Uwimbo lwa kusumbulwa. ¹ Yawe, pa mulandu wakwa Dabidi, mulekwibukisha ku mano ifya bucushi fyakwe fyonse. ² Mulekwibukisha ku mano fintu alapile Yawe, fintu alaile kuwa maka yonse wakwa Yokobo. ³ Atile, ''Tekuti njingile mu nganda yandi nangu ku mu musengele wandi, ⁴ Tekuti nsuminishe amenso yandi ukulala nangula ifipenipeni. ⁵ Mpaka fye nasangila Yawe icifulo, Ihema lya wa maka wakwa Yokobo.'' ⁶ Mona, twalyumfwile palwa ici mu Efrata; twalicisangile ici mu mpanga sha ⁷ yali.Tukoya mwi Hema lyakwa Lesa; tukoshinshimuna pa cipuna camakasa yakwe. ⁸ Imeni, Yawe, ku cifulo cakutushishamo cenu, mwebo ne mbokoshi ya kukosa kwenu! ⁹ Lekeni ba shimapepo benu bengafwikwa na bumpomfu; ababa aba cishinka benu bengabilikisha mu nsansa. ¹⁰ Pa mulandu wa mubomfi wenu Dabidi, mwifutatukako ukufuma ku mfumu iyasubwa. ¹¹ Yawe alilapile umulopa uwakushinisha kuli Dabidi, umulopa kwakushininikisha uwakuti takafumyepo; ''Ndi nokubikapo umo uwa mulupwa lobe pa cipuna ca bufumu bobe. ¹² Ngacakuti abana bobe abaume bakalekubaka icipangano candi na mafunde yantu nkalekubafunda, abana babo nabena bakalekwikala pa cipuna ca bufumu bobe ukuyafye umuyayaya! ¹³ Pakuti Yawe alisalile Sioni, alikuufwaya kukuba ica kwikalapo cakwe. ¹⁴ ''ici ecifulo candi icakushishapo umuyayaya Nkoikala kuno, pantu nkomufwaya. ¹⁵ Nkampala mubwingi pamo fyepekanishiwa Nkekutisha no mupina wakwe ku mukate. ¹⁶ Ndinokufwika shimapepo wakwe ne pusukilo, aba cishinka bakwe bakalekubilikusha ne nsansa. ¹⁷ Ukulya nkapanyako ulusengo kukumena ulwakwa Dabidi no kupekanyako nyali yamusubwa wandi. ¹⁸ Ndi no kufwika abalwani bakwwe ne nsoni, lelo pali ena icilongwe cikalekubengeshima.''