¹ Nomba iceebo cakwa Yawe caishile kuli Yona umwana mwaume wakwa Amitai, acti, ² "Ima nokuya ku Ninife, umusumba ulya uukalamba, nokubilikisha kuli wene, pantu ububi bwabamo nabufika kuli ine." ³ Leelo Yona alimine nokubutuka ukufuma ku cinso cakwa Yawe nokuya ku Tashishi. Aile ku Yopa nokusanga icibwato icaleya ku Tashishi. Eico alipile indalama nokunina mucibwato nokuya nabena ku Tashishi, ukufuma ku cinso cakwa Yawe. ⁴ Leelo Yawe atumine umwela uukalamba pali bemba kabili wayalwike amabimbi pali bemba. Ilyo line camoneke kwati icibwato calalepuka. ⁵ Elyo abalendo bakwete umwenso uukalamba kabili umuntu onse alilile kuli lesa wakwe. Baposele ifipe ifyali mu bwato muli bemba pakuti bwanguke. Leelo Yona ailefisama mumiputule yamukati ka cibwato, kabili alele mulya utulo utukamba. ⁶ Elyo kapitao aishile kuli ena kabili atile kuli ena, "Ico ulalile cinshi, ? Ima! Sosa kuli lesa obe! Limbi lesa obe aletumfwa kabili tatwafwe." ⁷ Umuntu onse atile ku mwina mupalamano, "Isa, katupendule, pakuti twishibe uulengele ubu bubi ubulecitika kuli ifwe. "Eico bacitile ifipendwilo, kabili icpendwilo caikele Yona. ⁸ Elyo batile kuli Yona, "Twapapata twebe ninani uulengele ubu bubi ubulecitika kuli ifwe. Milimo nshi intu ubomba, kabli ufumine kwisa? Caalo cobe nshi, kabili uli wa mubantu nshi?" ⁹ Yona atile kuli bena, "Ine ndi mu hebere; kabili ndatina Yawe, Lesa wa mumulu, uwapanga bemba ne mpanga iya uma." ¹⁰ Elyo abantu bali tinine saana kabili batile kuli Yona, "Finshi ifyo wacita?" Pantu abantu balishibe ukuti alebutuka ukufuma ku cinso cakwa Yawe, pantu alibebele. ¹¹ Elyo batile kuli Yona, "Cinshi ifyo twalacita kuli iwe pakuti bemba atutalalile ifwe?" Pantu bemba alelundililako ukubipilako. ¹² Yona atile kuli bena, "Nnjimyeni no kumposa muli bemba. Elyo bemba alemitalalila imwe, pantu ine ninjishiba ukuti nipa mulandi wa ine eco iinkunka imine pali imwe." ¹³ Nangu cibe ifyo, abantu baebele na maka ukuti babwelele ku mulundu leelo tabafikilishe ifi pantu bemba alebipilakofye kuli bena. ¹⁴ Eico batile kuli Yawe kabili batile, " Twamipapata imwe, Yawe, twamipapata imwe, mwileka tufwe pamulandu wa bumi bwa uyu muntu, kabili mwibika umulopa wakaele pali ifwe, pantuimwe, Yawe, mucitile ukulinga nokufwaya kwenu." ¹⁵ Eico baimishe Yona nokumuposa muli bemba, na bemba alekele ukusunkana. ¹⁶ Elyo abantu batinine Yawe saana. Bapeele ilambo kuli Yawe nokupanga amalayo. ¹⁷ Nomba Yawe alipekenye icisabi icikalamba ukumina Yona, na Yona ali munda ya cisabi inshiku shitatu akasuba no bushiku.