¹ Nomba Mose ali umucemi wa mukuni wa kwa Yetro wishifyala, shimapepo wa ku midiani. Mose ale tungulula umukuni ukulola ku ma samba ya matololo afikile na ku Horebu, ku lupili lwa kwa Lesa. ² Elyo uko kwine malaika wa kwa Yawe amoneke kuli ena mulubingu lwa mulilo mu kati ka cimpusa. Mose ilyo alolekesha, moneni icimpusa calebilima umulilo, lelo tacilepya. ³ Elyo mose atile, ''kanjeko fye pakuti mone uyu mu pamba, njishibe ico icimpusa tacilepila.'' ⁴ Ilyo Yawe amwene ukuti aya muku mona, apo pene fye Lesa abikishe mu cimpusa ati, ''Mose, Mose,'' Mose nao atile, ''mukwai.'' ⁵ Elyo Lesa atile, ''wipalamina kunu! Fula indyato shabo ku makasa yobe pantu apo wiminine nipa mushili wa mushilo.'' ⁶ Jehova alundilepo no kulanda ati,'' NIne Lesa wa kwa wiso, Lesa wa kwa Abramu, Lesa wa kwa Isaaki, kabili Lesa wa kwa Yakobo.'' Elyo Mose afimbile pamenso yakwe, ico atinine uku lolesha Lesa. ⁷ Yawe atile,'' Ni mona uku cula kwa bantu bandi abalile mu Egyiputi. NIng'umfwa ukupunda kwabo pa mulandu wa ku patikishiwa ukubomba, ninjishi ba no kucula kwabo. ⁸ Nintentemuka ndeya mu ku ba pokolola mu maka ya bena Egypti no kuba batwala muli cilya calo icisuma, Kabili icikulu, ififumya umukaka no buci; mu ncende ya bena kenaani, ne ye bena Hiti, neya bena Amore, ne ya bena perisi, ne ya bena Hibi, elyo ne ya bena yebusi. ⁹ Nomba ukupunda kwa bantu abena Israeli na kufika kuli ine. ukucila pali ici, ni mona umupatikisha ule cita abena Egyiputi. ¹⁰ Nomba lelo Nde kutuma kuli Farao uye ufumye abantu bandi abana ba kwa Israeli, uku ba fumya mu Egupti.'' ¹¹ Lelo Mose atile kuli Lesa,'' Nine nani, uwakuya kuli Farao no ku fumya abana ba kwa Israeli mu Egyiputi?'' ¹² Lesa nao atile, ''pantu ine nkaba na iwe. Kabili ici eco ukeshibilako ukuti nine nkutumine, Ilyo ukafumya aba bantu mu Egyiputi, mu kalumbanya ine ne Lesa wa cine mulupili ulu.'' ¹³ Mose atile kuli Lesa,'' Ilyo nkaya ku bana ba kwa Isaeli no kubeba ukuti, 'Lesa wa fikolwe fyenu antuma kuli imwe, nabo ba njipusha abati, Nani ishina lya kwe? nkaba suka shani?'' ¹⁴ Lesa atile kuli MOse, ''NABA IFYO NABA.'' Lesa atile, ''efyo ukatile ku bana ba kwa Israeli, 'NABA nantuma kuli imwe.''' ¹⁵ Lesa kabili kuli Mos, ''Ukatile ku bana ba Israeli ati, Yawe, Lesa wa fikolwe fyenu, Lesa wa kwa Abrahamu, Lesa wakwa Isaki na Lesa wakwa Yakobo, nantuma kuli imwe. Ili eshina lyandi umuyayaya, kabili ici cikabe mu mano yenu ku nkulo ne nkulo.' ¹⁶ Kabiye kalonganye abakalamba ba mu Israeli pamo. No kulanda kuli bena, 'Yawe, Lesa wa fikolwe fyesu, Lesa wa kwa Abrahamu, na Isaaki, na Yakobo, namonekela kuli ine nokutila, ''Nindolekesha no ku mona icine cine imwe ifyo bali balecita kuli imwe Mu Egyiputi. ¹⁷ Nde mulaya ukuti nala mufumya mu bucushi mu Egyiputi no ku mutwala ku calo ca bena kenaani, ne ca bena Hibi, ne ca bena Yebusi, icalo umwaba umukaka no cuci.''' ¹⁸ Na ba bakomfwa kwi shiwi lyobe. Kabili ukuye iwe na bakalamba ba bena Israeli ku mfumu ya Egyiputi, no ku tila, 'Yawe, Lesa wa ba Hebere, na tuumanya ifwe. kanshi nomba tule fwaya ulwendo lwa nshiku shitatu mu matololo no kuya ipaila Yawe, Lesa wesu ilambo.' ¹⁹ Lelo ine ninjishiba ukuti imfumu ya mu Egyiputi taya kamuleke ukuya, kano kuku boko kwa kosa. ²⁰ Kabili nkafisha ukuboko kwandi no kulanga Egyiputi ku fipesha amano fyandi fyonse ifyo nkacita mu kati kabo. Elyo panuma, akamuleka mu kaye. ²¹ Kabili nka bapela aba bantu ukutemwikwa ku bena Egyipti, kabili ilyo mu kalaya ta mwakaye ababula nangu cimo mu minwe yabo. ²² Kabili umwanakashi onse akalomba ifya silferi ne fya golide ne fya kufwala kubena mupalamano ebena Egyiputi na mwnakahi onse uwaikala mu mayanda. Kabili mukafifweke abana benu abaume na bana benu abanakashi. muli uyu Musango mukapoka ifyuma fya bena Egyiputi.''