Lumbanyeni Yawe. ¹ Lumbanyeni ishina lyakwe Yawe mulumbanyeni ena, mwebo mwe babombfi bakwa Yawe, ² Mwebo mwebeminina nganda yakwa Yawe, mumlubansa lwa Nganda yakwa Lesa wesu. ³ Lumbanyeni Ywe, pantu wabune; imbeni amalumbo kwi shina lyakwe, pantu cabuseko ukucita ci. ⁴ Pantu Yawe aliisalile yakobo umwine Isreali ukuba icikwatwa cakwe. ⁵ Nalishiba ukwebati Yawe mukalamba ukwebati shikulu wesu ali pamulu watu Lesa tonse. ⁶ Conse Yawe akabila, alacita mu mulu, pa calo, muli ba bemba na ponse panshi pali ba bemba mukalamba. ⁷ Alaleta makumbi ukufuma ukutali, alalenga ukubyasha ukwakutangililwa ne mfula ya mapati no kule kuleta umwela bwakwe. ⁸ Alipeye amabeli mu Egupto yonse ku bantu na ku nama. ⁹ Alitumine fishibilo ne fipesha mano pantu kobe, we Egupto, pali Farao na bonse ababomfi bakwe. ¹⁰ Alisanshile nko ishingi no kwipaya ishamfumu shabulamba, ¹¹ Sihone imfumu ya bena Amore na Oge imfumu ya Bashani na yonse amabufumu yamu kanaani. ¹² Alitupele fwebo icalo cabo nge cikwatwa, icikwatwa kuli Isreali abantu bakwe. ¹³ Ishina lyobe, Yawe, lilabelelela umyayaya; ukwishibikwa kobe, Yawe, kulabelelela ukupita mu nkulo shonse. ¹⁴ Pantu Yawe alacingilila abanti bakwe elo alikwata inkumbu pa ba bomfi bakwe. ¹⁵ Utulubi twanko ni Silvere na golide, imilimo ya minwe ya bantu. ¹⁶ Uto tulubi twalikwata utunwa lelo tatulanda; ¹⁷ Twalikwata amatwi, lelo tatumfwa nangu kubamo mupu mtunwa twa tuko. ¹⁸ Abo abatulenga baba kubati nito, ngefyo aba onse uucetekele muli to. ¹⁹ Abamubufyashi bwakwa Isreali, paleni Yawe; abamubufyashi bwakwa Aaroni, paleni Yawe. ²⁰ Abamubufyashi bwakwa Lebi, paleni Yawe; mwebo mwaba cindika Yawe, apleni Yawe. ²¹ Abe uwapalwa yawe mu Sione, uyo uwikala mu Yerusalemu. Lumbanyeni Yawe.