¹ Ilyo abantu ba mwene ukuti Mose akokola ukufuma ku lupili, bakolongene ukushinguluka aaroni no ukulanda kuli ena ati, ''Isa, utupangile umulungu uwakututungulula. Pantu uyu Mose, umuntu uwatuletele ukutufumya mu calo ca Egypt, tatwishibe ificitike kuli ena.'' ² Elyo Aaroni atile kuli bena, ''Fuleni imipeto ya golideayali kumatwi yabakashi benu, nakumatwi yabana benu kabili na kubana bakashi, kabili nokuleta kuli Aaroni. ³ Bonse abantu bafulile imipeto ya golide iyali kumatwi yabo no kuleta kuli Aaroni. ⁴ Apokelele imipeto ya golide ukufuma ku minwe yaabo nokkubaasa kumbaso nokupanga umwana wang'ombe uwaengwa. kabili elyo batile, ''Iyi emilungu yenu, mwebena Israeli, iyamiletele ukumifumya mu calo ca Egypt.'' ⁵ Ilyo Aaroni amwene ifi, akulile icipailo kuntnshi ya mwana wa ng'ombe kabili abilile, atile, ''Mailo mitebeto mu bukata bwakwa Yawe.'' ⁶ Abantu baimine ku maca mu bushiku bwa konkelepo na ukutula umutulo wa koca na ukuleta ifya mutulo fya mutende. Kabili baikele panshi ku kulya nokunwa, na ukuya ku kwangala. ⁷ Elyo Yawe atile, ''Kuli Mose, ''Endesha kabiye, pantu abantu bobe, abo waletele ukufumya mu calo ca Egypt, nabayonaula abene. ⁸ Nabafuma bwangu munshila intu naba kambishe. nabapanga umulungu ngo mwana wa ng'ombe nokulaupepa na ukulautulila ilambo. batile ati, ''Iyi emilungu yenu, mwebena Israeli, uwamiletele ukufuma ku Egypt.'' ⁹ Elyo Yawe atile kuli Mose, ''Nimona aba bantu. Mona, bantu batalama imikoshi. ¹⁰ Eico nomba, wiesha ukunkanya ine. Ubukali bwandi bulebemina nokuboca, eico ndebonaula. Kabili ndepanga uluko ulukalamba ukufuma kuli iwe.'' ¹¹ Leelo Mose aleesha ukunasha Yawe Lesa wakwe. Atile, ''Yawe, ninshi ubukali bwenu bwaimina abantu benu, abo mwafumishe ukufuma mu calo ca Egypt kumaka kabili ku kuboko ukwakosa? ¹² Nga chinshi aba Egupti bengangalandila ati, 'Abafumishe ukubatwala mu bubi, mukubepaya mu mu lupili kabili mukobanaula ukubafumya pe sonde?' Bweleni ukufuma kubukali bwenu na kububi ubu mwapana mucite kubantu benu. ¹³ Ibukisheni Abrahamu na Isaki na Israeli, ababomfi benu, abo mwailapileko mwebene na ukulanda kuli bena, nkafusha ubufyashi bwenu nge ntanda sha mu mulu, kabili nkapela ici calo conse ico nasosele kubufyashi bwenu. Bakacikwata umuyayaya."' ¹⁴ Elyo Yawe alngulwike pa bubi buntu alefwaya ukucita ku bantu bakwe. ¹⁵ Eico Mose ayalulwike no ukwikila ulupili, nasenda ne fipampa fibili ifya fishimiko mu minwe yakwe. Nefipampa fyalilembelwe kumbali shonse kuntanshi na kunuma. ¹⁶ ifipampa fyali mulimo wakwa Lesa umwine, kabili nokulembwa ni Lesa umwine ewalembele, ukubiika pa fipampa. ¹⁷ Ilyo Yoshua aumfwile icongo cabantu balepunda, atile kuli Mose, ''Muli icongo ca bulwi mu nkambi.'' ¹⁸ Leelo Mose atile, ''tecongo ca bantu abalecimfya, kabili tecongo cabantu abalelwa, leelo congo cakwimba ico ngufwile.'' ¹⁹ Ilyo Mose afikile pa nkambi, amwene umwana wa ng'ombe na bantu ninshi balecinda. Alifulilwe. Aposele ifipampa ukufuma mu minwe yakwe na ukufitobawila mwisamba lya lupili. ²⁰ Asendele umwana wa ng'ombe untu bapangile, nokoca, nokushonaula ukwatuka ulukungu, kabili nokwitila mu menshi. Elyo alengele abana ba Israeli ukufinwa. ²¹ Elyo Mose atilekuli Aaroni, ''Finshi ifya aba bantu ba citile kuli iwe, ukuti wabaletela ulubembu ulukulu pali bena?'' ²² Aaroni atile, ''Wileka ubukali bobe bubipishe mwe Shikulu wandi. Mwalishiba aba bantu, ifyo banakilwa ulubembu. ²³ Batile kuli ine, ''Tupangile umulungu uwakutungula. Pantu uyu Mose, umuntu uwa tuletele ukufuma mu calo ca Egypt, tatwishiba ifimucitikile.'' ²⁴ Eco natile kuli bena, ''Onse uukwete umulungu umbi nafule. Balampela imilungu na ine naposele mu mulilo, emwafumine uyu umwana wa ng'ombe.'' ²⁵ Mose amwene ukuti abantu nabafulungana (nowalenga ukuti bafulungane ni Aaroni, calengele abalwani babo ukulabaseka). ²⁶ Elyo Mose aiminine mu mpongolo ya nkambi na ukutila ati, ''Uyo onse uuli kulubali lwa kwa Yawe, ese kuli ine.'' Bonse abena Lebi bakolongene kuli ena. ²⁷ Atile kuli bena, ''Yawe, Lesa wabena israeli, atile ifi: Lekeni umuntu onse abike ulupanga lwakwe pe tanta nokubwelelamo nokufika ku mpongilo ukufumina mu nkambi, ipayeni bamunyina wakwe, umunankwe, na bena mupalamano bonse.'' ²⁸ Abena Lebi ba citile umwabelele ubufwayo bwa kwa Mose. pali bulya bushiku abantu ukufikafye na makana yatatu ebafwile. ²⁹ Mose atile kubena Lebi, ''Namwitwa ku mulimo wakwa Yawe ileelo, pantu onse muli imwe nacitapo cimo pabana baume bakwe, na naba munyina, eico Yawe alemipela amapalo pabushiku bwe leelo.'' ³⁰ Ubushiku bwakonkelep Mose atile ku bantu, '' namucita ulubembu ulukalamba. Nomba nalanina kuli Yawe. Nalimo kuti nakonsolweko ulubembu lwenu.'' ³¹ Mose abwelelemo kuli Yawe no kutila ati, ''Iye, aba bantu nabapanga ulubembu ulukalamba sana kabili abena baipangile umulungu wa golide. ³² Leelo nomba, napapta beleleni imembu shabo; leelo nga teifyo, imfumyeni mwibuku ilyo mwalemba.'' ³³ Yawe atile kuli Mose, ''Uyo onse uwabembukila ine, ulya muntu nkamufumya mwibuku lyandi. ³⁴ Eco nomba kabiye, tungulula abantu ku ncende intu nasosele kuli iwe. Mona, malaika wandi alekutangilila. Leelo pa bushiku ubo nkabapela imilandu, nkabapela imilandu pa membu shabo.'' ³⁵ Yawe apumine abantu pamulandu wakuti bali pangile umwana wa ng'ombe, umo uo Aaroni apangile.