¹ Kucintu conse kwaliba inshita lyalinga, ne nshita ya mulandu onse mwisamba lya Kasuba. ² Kwaliba inshita yakufyalwa ne nshita ya kufwa, ³ inshita yakubyala ne nshita yakunukula, Inshita ya kwipaya ne nshita ya kuundapa, inshita ya kubongolola ne nshita ya kukuula, ⁴ Kwaliba inshita ya kulila ne nshita ya kuseka, inshita ya kuloosha ne nshita ya kuciinda, ⁵ Inshita ya ku posaika amabwe ne nshita ya kulonganika amabwe, inshita yakukatila abantu bambi, ne nshita yaku bafumfya mukufukatilwa. ⁶ Kwaliba inshita iya kufwaya ifintu ne nshita ya kulufya, inshita ya kusunga ifintu ne nshita ya kupoosa ifintu, ⁷ Inshita ya kupepula ifyakufwala ne nshita yakubila ifyaku fwala, inshita ya kwikala tondolo ne nshita yakulanda. ⁸ Kwaliba inshita ya kutemwa ne nshita ya kupata, inshita ya nkondo ne nshita ya mutende, ⁹ Bushe busuma nshi ubo umulibomfi enga sangu mukubomba bwakwe? ¹⁰ Nalimo umilimo uo Lesa apeele ku bantunse ukupwisha. ¹¹ Lesa alipaanga ifi fyonse ifya kuwamina inshita yafiko. Alibika ne nshita yamuyayaya mu mitima, yabo. Leelo umuntu teti wluke imilimo intu Lesa aboomba ukutula pa kutendeka kwabo ukufika naku mpela yabo. ¹² Ninjishiba ukiti takuli iciweme ku muntu ukucila pakusekela no kucita ifisuma munshita bumi bwakwe ¹³ Kabili uuli onse afwile ukulya no kunwa, kabili afwile ukwishiba ifyakusanga ubusuma mukubombesha kwakwe. ubu e bupe bwakwa Lesa ku muntunse. ¹⁴ Nalishiba ukuti conse ico Lesa wa cine acita citwalilila umuyayayaya. Takulincakulundapo nangu ukufumyapo, pantu ni Lesa uwacitile ici pa kuti abantu baleya ku cinso cakwe no mucinshi. ¹⁵ Icabapo, na kale eko caali icikesabapo na nomba epo cuuli Lesa alenga abantu fwaya ifintu ifya fisama, ¹⁶ Nalimona ububi ubwaba mwisamba lya kasuba, apafwile ukuba umulinganya, na mucifulo ca bulungami,ibubi bwali kulya. ¹⁷ Natile mumutima wandi "Lesa akapungula abalungama na babifi pa nshita iisuma pamulandu onse no mulimo onse". ¹⁸ Natile mumutima wandi, "Lesa aleesha abantunse Ukubalanga ukuti baba nge nama". ¹⁹ Pantu iciponena abaana babantu ne ciponena inaana caba fye cimo cine, Imfwa ya umo yaba nge ya umbu uku peema kwabafywe cikmo cine kuli fyonse takwaba icawama kumuntu onse ukucila inama. Ififyonse ²⁰ fyafye. Icintu conse cileeya ku cifulo cimo ciine, incitu conse cafuma kulukungu kabili incitu conse cikabwelela ku lukungu. ²¹ Nani nwaishiba ukuti umupashi wa baana ba baantu ula niina ukuya ku mulu no mupashi wa naama utentemukila panshi mu ²² mwisonde? Eico kabili naibukisha ukuti takwaba incintu icawama ku muntu ukucila ukusansamuka mu kubombesha kwa kwe, pantu ici emulimo wakwe. Ninaani enga mubwesha ku kumona icilemucitikila panuma yakwe?