye nebo namishibile. ²⁵ Efyo naishile ku kontamikila icnso candi kuli Yaweh muli tulya tusuba amakumi yane ne nshiku amakumi yane, pamulandu aishile kulanda ati kuti amyonaula. ²⁶ Nebo naishile kupepa kuli Yawe no kwisa kulanda ati, mweshikulu Yaweh, mwionaula abantu benu nangu icikwatwa cenu ico mwailubwilile ku maka yenu, ico mwaifunishishe mu Egypto no kuboko kwenu ukwa kosa. ²⁷ Mukale kwibukisha ababomfi benu Abrahamu, Isaki, elo na Yakobo; mwilolesha pakutalama kwa aba bantu, napa bubifi, napa membu shabo. ²⁸ Pantu icalo uko mwatufumishe kuti balanda ati, ''Pantu Yaweh tabatwele mu calo ico alaile kuli bo, elo napamulandu ali bapatile, abafumishishefye kukuya mukubepaya mu matololo.'' ²⁹ Nomba aba bantu bobe elo cikwatwa cobe, ebo wafumishe na maka yene yene elo nakukulanga kwa maka yobe.