¹ Ine nalilolekesha kabili nali mwene umwana wampanga aiminine pamulu walupili lwa Sioni. Ali pamo nabamakana umwanda umo namakana amakumi yane na makana yane uwali ne shina lyakwe kabili ishina lyakwa shifwe lyalembelwe pampumi shabo. ² Ine naumfwile ishiwi ukufuma ku mulu nge ciunda camenshi ayengi yalekunkuluka kabili nge ciunda ca cibulukutu icikalamba. Kabili iciunda naumfwile naco cali kwati cabakalemba abalelisha amasese yabo. ³ baimbile ulwimbo lupya pantanshi ya cipuna cabufumu napantanshi yafya mweo fine nabakalamba. Kabili tapali nangu umo uwakusambilila ulwimbo kano fye abamakana umwanda umo namakana amakumi yane namakana yane kano abo abashitilwe ukufuma fye kwisonde. ⁴ Aba nibamo abashaikosha abene ku banakashi, pantu abene baliikanya uku kana cita bulale lale. Aba ebakonka umwana wampanga konse uko aya. Bonse bali lubwilwe ukufuma ku mutundu ngefisabo fyantanshi ukupelwa kuli Lesa na kumwana wampanga. ⁵ Tamwalesangwa bufi mutunwa twabo; kabili tabaebaulwapo. ⁶ Ine namwene naumbi malaika alepupuka mukati ka muulu, uwali nembila nsuma ya muyayaya iya kubilwa kubaikala pano isonde-- nakunko shonse, nakumitundu na mundimi, na bantu. ⁷ Uwaleita kwishiwi ilikalamba ati, ''Tineni Lesa nokumupela ubukata. Pantu inshita ya bupingushi bwakwe naifika. Mupepeni, ni umo uwapangile umuulu, ne sonde, ba bemba, na utumfuku mfuku twa menshi.'' ⁸ Naumbi malaika-- na malaika wacibili akonkapo, alandile, '' Nawa, nawa Babiloni mukalamba, uwalengele inko shonse ukunwako umwangashi wakwe uwa cipyu cabulale lale bwakwe.'' ⁹ Naumbi malaika-- namalaika walenga butatu-- abakonkele, alelanda nenshiwi ilikalamba, ''Ngouli onse alepepa iciswango necimpashanya cakwe nokupokelela icishibilo pampumi yakwe nangu pa maboko yakwe, ¹⁰ nao wine akanwako fimo ifyamyangashi Lesa acita ifishasunduka, ica baitila muli kapu wa bukali bwakwe. No muntu unwa akacushiwa ku mulilo ne mingu pantanshi yabamalaika bakwe Lesa abamushilo napantanshi yamwana wampanga. ¹¹ Elyo icushi cakucuula kwabo cikafuma nokuya pamulu umuyayaya, no muyayaya, kabili nabo takwakabe ukuutusha akasuba nangu ubushiku-- bonse abapepa iciswango ne cimpashanya caiko, nabonse bapokelele icishibilo ceshina lya ciko tabakaletusha. ¹² Pano epali abantu bamushilo abasunga amafunde yakwa Lesa ne cicetekelo cabo muli Yesu.'' ¹³ Ine naumfwile ishiwi ukufuma kumuulu liletila, ''Leemba auti: Balishuka bonse abafwa abafwila mu mfumu.'' ''Ee,''efyo landile Umupashi, ''lekeni bonse batuushe ukufuma mukucucutika kwabo, pantu imilimo yabo ikabakonka.'' ¹⁴ Ine nalilolekesha, kabili kwali ikumbi lya buuta. Napamulu we kumbi paikele umo uwapala umwana wamuntu. Nakwata icisote cabufumu ica golide na muminwe yakwe ekete icikwakwa catwa. ¹⁵ Elyo naumbi malaika aishilefuma mwitempele nokwita ishiwi ilikalamba kuli umo uwaikele pekumbi, ''Buula icikwakwa cobe nokutampa ukusepa. Pantu inshita yakusepa naifika, nefyakusepa pesonde na fipya.'' ¹⁶ Naumo uwaikele pamuulu wekumbi apishishe icikwakwa cakwe pamulu wesonde, kabili ne fyali pesonde fyali sepelwe. ¹⁷ Naumbi malaika afumine mwitempele lya ku muulu; nao wine ali ne cikwakwa icatwa. ¹⁸ Elyo naumbi malaika afumine ku cipailo kucibimbili celambo, uwakwete nsambu pamulilo, akutile ishiwi likalamba kuli umo uwakwete icikwakwa icatwa, ''Bula icikwakwa cobe icatwa nokuputula ifisasangu fya nyangashi ukufuma pesonde, pantu nomba imyangashi naipya.'' ¹⁹ Na malaika apishishe icikwakwa cakwe pesonde nokuputula imyangashi lya pesonde. Nokwiposa umwakumanina imyangashi umukalamba umwa bukali bwa kwa Lesa. ²⁰ Elyo banyantawile umwakukamina imyangashi kunse yamusumba nomulopa wafumine umwakukamina imyangashi ukufika imikobelo yabakabalwe intamfu yaba Stadiya ikana limo nemyanda mutanda.