Nasikili wakwa Asafi. ¹ Umfwa ku kufunda kwandi, abantu bandi, umfweni ku mashiwi ya kanwa kandi. ² Nkesula akanwa kandi mu milumbe; Nkalakwimba pa fintu fyakufisama ifya kale. ³ Ifi efintu twaumfwa no kusambilila, ifintu ifyo ifikolwe fyesu fyatwebele. Tatwabatalwishe ukufuma kuba bufyashi bwabo. ⁴ Tukalekweba inkulo shikakonkapopa fyamilimo yakucindama lyakulumbanya Yawe, ubukose bwakwe, bwakwe, ne fipapwa ifyo acita. ⁵ Pantu alipampamike ifya cipangano ca fya bupingushi muli yakobo no kubika amalango muli Isreali. Alikonkomeshe ifikolwe fyesu ukwe ba ati bali no kufisambilisha ku bana babo. ⁶ Alikonkomeshe ifi pakwebati imkulo ikoisa ingehsiba ifya bupingushi, abana abashilati bafyalwe, nani ukalanda kuli bena mukwalukila ku bana babo. ⁷ Nolu bakabika isubilo lyabo muli Lesa nokukana kulaba imilimo yakwe lelo ukusunga amafunde yakwe. ⁸ Nolu tabali kubati fikolwe fyabo. abali nkulo yakutalama na bucisanguka, inkulo iyo imitima itali iya kulungama, kabili abo imipashi ishaipele nokuba ne cishinka kuli Lesa. ⁹ Abena efulemu bali kwete amata, nomba bali bwelulukile ubushiku bwa bulwi. ¹⁰ Tabasungile icipangano cakwa Lesa, kabili bauikene ukunakila amalango yakwe. ¹¹ Bali labile kuli milimo yakwe, fintu fya kuwama ifyo alangile kuli bena. ¹² Bali labile ku fisuma ifyo acitile mu menso ya fiko lwe fybo mu calo ca Egupti, mu calo ca Soani. ¹³ Alyabenye bemba no kubatunguluka mu kwabuka, alilengele amenshi ukwiminina kubati fibumba. ¹⁴ Mu kasuba alibatungulwi lwe ne kumbi no bushiku bonse lubuto lwa mulilo. ¹⁵ Alyabenye amabwe mu matololo kabili alibapele amenshi yakula, ayakulinga ukwisula itenga lya pali bemba. ¹⁶ Alifumishe imilonga mu cilibwe no kulenga amenshi ukuswa kubati ni nyika. ¹⁷ Lelo balikonkenyepo ukumubembukila, no kwalukila uwapulamo mu matololo. ¹⁸ Balitalamine Lesa mu mitima yabo pakulomba ifyakulya fyakwikutisha insala yabo. ¹⁹ Bali landile ukwimina Lesa; balilandile ati, ''Bushe Lesa kuti atubikile icintamba mu matolo? Mona, ulo atopola pe bwe, amenshi yali fumine ne milonga yaliswile. ²⁰ Nomba bushe kuti apela umukate? Bushe kuti asabilisha inama ku bantu bakwe. ²¹ Ulo Yawe aumfwile ifi, alikalipe; eco umulilo wakwe yalyocele pali yakobo, no bukali bwakwe bwali sanshile pali Isreali, ²² Pantu tabacetekele muli Lesa kabili tabasumine mwi pusukilo lyakwe. ²³ Lelo alikonkomeshe umulu wa lwelele no kwisula ifibi fya lwelele. ²⁴ Alilokeshe manna pakwebati bengalya, no kubapela inseke ukufuma mu mulu. ²⁵ Abantu balilile umukate wa bangeli. Alibatumine ifilyo mu kufula. ²⁶ Alilengele umwela ukupunya mu lwelele, na kumaka yakwe alitungulwile umwela wakukapinda ku kulyo. ²⁷ Alilokeshe inama pali bena kubati lukungu, ifyoni fyakufula kubati mucanga wa muli bemba. ²⁸ Shaliponene mu kati ka nkambi, konse ukushinguluka na ma Hma Yabo. ²⁹ Ico balilile no kwikuta. Alibapele fyonse ifyo balikukabila. ³⁰ Nomba lelo tabaikuta; ifilyo fyali ficili mu tunwa twabo. ³¹ Nolu ukukalipa kwakwa Lesa kwalibasanshile no kwipaya abakukosa pali bena. aliwishishe abalumendo bakwe Isreali. ³² Nangu cali ifi balikonkenyepo ukubembuka kabili tabacetekele mu milimo yakwe iyakusungusha. ³³ Napali ici Lesa alibacefeshe inshiku shabo; imyaka yabo yaiswilemo no mwenso. ³⁴ lyonse ulo Lesa abacusha, elo balekutendeka ukumufwaya, kabili balebwela no kumufwaya mu cine. ³⁵ Balikwibusha ukwebati Lesa ewali icilibwe cabo kabili ni Lesa wakupulamo