¹ Ifi efintu asokolwelele kuli Yesu Kristu pakuti Lesa amupele muku mulanga ababomfi bakwe ifintu ifyalacitika nombalinefye. Nao calishibikwe nao atumine malaika wakwe kumubomfi wakwe Yoani. ² Yoani ashimike amashiwi yakwa Lesa nakabili ashimike fyonse ifyo Yesu Kristu amupeele nafyonse ifyo amwene. ³ Alipalwa umo ubelenga mukubilikisha nabomfwa amashiwi ya muli uku kusesema nabakonka ifya lembwamo, pantu inshita ilimupepi. ⁴ Yoani, nalembele mwefilonganino cine lubali ifya mu Asiya: Ndeti icikuuku cibe naimwe necibote ukufuma kuwabako, uwaliko, kabili nouli nokwisa, nokufuma kumipashi cine lubali iyaba pantanshi yacipuna cabufumu, ⁵ na ukufuma kuli Yesu kristu, indete shacishinka, uwabalilepo ukubuuka kubafwa, kabili kateeka washamfumu shapano isonde. Kuli umo uwatutemwa ifwe bonse kabili uwatulubwile bonse ukufuma kumasambi kumulopa wakwe-- ⁶ kabili atupangile ukuba ishamfumu, bashimapepo kuli Lesa na shifwe-- kuli ena kube ubukata na maka umuyayaya umuyayaya. Ameni. ⁷ Mona, akesa mu makumbi; nalyonse ilinso likamumona, nabonse bamucushishe bakamumona. Yonse imitundu iya pano isonde ikalila imisowa pali ena. Nacibe ifyo fine, Ameni. ⁸ ''Nine Alfa kabili Omenga,'' efya landile imfumu Lesa, ''Umo uwabako uwaliko, kabili uuleisa, uwamaka yonse. ⁹ Ine, ne Yoani-- munyinenwe nebo twakanya nemwe amacushi mubufumu na mukushipikisha na Yesu-- uwalipa cishi icitwa Patimosi pamulandu wakulanda peshiwilya kwa Lesa nokushimika icishinka palwa kwa Yesu. ¹⁰ Ilyo nali naishile ba mu Mupashi wa Mushilo pabushiku bwa mfumu. Naishile umfwa ishiwi kunuma yandi ilikalamba kwati lipenga. ¹¹ Lilelanda ati, ''Leemba conse ico ulemona mucitabo, nokutuma ku filonganino cine lubali ku Efesi, naku Smurna, naku Pergamo, naku Tuatira, naku Sarde, naku Filadelfia, naku Laodokea.'' ¹² Nalipilibwike ukushunguluka pakuti imone ishiwi ililelanda kuli ine, kabili ilyo napilibwike ine na mwene ifikalilo fya inyali cine lubali. ¹³ Napakati kafikalilo fyanyali pali umo uwapala ngo mwana wa muntu, nafwala ilaya ilya lepa ukufika na panshi yamakasa yakwe kabili nakaka umushipi ukushinguluka icifuba cakwe. ¹⁴ Ku mutwe na mushishi wakwe fyabuutile tutu kwati buutonge-- kabili kwati bunga bwamfula-- kabili na menso yakwe yali kwati lubingu lwa mulilo. ¹⁵ Makasa yakwe yalebengeshima kwati mukuba, uwaengululwa filya ubengeshima mwilungu, neshiwi lyakwe lyali kwati lileumfwika nga menshi yalepita ayengi. ¹⁶ Akwete intanda cine lubali mulupi lwakwe lwakukulyo, kabili nolipanga ulwatwa. Icinso cakwe cali kwati kasuba akalebengeshima saana. ¹⁷ Ilyo ine namumwene, ine nawilile pamakasa yakwe ngo wafwa. Nao abikile ulupi lwakwe ulwakukulyo pali ine kabili alandile wiba no mwenso. Nine wantanshi kabili uwakulekelesha, ¹⁸ kabili umo wamweo. ine nalifwile, leelo mona, ine naikala umuyayaya kabili umuyayaya! Kabili ine ndine mfungulo yamfwa ne ya kumanda. ¹⁹ Eico leemba panshi ifyo iwe wa mwene, ifilecitika nomba, kabili nefikacitika panuma yaifi. ²⁰ Kanshi ifyafishilwe fipilibula palwa ntanda cine lubali wamwene kulupi lwakukulyo kwandi, kabili nefikalilo cine lubali; intanda cine lubali niba malaika bafilonganino cine lubali, nefikalilo fya inyali cine lubali filonganino.''