¹ Yawe alaleka; lekeni isonde lilekusangalala; lekeni imilundu yakululamba iingi ilekusamwa. Amakumbi ne mfinshi dili mushingulukile. ² ubulungami no mulinganya emufola wa cipuna cabufumu bwakwe. ³ Umulilo ukoya pantanshi yakwe elo ukopwisha ne fibambe fyakwe mu mbali shonse. ⁴ Inkuba yakwe ilabutisha pesonde; icalo cilamona nokututuma. ⁵ Impili shi lasunguluka nge pula pa cinso cakwa Yawe, shikulu wa calo conse. ⁶ Imyulu ilondolola umulinganya wakwe, elo ne nkoshonse shilamona ubukata bwakwe. ⁷ Bonse abo abakopepa ifyabaswa bakalekulengwe nsoni, bonse abo abaitakishisha mutulubi twakubulamo ubuyo balafuma panshi kuli ena, bonse mwe tulubi! ⁸ Sion alyumfwile elo alisansamukile, elo ne misumba ya kwa Juda yalisangalele pumulandu wa fyabupingushi fyenu ifyabulungami, Yawe. ⁹ Pakuti mwebo Yawe, mwalipulamo pano isonde ponse. mwalisumbulwa apatali ukucila imilungu yonse. ¹⁰ Mwebo mwebatemwa Yawe, pateni ububi! Ala cingilila imyeo abashila bakwe, elo alabapokolila ukubafumya muminwe yababifi. ¹¹ Ulubuuto lwasanikila abalungama nokusansamuka kuba mitima ya cishinka. ¹² Beni abansansa muli Yawe, mwebalungami; elo peleni amatotelo ulo mukoibukisha bu mushilo bwakwe.