Malumbo lwakwa Dabidi ¹ Isonde lyakwa Yawe, nefyaisulamo fyonse, ne calo na bonse abaikala muli cena. ² Pantu alicimikele pali babemba no kucipampamika pa mimana. ³ Ninani uwinganina palupili lyakwa Yawe? Ninani uwingeminina mu cifulo cakwe Icamushilo? ⁴ Uyo uwaminwe yabune no mutima yakupwililika; uushasumbula bufi, kabili uutalapapo mulapo pakwebati abepe. ⁵ Akapokelela ne palo ukufuma kuli Yawe no bulungami ukufuma kuli Lesa we pusukilo lyakwe. ⁶ Iyi nikulo ya abo abamufwaisha ena, abo abafwaisha icinso cakwa Lesa wakwa Yakobo. ⁷ Sumbuleni pamulu imitwe yenu, mwe mpongolo, sumbulweni pamulu mwe fibi fya muyayaya, pakwebati imfumu yabukata ingengila. ⁸ Nimfumu ndo iyi iya bukata Yawe, uwakukoka kabili uwabulamba; Yawe uwabulamba mu bulwi. ⁹ Sumbuleni pamulu imtwe yenu, mwe mpongolo, mube abakusumbulwa pamulu, mwe fibi fya muyayaya, pakwebati imfumu yabukata ingengila. ¹⁰ Nimfumu ndo iyi iyabukata? Yawe uwa milalo, ena emfumu yabukata.