¹ Namayo akolanda ku mwine ubushiku pabusanshi bwandi Nalikufwaishi uyo uo mweo wandi watenwa; Nali mufwaile, lelo nshali waku musanga. ² Nalandile kuli nemwine, ''Nko ima no kupitana ukuya mu musumba ukupitana mu tusebo na mu wandi watemwa.'' Nali mufwaile, lelo nshali wawakumusanga. ³ Ba malonda balinsangile ulo bali kucita ukushiunguluka kwabo mu musumba. Nalibepwishe bena, ''mulimweneko uyo uo mweo wandi watemwa? ⁴ Kalipye akashita kanono panuma ya ulo nabapitile elo na musangile uo mweo wandi watemwa. Nalimwikatilile elo kabili nokukana mulekako mpaka na muleta mu nganda yaba mayo, ku ndelu ya uyo uwa njimite nebo. Namayo akolanda kuli bana mayo bambi. ⁵ Nkofwaya mulape, mwebana banakashi bamu Yerusalemu, patutili ne ficitwa mu mpanga, ukwebati tamwaimye nangu ukubusha icitemwiko cisuke acitemeuya. ⁶ Namayo akoilandila umwine cindo ico icikoisa ukufuma mu matololo kubati cushi, icefungo ilyabune na muri elo no lubani, ne fya bunga fyonse ifiko shitishiwa na bamakwebo? ⁷ Lolesha, ni ndelu yakwe Solomone; impalume amakumi mutanda yali ishingulwike, abashilika mutanda aba kwa Israeli. ⁸ Bonse balikaushiwe no lupanga elo balicenjele mubulwi. Cila mwaume alikwete ulupanga pambali yakwe, aliingeshe kufitinya ubushiku. ⁹ Impumu Solomone aliipangile icipuma caku cimuti caku Lebanone. ¹⁰ Amolu yaciko ya pangilwe na Silfere; icishintililo ca ciko capangilwe na golide, na pakwikalila insalu yaku kashika. Mukati mwaciko mwaliyemfwe no kutemwa ku bana banakashi bamu Yerusalemu. Namayo akolanda kuli banamayo abamu Yerusalemu. ¹¹ Kabiyeni fumeni, mwe bana banakashi bamu Sione, no kutamba pa Mfumu Solomone, alikwete cilongwe ico eco nina amufwikile pa bushiku bwakwe ubwa bwinga, pa bushiku bwa nsansa sha mutima wakwe.