¹ Nomba caishile panuma yamfwa yakwa Mose umubomfi wakwa Yawe, ukuti Yawe alandile kuli Yoshua umwana umwaume wakwa Nuni, inkonkani kafwa wakwa Mose, ati, ² '' Mose, umubomfi wandi, nafwa, Nomba eico, ima, abukeni panuma wa Yordani, iwe naba abantu bonse, mucalo icic ndepela kuli bena-ku bantu ba Israeli. ³ Nalimipela icifulo conse apo amakasa yenu yakanyanta. Nalipela ici kuli imwe, ingefyo nalaile kuli Mose. ⁴ Ukufuma mumatololo naku Lebano i, ukulepele nga umumana ukalamba, Yufrate, icalo conse ica Hiti,na kuli bemba wakashika, uko akasuba kawila, cikaba calo cenu. ⁵ Takuli nangu uke minina pacinso cenu inshiku shonse ishabumi bwenu. Inkaba naiwe nge fyo nali na Mose. Isha kamilekeleshe nangu ukukusha. ⁶ Ba uwakosa kabili uwashipa. Ukalenga aba bantu ku kuyapyaninaa icalo ico nalaile ifkolwe fyabo inkapela kuli bena. ⁷ Ba uwakosa kabili uwashipa sana. Ba uwaibukila ku kumfwila amafunde yonse umubomfi wandi Mose akonkomeshe kuli iwe. Tekwesha ukupilibukila kukuboko ukwakulyo nangu kukuso, pakuti mukafikilishe ukufikapo uko konse uko mukaya. ⁸ Iwe lyonse ukalalanda, pali ili ibuku lyamafunde. ukalatontonkanyapo pali ici akasuba no bushiku eco pakuti wingomfwila fyonse ifyalembwa muli lyena. Ilyo ukusuka noku fikilisha. ⁹ Ishakukonkomeshe? Ba uwakosa kabili uwashipa! wiba nomwenso. wiba uwafupulwa. Yawe Lesa obe ali naiwe konse uko ukaya.'' ¹⁰ Elyo Yoshua akonkomeshe intungulushi sha bantu, ¹¹ ''Kabiyeni muyepita noku konkomesha abantu, 'Muipekanishishe ifyakulya fyenu. Munshiku shitatu mukabuka Yordani nokuya mukati no kukukwata icalo ico Yawe Lesa wenu alemipela ku kucikwata.'' ¹² Kubena Rubene, abena Gati nacitika wamutundu wakwa Manase, Yoshua atile, ¹³ ''Ibukisheni amashiwi ayo Mose umubomfi wakwa Yawe, akonkomeshe imwe ilyo alandile, 'Yawe Lesa wenu alemipela ubutusho, kabili alemipela ici calo.' ¹⁴ Abakashi benu, nabana benu abice, kabili nefitekwa fyenu fikekala mu calo ico Mose amipele mwishilya lya Yordani. Lelo abaume benu ababulwi bakaya bamuminwe yenu abaume noku bafwa. ¹⁵ mpaka Yawe akapele ubutusho bamuninenwe napafyo apele ici kuli imwe. Ilyo nabena balinokwisa kwata icalo Yawe Lesa wenu Abapele. Ilyo muli nokubwela ku calo cenu noku cikwata ico Mose umubomfi amipele kwishilya lya Yordani, uko akasuba katulila.'' ¹⁶ Ilyo baaswike Yoshua, batile, ''Fyonse ifyo mwatukonkomeshe tuli nokucita, nakonse uko ukatutuma tulinokuya. ¹⁷ Tuli nokumfwila ngefyo twale umfwila Mose. Yawe fye eka Lesa obe engalaba nobe, ngefyo aleba na Mose. ¹⁸ Umuntu onse Uwatalamina ukukonkomesha noku kana umfwila amashiwi yenu akepaiwa. Benifye abakosa noku shipikisha.''