Ku ng'omba nkalamba; pali shoshanim. Ulwa kwa Dabidi. ¹ Mpususheni nebo, Lesa; pantu amenshi uabika umweo wandi mukayofi. ² Nebo naibile mu lutikiti, umo mushili apakwiminina; naisa mu menshi uwashika, umo ilyenshi lipita pamulu wandi. ³ Ndi uwa funshika mu kulila; umukolomino wandi nauma; amenso yafilwa ilyo nkololela Lesa wandi. ⁴ Bonse abo abampata ukwakubula umulandu baba ubwingi ukucila umushishi walku mutwe wandi; abo abenga ,putula, pakuba abalwani bandi palimilandu iyabula ukwishibikwa, bali ababulamba; ifyo nshaibile, nalifibweseshe. ⁵ Lesa, mulishibile ubuwelewele bwandi, no lubembu lwandi talwafisama kuli mwebo. ⁶ Mwileka abo bonse abasumina muli mwebo bakabe ne nsoni pa mulandu wa nebo, shikulu Yawe mwe ba sunga; mwileka abo bonse abamufwaya baletwe mukukana cindama pa mulandu wa nebo, Lesa wa bena Israeli. ⁷ Pa mulandu wenu naebaulwa; insoni shaisa pa mensi yandi. ⁸ Naba umweni kuli bamunyina, no mwina fyalo ku bana ba bamayo. ⁹ Pantu icimwemwe ca mu ng'anda nacindya nebo, no kwebaulwa kuli abo abamwebaulwa mwebbo fyaponena pali nebo. ¹⁰ Ilyo nalilile no kukanalya ifyakulya, balimpontele nebo. ¹¹ Ilyo nacitle ifisamu ifyakufwala, nasangwike icintu pamo nge mpinda kuli bena. ¹² Abo abalekala pa mpongolo sha misumba balanda pali nebo; ndi lwimbo lwa bacakolwa. ¹³ Nomba kuli nebo, ipepo lyandi ni kuli mwebo, Yawe, panshita iyo mwingasuminisha; njasukeni nebo mu bucishinka bobe ubwepusukilo. ¹⁴ Mfunyeni mu lutikiti, mwileka ntotomene; lekeni bafunyepo pali nebo abo abampata mu menshi ayatali. ¹⁵ Mwileka ilyeshi lya menshi lincifye nebo, nangu mwileka itenga limine nebo. ¹⁶ Njasukeni nebo, Yawe, pa mulandu wa cipangano cacumfwila icisumma pantu uluse lwenu pali nebo lwingi, pilibukileni kuli nebo. ¹⁷ Mwidisa icinso cenu ku mubomfi wenu, pantu ndi mukumanama; njasukeni bwangu bwangu, ¹⁸ Iseni kuli nebo, noku ndubula nebo. Pamulandu wa balwani bandi, ndubuleni nebo. ¹⁹ Mwalishaba ukwebaulwa kwandi, ne nsoni shandi nokukanacindika bakalwisha badi bali pali webo. ²⁰ Ukwebaulwa kwafunsha umutima wandi; ndi uwa kufina; nafwaile umo uwa kungafwila uluse, nomba tapali nangu umo. ²¹ Bampele sumu mu fyakulya fyandi; mukumfwa icilaka kwandi balimpele umwangashi wakukantuka ukunwa. ²² Lekeni itebulo ilili pali bena libe icteyo; ilyo baletontonkanya ukuti bali umutende; lekeni cibe iciteyo. ²³ Lekeni amenso yabo yabe ayashibata pakuti bakaleke ukumona, nokuleka lyonse imisana yabo isakane. ²⁴ Pongololeni icipyu cenu pali bena, nokuleka ubukalu bwenu bube pali bena. ²⁵ Lekeni incende apo bekala papomonwe; lekeni nangu umo ekale mwi Ihema lyabo. ²⁶ Pantu bena bacusha uyo mwebo mwapumine mpanshi. Balibwekeshepo ukukalipwa kwabalya abacenenwe. ²⁷ Bapeleni ukuti balicitile imilandu ukanakwata umulinganya pa mulinganya; mwileka bakese mu bulungami bwakucimfya. ²⁸ Lekeni bafutwe mu citabo ca mweo nokukana lembwe pamo ba balungami. ²⁹ Nomba ndi mubusu kabili uwa bulanda; lekeni ipusukilo, Lesa, mbikeni pa mulu. ³⁰ Nkalumba ishina lwakwa Lesa no lwimbo noku musumbula mju ca bupe ca matotelo. ³¹ Icikalenga Yawe ukusansamuka ukucila ing'ombe no mulume wa ng'ombe ifya kwata amasengo na mobondo. ³² Abalanda na bacimona kabili balesamwa; mwebo mwe bafwaya Lesa, lekeni imitima yenu ibe iyabumi. ³³ Pantu Yawe alomfwa kubabulwa kabili tasula abafungwa bakwe. ³⁴ Lekeni umulu ne sonde fimulumbanye ena, babemba na fyonse ifyendamo. ³⁵ Pantu Lesa akapususha Sioni kabili akakula cipya cipya imisumba ya Yuda; abantu bakekalamo nokuikwata. ³⁶ Abana babomfi bakwe bakaupana kabili abo abatemwa ishina lyakwe bakalekwikala mulya.