¹ Elyo Yawe atile kuli Mose, ''Nomba uli no kumona ifyo inkacita kuli Farao. Iwe uli okumona ci, pantu pamulandu wakuboko wandi ukwamaka nkaeka bakaye. Kabili pamulandu wakuboko kwandi ukwakosa, akabapatikisha ukufuma mu calo cakwe.'' ² Lesa kabili alandile kuli Mose atile, ''Nine Yawe. ³ Nalemonekela kuli Abrahamu, kuli Isaki, nakuli Yakobo Lesa wamaka yonse; leelo kwishina lyandi, Yawe, nshailengele ukwishibikwa kuli bena. ⁴ Kabili ine napangene nabo ukubapela icalo ca Kenani, icalo ico baleikalamo nga bashilli bekalamushi, icalo ico bena balekabila. ⁵ Kabili, ine ningufwe ukuilishanya kwa bena Israeli abo abena Egypti bateka ubusha, kabili naibukisha ne cipangano candi. ⁶ Eico, tila kubena Israeli, 'Nine Yawe. Kabili ndi nokumolubula mubusha bwabena Egypti, kabili nokumufunya mubusha bamuteka. Kabili nkamulubwila kumaka, na kubupingushi bukalamba. ⁷ Ine nkamubula nukaba abantu bandi, kabili ine Lesa wenu. Elyo mukeshiba ukuti nine Yawe Lesa wenu, ulemufumya mubusha bwa bena Egypti. ⁸ Ine nkamuleta mumpanga iyo nalapilepo nokuipela kuli Abrahamu, na kuli Isaki, nakuli Yakobo. Kabili nkacipela kuli imwe ukuba icalo cenu. Nine Yawe.''' ⁹ Elyo Mose aebele ici kubena Israeli, leelo tamumfwile pamulandu wa kufupulwa na mulandu wabusha ukukosa. ¹⁰ Elyo Yawe atile kuli Mose ati, ¹¹ ''Kabiye kuli Farao, imfumu ya Egupti, ukuti aleke abantu abena Israeli bafume munompanga Yakwe.'' ¹² Mose atile kuli Yawe, ''Apo abena Israeli tabangufwa ine, bushe farao ena akomfwa shani kuli ine, ne ushilanda bwino?'' ¹³ Yawe atile kuli Mose nakuli Aaroni. Abapele ikambisho kubena Israeli nakuli Farao, imfumu ya Egypti, ukuti bafumye abana ba Israeli mumpanga ya Egypti. ¹⁴ Aba ebakalamba mung'nda yakwa shibo: Abana abaume bakwa Rubene, ibeli lya Israeli, ni Hanoke, na Palu, Hesironi, na Karmi. Ishi emikowa shafikolwe shakwa Rubeni. ¹⁵ Abana abaume bakwa Simeoni ni Yemuele, Yamini na Ohadi na Yakini na Sohari na Shauli- umwana mwaume wa mwanakashi umwina Kenani. Ishi emikowa shafikolwe shakwa Simeoni. ¹⁶ Aya emashina yabamwana abaume bakwe Lebi, pamo mukukonkne mfyalwa shabo. Gershomo, Kohati, na Merari. Lebi aikele no mweo pamyaka yakufyalwa 137. ¹⁷ Abana abaume bakwa Gershomo ni Libna na Shimei, ukulingama ne ndupwa sabo. ¹⁸ Abana abaume bakwa Kohati bali Amuramu, Isari, Hebroni na Usiele, Kohati aikele no mweo pamyaka umwanda umo na makumi yatatu naitatu. ¹⁹ Abana abaume bakwa merari bali ni Mari na Mushi. Aba baishile indupwa shafikolwe shabena Lebi, pamo mukukonkane mfyalwa shabo. ²⁰ Amuramu aupile Yokebede, nkashi yakwa wishi. Amufyalile abana Aaroni na Mose. Amuramu aikele no mweo pamyaka 137. Elyo kabili afwile. ²¹ Abana abaume bakwe Isari bali ni Korana Nafege na Sikri. ²² Abana abaume bakwa Usiele bali ni Mishele na Elasafani na Sitri. ²³ Aaroni aupile Elishaba, umwana umwanakashi Aminadabu, nkashi yakwa Nashoni. Amufyalile abana Tatabu na Abihu, Eleasari na itamari. ²⁴ Abana abaume abakwa Kora bali ni Asiri na Ekana, na Abiasafi. Ishi emikowa shafikolwe fyabo shabena kora. ²⁵ Eleasari, mwana Aaroni umwaume, aupile umo pabana banakashi bakwa Putile. Amufyalile Finesi.Aba ebakalamba ba mumikowa wabena Lebi, ukulingana ne ndupwa shabo. ²⁶ Aba bantu babili bali ni Aaroni na Mose abo Yawe atile, ''Fumyeni abana bakwa Israeli mumpanga ya Egypti, ukulingana na mabumba yabo mukulwisha abantu.'' ²⁷ Aaroni na Mosee balandile kuli Farao, imfumu yabena Egypti, ukubasuminisha ukufumya abana ba Irsaeli ny Egypti. Aba bali bamobene ni Mose na Aaroni. ²⁸ Ilyo Yawe atile kuli Mose mumpanga ya Egypti, ²⁹ atile kuli ena, ''Nine Yawe. Landa kuli Farao, imfumu yabena Egypti, fyonse ifyo ine nalaeba iwe.'' ³⁰ Nomba Mose atile kuli Yawe, ''Ine nshilanda bwino, ngakanshi Farao kuti akutika shani kuli ine?''