Icipandwa 13
1
Pali bula bushilu akamfumkumfuku kakesukila aba ng'anda yakwe Dabidi nabekeshi ba mu Yerusalemu, pa lubembu ne fyabubifi fyabo.
2
Pali ubobushiku - uku ekupampamika kwakwa Yawe wamilalo - nkaputula amashina ya tulubi ukufumya mu calo elo tatwakalekwibukishiwa. Nkafumya bakasesema no mupashi wakukowela mu calo.
3
Ngo muntu ulu onse akotwalilila ukulekusesema, wishi na nina abamufyala bakamweba, 'Tawabe no mweo pakuti ukolanda ubufi mwishina ly akwa Yawe!' Eluntu wishi na nina abamufyala bakamupushamo icela ulo akosesema.
4
Pali ubo bushiku cila kasesema akalekuba uwansoni pa cimonwa cakwe ulo ali pa lassema. Aba bakasesema tabakatale ukulekufwala icakufwala camasako pakuti balekubepa abantu.
5
Pantu cila umo akalekulanda ati, 'Te nebo kasesema! Ndi muntu uulimafye, pantu umushili waishile kuba incito yandi ulo nalifya umulumendo!'
6
Nomba umo akalekulanda kuli ena ati, "Ngefifilonda pakati kamaboko yobe?' Elo akalekwasuka, 'Nacenenwe if mu ng'anada yaba nandi.'"
7
"We lupanga! Imina kacema wandi; umwaume uwiminina mupepi nanebo - ukuupampamika kwakwa Yawe wamilalo. Uma kacema, elo impaanga shikosalangana! Pantu ka bwesesha ukuboko kwandi pa shinono.
8
Nolo cikesakuba ati mu calo conse - uku kupampamikwa kwa Yawe - ukweba ati icipande caciko cikalekuputulwako! Abo abantu bakaloba; cimo fye iciputulwa capa lifitatu muli bena ecikoshala mulya.
9
Nkesakuleta ico icapalifitatu ukupita mumulilo no fyengulula ngafilya bengulula silfere; nkalekubesha nga golide walopololwa. Ba kalekwita pe shina lyandi, nanebo nkalekubasuka no kulanda ati, 'Aba ebantu bandi!' nabo bakalekulanda ati, 'Yawe ni Lesa wesu.