¹ Sanga ubucingo mwebantu bakwa Benjamini, mukusha Yerusalemu. Lisha intandala mu Tekao. Imya Bete-hekeremu icishibilo apo ububifi mulemoneka ukufuma kukapinda kakukuso: Ukutobaulwa ukukalamba kuleisa. ² We mwana mwanakashi wa Sioni, umusuma nkabili uwaipelesha, ali nokonaulwa. ³ Bakacema nemikuni ya ngombe shikaya kuli bena; bakatanika ama tenti nokushingula; cila muntu akacema kukuboko kwakwe. ⁴ "Ipelesheni mwebene kuli tulesa kukulwa. Imeni, lekeni tubasanse akasuba. Akalanda kuli ifwe! Pantu akasuba kapwa ne cishingwa ca bushiku cilefika. ⁵ Lelo lekeni tubasanse ubushiku nokonaula ilinga lyakwe. ⁶ Pantu Yawe wamabumba alandile ici: Temeni imiti yakwe, nokutulika imina yeloba mu Yerusalemu. Uyu emusumba ulingile ukusansa, pamulandu waisulamo ububi. ⁷ Ngefyo icishima cipongolola amenshi ayasuma, eico uyu umusumba utwalilile ukucita ububifi nafitwalilila pa cinso candi. ⁸ Sumina ukusalapulwa, Yerusalemu elyo nkafumakuli iwe nokukulenga nikakonaula, impanga iyabulamo aba kwikalamo.'" ⁹ Yawe wamabumba alandile ici, "Bakapwisha abashala mu Israeli ngemyangashi. Tambika kabili no kuboko kobe kukuswa imyangashi ukufuma kumyangashi. ¹⁰ Nikuli nani mfwile ukusosa nokusoka pakuti bomfwe? Lolesha! Amatwi yabo tayasembululwa; teti bangweko! Lolesha! Lolesha ishiwi lyakwa Yawe nalisa kuli bena mukubalungika, lelo tabalecifwaya." ¹¹ Lelo ninjisushiwamo necipyu cakwa Yawe. Ninaka ukucisunga mukati.Atile kuli ine, "utulwila pa bana ba mumisebo napamubumba ya baume banono. pantu cila mwaume akasendwa pamo no mukashi wakwe; nacila muntu umukote uli ne myaka iingi. ¹² Amayanda yabo yaka pelwa kuli bambi, pamo na mabala yabo elyo napamo abakashi babo. pantu nkasansa abekashi bamucalo nokuboko kwandi- uku ekusosa kwakwa Yawe. ¹³ Yawe asosa ukutila ukufuma kukanono ukufika na kumukalamba, bonse bene baliili kukukana kwata icishinka mufyo bakwata. Ukufuma kuli kasesema ukuya kuli shimamepo bonse bene babifi. ¹⁴ Baposha ukufunaika kwa bantu bandi mukwangusha, ukutila, ' umutende umutende, ilyo tapali umutende. ¹⁵ Bushe tabomfwa insoni ilyo bacita ifya muselu? Tabaumfwile insoni tabaishiba fyakukonteka ifinso! Eico bakawa pakafi kabawa; bakalefwa panshi ilyo balimunwa, efya landa Yawe. ¹⁶ Yawe alandile ici, "Iminina pamasansa ya musebo nokulolesha; ipusha inshila shakale. ili kwi inshila iisuma? Elyo uikonke nokusanga icifulo cakutushishamo wemwine. Lelo abantu balandile, 'Tatwakaye.' ¹⁷ Nasontele kuli bamalonda kukumfwa kwi penga. lelo batile, 'Tatwakomfwe.' ¹⁸ Ecalenga mwenko, umfweni! Moneni, imwe ba kambone, cinshi cikacitika kuli bene. ¹⁹ Umfwa, Isonde! Moneni, Ndi mukuleta icinkunka ku bantu bakwe, ifisabo fya matontonkanyo yabo, pamulandu tabangwa kwishiwi lyandi kabili balikana ishiwi lyandi. ²⁰ Bushe ububani bufuma ku Sheba bupilibula inshi kuli ine nangu ukununkila icisuma ukufuma ku calo cakutalio? UEico bupe bwafya koca tafipokelelwa kuli ine, na malambo yenu. ²¹ Eico Yawe alandile ici, 'Mona, ndimukubika icilibwe cakuipununamo pali aba abantu. Bakaipununako ba wishibo na baana baume babo bonse. Abekashi nabena mupalamano bakafwa bonse.' ²² Yawe alandile ici, 'Moneni, abantu baleisa ukufuma kukapinda kakukuso, uluko ulukalamba lulenina ukufuma kuciputulwa cesonde ukatali. ²³ Bakemya amata nemifwi. Bankalwe elyo tababa naluse. Iciunda cabo capala bemba ulebuluma, elyo baleenda pali bakafwalo, fumeni nga baume bakubulwi, kulubali lobe, mwabana banakashi ba Sioni.'" ²⁴ Twalyumfwa utusebo pali bena namaboko yesu yaletutuma mukucula. Ukushifika kwatwikata nga umwanakashi alepapa. ²⁵ Mwiya kumabala, elyo nokukana enda pamisebo, pantu impanga shabalwani nokutinya fili konse konse. ²⁶ Mwebana banakashi ba bantu bandi, ifwikeni insalu sha masaaka nokuifumfunya mu mitoi; lolesheni ne cikonko nga umofye umwana mwaume. " ²⁷ "Nikucita iwe, Yeremia, uwa eseshe abantu bandi nga umo uwingeshiba umukuba, eico uli nokuceceta no kwesha inshila shabo. ²⁸ Bonse fye niba nkosa mitwe ya bantu, abendauka mukulofya bambi. Bonse bene fyela kabili mukuba, abacita ukulufyanya. ²⁹ Umutofwe usungululwa no mulilo uyo uleoca wene; umukuba upwishishishawa mulubingu. Ukwengulula kutwalilafye pakati kaiko, lelo tafili kantu, pamulandu ububi tabufumishiwe. ³⁰ Fitwa Silfere wakankambwa, pantu Yawe nabakankamba bena"