¹ Mukalekubaka umwnshi wa Abibu, no kusanga icakucilila kuli Yaweh Lesa wenu, pantu ni mu mwenshi wa Abibu Yaweh Lesa wenu amifumishe mu Egypto ubushiku. ² Mukalakupela icakucilila kuli Yawe Lesa wenu pamo ne fitekwa elo ne ng'ombe mu ncende umo Yawe akasala ngo mwashila mwakwe. ³ Tamwakalekulya umukate umwaba icitutumushi pamo ne fyena; inshiku cine lubalimukalekulya umukate umutaba icitutumushi, umukate wakupakaswa; pantu mwafumine mu calo ca Egypto mulubilo. Mukalakucita ifi inshiku shonse isha myeo yenu pa kweba ati mukalekwita musunga ubushiku mwafumine mu calo ca Egypto. ⁴ Takuli intutumushi iifwile ukuboneka uli mwebo mukati ka mipaka yenu muli ishi inshiku cine lubali; nangu ni nama isho mwapela ilambo ubushiku shifike mu lucelo. ⁵ Tamufwile ukupela ica kucilila mukati ka myenshi ya misumba yenu iyo Yaweh Lesa wenu alekumipela. ⁶ Lelo, peleni pa ncende intu Yaweh Lesa wenu akalekusala nge ya shila. Uko eko mukalekucita ifyelambo fya kucilila mu cungulo mukuwa kwa kasuba, Panshita yamu mwaka iyo mwafunepo mu Egypto. ⁷ Mufwile mwaikanga no kuilila pa ncende iyo Yaweh Lesa wenu akasala; mu lucelo mukalepinduluka no kuya kuma tenti yenu. ⁸ Pa nshiku mutanda mukalekuya umukate wabula icitutumushi; pabushiku bwakulenga cine lubali ku kaleba ukukumana kwa kulapa kuli Yaweh Lesa wenu; pabushiku bulya tamwakalekubomba incito. ⁹ Mukalekuipendala imilungu cine lubali iyenu; ukufumafye ilyo mwatampa ukusombola ing'ano mu fwile mwatampa ukupenda imilunu cine lubali. ¹⁰ Mukalekusunga ukusefya kwa nshiku sha milungu kuli Yaweh Lesa wenu mukusangwila kwa mitulo yakuitemenwa ukufuma ku maboko yenu ifyo mukapela, ukulinga nefyofye Yaweh amipala. ¹¹ Ukalekusangalala ku ntanshi yakwa Yawe Lesa obe-- webo, umwanaa mwaume obe, umwana mwanakashi obe, umubomfi mwaume obe, umubomfi mwanakashi obe, umwana Levi onse mukati ka myenshi sha musumba obe, elo no mwina fyalo, uwakubula wishi, elo na mukamfwilwa muli mwebo, pa ncende epo Yaweh Lesa obe akasala iya fyashila yakwe. ¹² Mukalekwita kukwibukisha ati mwebo mwali abasha mu Egypto; mufwile ukubaka no kucita ifi fyebo. ¹³ Mukalekusunga ukusefya kwa nsakwe pa nshiku cine lubali pa numa mwakolonganya ubusomboshi ukufuma ku ng'ano shenu naku fitwalo fya myanganshi. ¹⁴ Ukalekusunga mu nshita shakusefya shobe-- webo, umwana mwaume obe, umwana mwanakashi obe, umubomfi mwaume obe, umubomfi mwanakashi obe, umwina Levi, elo no mwina fyalo, elo no wakubula wishi elo na bamukamfwilwa abali mukati ka myenshi sha musumba wenu. ¹⁵ Pa nshiku cine lubali mufwile ukusunga ukusefya kwakwa Yaweh Lesa wenu pa ncende apo Yaweh akasala, pantu Yaweh Lesa wenu akamipala mu busomboshi bonse elo na mumulilo onse uwaku maboko yenu, elo mufwile muletemwa ukufikapo. ¹⁶ Imiku itatu mu mwaka abaume benu bonse bafwile ukulabonekela kuli Yaweh pa ncende apo akasala: Pakusefya kwa mukate uwabula icitutumushi, pa kusefya kwa milungu, elo napakusefya kwa nsakwe. Takwakalekuba nangu umo uukalebonekela kuli Yaweh iminwe nkutwa; ¹⁷ lelo. onse umwaume akalekupela ifyo alingile, pakuti mwingeshiba amapalo yantu Yaweh Lesa wenu apela kuli mwebo. ¹⁸ Mufwile mwapanga bakapingula elo na bacilolo mukati ka myenshi ya misumba yenu intu Yawe Lesa wenu alekumipela mwebo; Bakalekusalwa ukufuma muli cila mukowa wenu, elo bafwile bakalekupingula abantu no bupingushi bwa cishinka. ¹⁹ Tamufwile mwafumyapo umulinganya ku maka; tamufwile mukalekusalulula no kupoka amafisakanwa, pantu amafisakanwa yalapofwisha amenso elo no kupondamika amashwi yawa lungama. ²⁰ Mwebo mukalekukonka umulinganya, kukonkafye umulinganya capwa, pakuti mwebo mukekale no kupyana icalo ico Yaweh Lesa wenu akomipela. ²¹ Tamwakalekuibikila ci Asherah, nangu icili conse icaimikwa, lubali lwa bulambo bwakwa Yaweh Lesa wenu ubo mukaipangila mwebene. ²² Lelo nangu kuimikila mwebene icilibwe icakupepa, ico Yaweh Lesa apata.