¹ Amalumbo ayakwa Dabidi. Kuli webo Yawe nde lila; we cilibwe candi wi nsula nebo. Nga tamwaswike kuli nebo, nde ba pamo nabo abaya mu nshishi. ² Umfwa ku congo ca ku papata kwandi lintu nde kutapa bwa fwilisho ukufuma kuli webo ilintu na imya amaboko yandi ku ncende yobe iya mushilo! ³ Mwintantanya kumo na babifi abo abacita ama mpulu aba sosa umutenmde nabena mupalamano lelo bali no bubi mutima yabo. ⁴ Ba pele ifyo ificitwa fyabo filingile no kuba bwelesha ifyo ububifibwabo bwa fwaya ku bweseshe pa mulimo ya maboko yabo no ku pele kuli bena ifyabo. ⁵ Pantu taba sumina ku ficitwa fya kwa Yawe nangula imilimo yaku maboko yakwa aka bonaula noku kana aba bwekeshapo. ⁶ Abe uwa kupalwa Yawe pantu alyumfwile ico ngo ca ku papata kwandi! ⁷ Yawe e bukose bwandi no bucingo bwandi umutima wandi wa cetekela muli ena elyo ndya fwilishiwe. Eico umutima wandi uli cankilwe apa kalamba, elyo nde mu lumbanya kuku mwimbila. ⁸ Yawe e bukose bwa bantu bakwe elyo ni cubo ca kupususha aba subwa bakwe. ⁹ Pususha abantu bobe no kupala ubupyani bobe. Babakacema wabo noku bapitilila.