¹ Umusumba uwaisulamo abantu washalafye weka. Waba nga mukamfwilwa, nangu wali wanko shawapulamo. Walila na mfumu pa nko, lelo nausendwa mubusha. ² Alila inkondekalanda munshita ya bushiku, ne filamba fya fimbaamatobo yakwe. Bacibusa bakwe tapalo nangu umo uwakumusansamusha. Bacibusa bakwe bonse bamu bemba bayaluka abalwani bakwe. ³ Yuda asendelwe muli bunkole bwa kucululuka no kubomba imilimo yakosa. Aleikala pakati kanko no kukanatusha. Bonse abalemucusha ba musanga mukati kabucushi. ⁴ Ishila shaku Sioni shilelosha pantu takuli uuleisa kumutebeto. Imishi yakwe nailekeleshiwa. Bashimapepo bakwe baleteta. Banacisungu bakwe baikatwa nobulanda nao acululuka. ⁵ Abalwani bakwe ebaishileba bashikulu wakwe, abalwani bakwe ebashuka. Yawe amucululusha pamulandu wa bwingi bwa membu shakwe. Abana bakwe basendwa mubusha ku balwani bakwe. ⁶ Ubucindami bwamfumu mwana umwanakashi Sione. Bashamfumu bakwe balinge nsebula ishisangile amnshi, kabili baya ababula amaka kubalebasenda ⁷ Munshiku sha macushi yakwe ne sha kubulwa apakwakikala, ne fisuma fyonse ifyali kunshiku shakunuma. Ilyo abantu bakwe basendelelwe kubalwani, tapali nowakumwafwa. Abalwani ba mumwene nabo basekele ukonaulwa kwakwe. ⁸ Yerusalemu abembwike apakalamba, eico aisa aluka aba nge camuselu. Bonse abale mucindika ba musalula pantu bamona insoni shakwe. Nao aleleta kabili alefutata. ⁹ Ukukowela kwakwe kwafikile na munsalu. Taibukishe inshita shakwe isha kuntanshi kabili uwa cipesha mano. Tapali uwa kumusansamusha Alilile, ''Mona pa bucushi bwandi, Yawe, pantu umulwani wandi aitututmuna nganshi.'' ¹⁰ Umulwani atambalika ukuboko pafisuma fyakwe fyonse. Pantu amona inko shaingila muncende yakwe iya shila, isho mwatile tekuti shingile mulukuta lwenu. ¹¹ Abantu bakwe baleta pakufwaya ifyakulya. Ifyuma fyabo ifisuma bakabushanya nefyakulya: pakulandula imweo yabo. Moneni, Yawe, lolesheni pantu naba ngo mwanakashi uwasulwa. ¹² Bushe cafye kuli iwe, kuli imwe mwebalepita munshila? Moneni na kulolesha bushe kwatala akuba ukukalipwa ngo ku kulalipa uko ubukali mu bushiku bwabukali bwakwe ubulepya ngo mulilo. ¹³ Ukufuma mu mulu atuma umulilo ukwingila na mumafuapa yandi, no kubanasha umo umo. Ayanshikila amakasa yandi isumbu no kunenga ukubwelela kunuma, Anenga ukuba uwamaka sana akasuba konse. ¹⁴ Alamona ikoli lyafya bupulumushi fyandi muminwe yakwe emo afikakanya. Afisumbwila nge koli mu mukoshi wandi. Alenga amaka yandi ukupwa, Shikulu ampanaine nshili namaka ya kwiminina, ¹⁵ Shikulu abapasa bonse aba maka kumubili ukufuma kukati kadni. Anonganikila abantu aputaule abalumendo bandi utupimfya tupimfya. Shikulu nanyataula ica ku kaminamo umwangashi ica kwa Yuda umwana mwanakashi na cisungu. ¹⁶ Pali ifif fintu ndelila, amenso yandi yaisulamo ifilamba; pantu uwakungafwa ali ukutali naine. Uwa kumbweseshamo amaka. Abana bandi balekeleshiwa, pantu umulwani wandi naitumika ngnshi. ¹⁷ Sioni nafunguluka iminwe yakwe; tapali nangu umo uwaku musansamusha. Yawe na konkomesha ati abonse abashingulwike Yakobo bafwile ukuba abalwani bakwe. Yerusalemu ali icamuselu kuli bena. ¹⁸ Yawe mulungami, pantu nali sulile amafunde yakwe. Umfweni, mwe bantu na bantu bonse, no kumona ubulanda bwandi. Banacisungu bandi nabalumebandi baya mubusha. ¹⁹ Natile kuli bacibusa bandi, nabo bali mpele. Bashimapepo bandi nabakalamba bandi balefwaya ica kulya icakumwenamo umweo. ²⁰ Moneni Yawe, pantu ndi mukucula, munda yandi mwakalipa, umutima wandi wapilika muli ine, konse, ulupanga lwanengele ukufwa mukati ka ng'anda mu li imfwa. ²¹ Balyumfwile ukutela kwandi, lelo takwali nangu umo uwakunsansamusha. Bonse abalwani bandi balyumfwile amacushi yandi, nabo balinsansamwishe pa ku mucita ici. Nabunjishila ubushiku ubo mwansosele, nomba lekeni nabo babe ngaine. ²² Lekeni ifya bubifi fyabo fibe ku cinso cenu. Bakandeli nabo ngafilya fine mwankadile pa mulandu wafya bulumushi fyabo fyonse. ifyakuteka fyandi fyafula no mutima wandi naunaka.