¹ Ufwile ukupaanga ubulambo apakoceela ububani. Ukabupangile ku mbao sha cimuti ca akaasha. ² Mu butali bukabe kubiti umo, na mu kusalaala namo kubiti umo (m2). BUfwile ukuba ubwalingana monse-monse na mukuleepa bufwile ukuba ama kubiti yabili. Amaseengo ya buko yakapangwe nga yabaswa ku cimuti cimo ciine. ³ ku bulaamba bwa bubaani ukakambatikeko golide uwapwililika-pa muulu wa buko, mu mbali shonse, elyo naku maseengo ya buko. Ukabikeko no mushingo wa mupanga uwa golide ukushinguluka. ⁴ Ulingile no kupaanga imikobelo ya golide ibili ikekashiweko lwa panshi ya mushingo mukulolenkana umo uku lubali na umbi ku lubali lubiye. Imikobelo eikalalaikata imyalo pa kupiinga ubulaambo. ⁵ Ukapaanga myaalo ukufuma ku cimuti ca akaashya, nayo ulingile ukukambatikako golide. ⁶ Ukukabiike ubulambo pa ntashi ya cisalu-ca-kuciinga ukuli imbokoshi ya cipangano. Pakaba napa ntashi ya nkupiko apakufutilwa iyili pa muulu wa mbokoshi ya cipangano, epo tukalakumanina. ⁷ Aroni afwile akaleoca ububaani ubwanunkila cila-luceelo nilyo akalawamya imyenge elyo afwile ukuooca, ⁸ na kabili Aroni akalasha imyenge icungulo-bushiku kanshi ukuooca ububaani kulabako lyonse pa cinso cakwa Yawe mu nkulo shenu shonse. ⁹ Nomba tamufwile ukocelapa ububani buumbi ubushasuminishiwa pali ubu bulaambo, nangu ilaambo lya cakooca nelyo mutuulo wa mbuto. Nangufye kwitilapo umutuulo wafya kunwa teekwesha. ¹⁰ Aaroni akalafutilapo pa nsengo sha bulaambo umuku umo cila-mwaka. UMutuulo wapa mulopa wa lubeembu akalafutilapo umuku umo pa mwaka mu nkulo shenu shonse. Ububulaambo bwalipatulwako kuli fyonse kanofye kuli Yawe.'' ¹¹ ELyo Yawe alandile kuli Mose, atile, ¹² ''Ilyo ukalapeenda Abena-Israeli pa kwishiba impeendwa yaabo, cila-muntu afwile ukupeela amafuto pa buumi bwakwe kuli Yawe. Ufwile ukucita ici panuma ya kubapeenda, pakuti kkwikaba cinkunka pakati kaabo ilyo ukalabapeenda. ¹³ Uyo onse uwapeendwa mu mpendwa alingile ukulipila citika we shekele lya siuvele, ukulingaana no mwabeela ukufina kwe shekele lya sanguluka. Uyu citika we shekele limo akaba ca mutuulo kuli Yawe. ¹⁴ Uyo onse uwapendwa, uuli ne myaka amakumi yabili iya bukalamba no kucilapo, afwile ukupeela uyu mutuulo ku ine. ¹⁵ Ilyo abantu bakalapeela umutuulo nga mafuto yapo myeo yabo,, abakonkaala tabafwile ukupeela ukucila pali citika we shekele, na babusu tabafwile ukubulisha pa kupeela. ¹⁶ Ufwile ukupoka ulu lupiya lwa mafuto ukufuma ku Bena-Israeli no kulubomfya mu milimo yamwi tenti lya kukumaninamo. Lukaba umucinkulo ku Bena-Iraeli pa cinso candi ilyo balepeela mafutoo pa myeo yabo.'' ¹⁷ Elyo Yawe alandile kuli Mose, atile, ¹⁸ ''Nakabili ufwile ukapaange umusambo wa mukuba uukulu ne cakuteekapo naco ica mukuba, umusambilo umwa kusambila. Ukaubiike pa kati ke tenti lya ku kumaninamo no bulambo, elyo ukabikemo na meshi. ¹⁹ Aroni na bana