¹ Yawe, Lesa uyo u landala, Lesa uyo u landa, bengeshima pali fwebo. ² Iminineni, kapingula we sonde, pela ku bacilumba ifya kuyana. ³ Miku inga umubomfi mubi, Yawe, miku inga a kulakusangalala? Bala pongolola amashiwi yabo aya kupama; bonse abo bancita tubi bakoitakisha. ⁴ Bala pongolola amashiwi yabo aya kupama; bonse abo bancita tubi bakoitakisha. ⁵ Bali shonauile abantu benu, Yawe, bali koweshe inko isho shaba kulubali lwenu. ⁶ Balepaya bamuka bfwilwa elo na bena fyalo abo bekala mu calo cabo, elo bala salipa aba kubula ba wishi. ⁷ Bala landa ati, ''Yawe takula kumona, Lesa wakwa yakobo takula kwiluka pali ici.'' ⁸ Ilukeni, mwebo abantu bakutumpa! mwebo mwe fipumbu, nilila mwebo mukatala uku sambilila? ⁹ Uyo wa pangile ukutwi, tekuti ena akutike? uyo u wa bumbile i linso, tekuti ena amone. ¹⁰ Uyo u salapula inko tekuti ena a lungike? Ena e umo upela ukwishiba ku muntu? ¹¹ Yawe alishibile ama tantakanyo ya bantu, ukuti bena mumefye. ¹² Alishuka ni uyo umo mwebo muntungulula, Yawe, umo uyo mwebo mufunda ukufuma mu malango yenu. ¹³ Mupe ena ukutusha munshita sha ,mafya mpaka i cilindi ci limbilwe ica mubomfi mubi. ¹⁴ Pantu Yawe takulakulekelesha abantu bakwe nangu ukusha ubupyani bwakwe. ¹⁵ Pantu ubupingushi nakabili bwakulakuba ubulungami; elo bonse abololoke mu mutima bakula cikonka ici. ¹⁶ Nani wa kulakwima ku kucingilila nebo ulwa bancita tubi? Nani wa kulakwima pali nebo ulwa mubomfi mubi? ¹⁷ Kanofye Yawe ngali kafwa wandi, nebo nombaline kuti naba uwakalala panshi mu ncende ya kutalala. ¹⁸ Ulo Nebo nalandile ati, ''Amakasa yandi ya koshelemuka, ''icipangano cenu ica cishinka, Yawe, calinjikele mumulu. ¹⁹ Ulo amasakamiko mukati kandi yali fulile, insansa shenushi lalenga nebo ukutemwa. ²⁰ Kuti icipuna cabufumu bwa bonaushi ca kumikwa kuli mwebo, uyo umo u lenga ukupusana ifipope? ²¹ Balikatene capamo ku senmdi mweo ya balungami elo balisekele abakahela ku kufwa. ²² Lelo Yawe ali camba candi icitali, elo Lesa wandi ali libwe lya icubo candi. ²³ Akulakuleta pali bene i membu shabo elo nokulaku baputulako ku bubi bwabo. Yawe Lesa wesu a kulabaputulako bena.