¹ Ilumbo lya kwa Dabidi. Nka mutotela mwebo, Lesa wandi imfumu nkapala ishina lyenu umuyayaya umuyayaya. ² ubushiku bonse nkamupala; nkapala ishina lyenu umuyayaya no muyayaya. ³ Umukulu ni Yawe kabili alikula kuku mulumbanya; ubukulu bwakwe tabwinga fwaiwa. ⁴ Inkulo imo ikalubanya ificitwa fyenu ku nkulo imkbi kabili no ku bilisha ifya ificitwa bumpalume fyenu. ⁵ Nkatontokanya pabucindami bwa bukata bukatebebe bwenu ne milandu ya fya kupapa fyenu. ⁶ Baka landa amaka yakubomba, kwenu ukwabune nkapampamika ubukulu bwenu. ⁷ Bakashisha ukwibukisha cine bwa bune bwenu; kabili bakemba pali bucishinka bwenu. ⁸ Yawe alisenamunwa kabili wa nkumbu, uukokola ukufulwa kabili ekalilila mucipangano cacine. ⁹ Yawe wabune kuli bonse; nekumbu shakunakuilila shaba pamilimo yakwe yonse. ¹⁰ Fyonse efyio mwapanga fikapela ukutotela kuli mwebo Yawe, abacisuika benu bakamupala. ¹¹ Abacishinka benu bakalanda ubukata bwa mu mfumu bwenu, kabili bakashimika palwa maka yenu. ¹² Bakalenga umuntu akeshibe bupalume bwaficitwa fya kwa Lesa no bukata bwa bu mfumu bwakwe. ¹³ Ubumfumu bwenu bunfumu bwa ,muyayaya, no kuteka kwenu kwa nkulo ne nkulo. ¹⁴ Yawe alatungilila bonse abalewa kabili emya bonse abakunguma. ¹⁵ Amenso ya bonse yakololela mwebo; mupelka ifyakulya kuli bena pashita iyalinga. ¹⁶ Mwisula amaboko yenu no kwisusha ukufwaya kwa conse ico mwalenga. ¹⁷ Yawe wacishinka muli shonse ishila shakwe kabili wa luse mumititile yakwe. ¹⁸ Yawe ali mupepi kuli bonse abakuta pali ena, kuli bonse abamukuta mucicetekelo nabucishinka. ¹⁹ Alafikilisha ukufwaya kwabo bonse abamucindika; alomfwa ukulila kwabo nokubapususha. ²⁰ Yawe abaka abo bonse abamutwemwa, lelo onaula bonse ababifi. ²¹ Akanwa kanda kakalanda amatotelo ya kwa Yawe; lekeni umwina muntu onse apele ishina lyakwe ilyamushilo umuyayaya kabili umuyayay.