¹ Ulwa ku ngomba nkalamba pachilimba ca nshinga, ulumbo lyakwa Davidi. ² Kutikeniu kwi pepo lyandi, mwe Lesa; kabili mwifisama kukupapata kwandi. Pepekeni kuli nebo nokungasuka; ³ Ntakotusha mumacushi yandi pa mulandu we shiwi lyabalwani bandi, pa mulandu wa mutitikisha wababifi pantu balaleta amashiwi pali nebo no kumpakasa mubukali. ⁴ Umutima wandi ulatutuma mukati kandi, kabili no mwenso wamfwa wali wila pali nebo. ⁵ Ukutina nokututuma filishile pali nebo, no mwenso uukulu ukontitikisha. ⁶ Nalyebele ati, alale, Ngacakweba ati nalikwete amapindo kubati ni nkunda; lwena ngandi. ⁷ Moneni ngandile nayakwendela fye ukutali, kuli naya kwikala fye mumatololo. ⁸ Nkamfulumukila ulubilo kucubo ukufuma ku cipupu camwela namabimbi.'' ⁹ Bonaulani, mweshikulu, fulunganyeni indimi shabo! pantu ndimwene ukukala nokusansana mu musumba. ¹⁰ Akasuba nobushiku balashingauka pa malinga wauko ubupulumushi ne ficitwa ifyabubifi fyliba mukati ka uko. ¹¹ Buncitatubi bwaba mukati kauko; umutitikisha no bucenjeshi tofifuma mu musebo yauko. ¹² Pantu te mulwani wandi uwa ukalipile ngana lilafyalafya; nangu nga cali ni uyo uwa mpata ewaimishe umwine noku ngalukila, lwena ngandifiseme ukufuma kuli ena. ¹³ Nomba mwebo, umuntu uo tulingene nankwe, umunandi kabili umulunda wandi; ¹⁴ Twali abakwampana mwisenge limo ilyakuwama; twalyendele mu nganda yakwa lesa mwibumba. ¹⁵ Lekeni imfwa ibeshile mukupumikisha; kaba tntemikile kumbo abakulola pantu muli buncitatubi emobekala mweka mukati kabo. ¹⁶ Nomba nebo, nkakuta kuli Lesa, kabili Yawe akampususha. ¹⁷ Mu cangulo ulucelo napakasuba pakati ndailishanya nokutenda, akomfwa kwishiwi lyandi. ¹⁸ Mumutende akapakolola umweo wandi ukufumya mu bulwi ubwanjimine, pantu abo abalikundwisha balifulile ¹⁹ Lesa uwaba kateka ukufuma ku muyayaya akabomfwa nokusasenya. tabapilibika, kabili tabatina Lesa. ²⁰ Umulunda wandi aimisha ukuboko kwakwe pali abo abali nankwe mu mutende tacindamike icipangano ali naco. ²¹ Akanwa kakwe kali akakutelela kubati mukaka uwabune, lelo umutima wabulwi amashiwi yakwe yalitemba ukucila amafuta, nolo yaba ni mpanga shapekanishiwa. ²² Posa icisendo cobe pali yawe kabiuli ena aka kulama takasuminishe umuntu umulungami ukuteletenta. ²³ Lelo mwelesa mukalenga bancitatubi ukutentemukila mu cilindi cabonaushi abacilaka cimilkopa nabantu babufi tabakekale na citika ukulingana nabambi, leo nebo nkacetekela muli mwebo.