kapususha wesu. ³⁶ Lelo balikubeleka no tunwa twabo no kubepa kuli ena na mashiwi yabo. ³⁷ Pantu imitima yabo tayali iyakushangila muli ena, kabili tayali iyashinka ku cipangano cakwe. ³⁸ Lelo ena, ukuba uwankumbu, lyelele amampulu yabo kabili tabonawile. Eee, inshita ikalamba ali kubwesha ubukali bwakwe no kukana bonaula bonse ku cipyu. ³⁹ Ali bukishe ukwebati ba pangilwe ku mubili, umwela ulapita kabili taubwela. ⁴⁰ Miku inga bamusangukile mu matololo no kwa mu lungulusha muntunga yabula akantu! ⁴¹ Imiku ne miku bali kusonsomba Lesa no kukalifya uwashila wakwa Isreali. ⁴² tabatontokenye pa maka yakwe, ifyo abapokolwele ukufuma ku balwani. ⁴³ Ulo ali kulangisha ifisungusho fyakupusha mu Zguputo ne fyakupapa mu ntunga ya Soani. ⁴⁴ Alyalwile inyika ya bena Zguputo umulopa icakwe bati tabali kunwa ukufuma mu milonga yabo. ⁴⁵ Alitumine balushi bakusenya ukwebati benga balya ne fyula ifyo iyatebele icalo cabo. ⁴⁶ Alipele ifilimwa fyabo fipaso ne fyabutukuto bwabo kuli makanta. ⁴⁷ Alyonawile imyangashi yabo ku mfwa ya citalawe ne citi camukunyu calyonawilwe ne mfula ya citalawe. ⁴⁸ Alilokeshe imfula ya citalawe pa ngombe shabo no kuposa inkuba pa fitekwa fyabo. ⁴⁹ Ukutinya kwa bukali bwakwe kwaliposelwe pali bena. Alitumine icipyu, cifukushi, na mafya yakubati beminishi abo baleta ububi. ⁵⁰ Alilingeye inshila ya bukali bwakwe; tabalangulukileko ukufuma ku mfwa lelo alibapele ku finkunka. ⁵¹ Alipeye bonse amabeli mu Egupto, amabeli ya bukose bwabo mu mahema Yaku Amu. ⁵² Alifumishe abntu bakwe kubati ni mpanga no kubatungulula mu matololo kubati mukuni. ⁵³ Alibatungulwile mu bucingo kabili ukwabula no mwenso, nomba bemba yalisungwishe abalwani babo. ⁵⁴ Nolu alibaletele ku mupaka wa calo ca mushilo, kuli luno lupili uko ukuboko kwakwe ukwa kulyo kwapokolwele. Alitamfishe inko ukufuma kuli bena no kubalanga ifya bupyani fyabo. ⁵⁵ Alitekele imitundu ya bena Isreali mu ma Hema yabo. ⁵⁶ Lelo bali musonsombele no kulufyanya Lesa wapulamo kabili tabasungile amafunde yakwe. ⁵⁷ Tabali abacine kabili bali mufutukile kubati ni bashibo; tabacetekelwa baba kubati buta ubushaololoka. ⁵⁸ Pantu balimukalifye pa ncende shakusansama no ku muso nsomba ukuba no bufuba palwa tulubi twabo. ⁵⁹ Ulo Lesa aumfwile ifi alikalipe na ukukanininafye Isreali. ⁶⁰ Aliolekeshe umwashila ku shilo, Ihemailyo aikelemo na bantu. ⁶¹ Alisuminishe ukupokolola no kupela ubukata bwakwe mu maboko ya balwani. ⁶² Alipele abantu bakwe ku lupanga, kabili alikalipe pa fyabupyani fyakwe. ⁶³ Umulilo walyocele pa baume babo abaice, na bakashana babo abacaice tabakweta inyimbo sha bwinga. ⁶⁴ Bashimapepo babo balifwile ku lupanga, na bamukamfwilwa babo tabaloseshe. ⁶⁵ Nolu shikulu alyaamukile kubati afuma mutulo, kubati ni mpalume ikopunda pamulandu wa mwangashi. ⁶⁶ Alitamfishe ifita fyakwe ukubwelelamo; Alibabikile ku nsoni shamuyayaya. ⁶⁷ Alikene Ihema lyakwa Yosefy, kabili tasalile umutundu wakwa Efulemu. ⁶⁸ Atemenwe umutundu waba Yuda no lupili lwa Sioni ulo atemenwe. ⁶⁹ Alikulile umwashila kubati myulu, kubati, calo icapampamikwa umuyayaya. ⁷⁰ Alisalile Dabidi, umubomfi wakwe, no kumusenda ukufumya ku twana twa mpanga. ⁷¹ Alimusendele ukumufumya mukucema impanga no twana twashiko, kabili amuletele kukuba kacema wakwa Yakobo, abantu bakwe, na Isreali, no bupyani bwakwe. ⁷² Dabidi ali bacemene na bumpofu bwa mutima wakwe, kabili alibatungulwile ku fyakutukuta kwa minwe shakwe.