bakwe abaume bafwile bakalesamba ku minwe yabo na makasa yabo ku menshi ayakalabikwamo. ²⁰ Ilyo bakalaingila mwi tenti lya ku kumaninamo elyo nelyo bakalapalama ku bulambo muku mpakata pa kooca ilambo, bafwile bakalesamba menshi pakuti bekafwa. ²¹ Bafwile bkalesamba iminwe na makasa pakuti bekafwa. Ili likaba lifuunde lya kubelelela kuli Aroni no lupwa lwakwe mu nkulo shabo shonse isha buntunse.'' ²² Elyo Yawe alandile kuli Mose, atile, ²³ Ukabuule ifi ifyalyeena ilisuma: shekele imyanda isanoiyilepongoloka muri, 250 kinamoni uwanunkilo busaka ama shekele na keni uwanunkilo busaka ama shekele 250, ²⁴ kashya ama shekele imyanda isaano, uwapimwa ukufina amashekele ukulingana no mwabeela icipimo ca mushilo, na hini umo uwa mafuta ya miolife. ²⁵ Ufwile ukupaanga amafuta ayakusuba aya mushilo mu kusankaanya ifi fyonse, mu kubomfya ifyanunkila ubusaka. Yakabo mafuta ya mushilo ayakusuba, ayakalasungilwa ine. ²⁶ Mufwile mukalesuba itenti lya kukumaninamo, kuli aya mafuta, pamo peene ne mbokoshi ya cipangano, ²⁷ Icintamba kumo ne fibombelo fyaciko fyonse, icakutekapo imyenge kumo ne fibombele fyaciko, no bulaamba bwa bubaani, ²⁸ pa bulaamba bwakocelapo ifya mituulo pamo ne fibombelo fyabuko fyonse, no musambilo kumo ne caku utekapo cauko. ²⁹ Mufwile mwafisangulula mu kufimpatwilako pakuti fikabe ifya mushilo kuli ine. Na conse icafikumya naco ciine cikaba ica mushilo. ³⁰ Ufwile ukusuba Aroni na baana bake abaume amafuta no kubabiika ku lubali lwandi pakuti balemombela nga ba shi mapepo. ³¹ Elyo ufwile ukweba Abena-israeli, ''Aya yali e mafuta ya kusuba ayamushilo ayasangululwa kuli Yawe ukupulinkana mu nkulo shonse isha bantu boobe. ³² Tayafwile ukupyapyasha pa nkanda sha bantu, nangufye ukwesha ukupaanga amafuta ayali yonse mu musango umo wiine ngoyu, pantu yantu yasangululwafye kuli Yawe. Mufwilefye ukuyacetekekela mu musango uyu wiine. ³³ Uyo onse uukapaanga ayanuunkela ceena icisuma nga aya, nangu uyo onse uukayalamba pa uli onse, uyo muntu afwile apaatulwako ku bantu bakwe.'' ³⁴ Yawe atiile kuli Mose, ''Bula ifyanunkila busaka---sitakite, onikha, na galibanamu----ifyanunkila icisuma pamo na fulankinisense uwasangululwa, cila-cimo mu cipimo icalilingaana. ³⁵ Ufipaange mu mussango wa bubaani, ubwalopololwa na kacema akasuma, ulungemo no mucele, busangululwe no mushilo. ³⁶ Bumo ububani ukabupele mu bungululu ubunoono ngashi ubwasankanishiwa. Ukabiike bumo pa ntashi ya mbakoshi yacipangano, iyili mwi tenti lyaku kumanininamo, umo umo nkalakukumanya. Mukabucetele ngo bwa mushilo ngashi kuli ine. ³⁷ Naku bubani bwine ubu mukapanga, tamufwile ukupaanga ubuli bonse mu musaango umo wiine ubwakubomfwa mwe beene. Bufwile ukuba ubwa mushilo ngashi kuli imwe. ³⁸ Nayo onse uukapanga icili conse ngobu no kuboomfya nga kaceena akasuma afwile ukupatulwako ukufuma ku bantu bakwe.''