Icipandwa 119
1
Bakushuka abo imibele yabo yaba iyakubula akalema, abakoendela mu mafunde ya kwa Yawe.
2
Bakushuka bena abo basunga no mute amafundisho yakwe, abo abamufwaya no mutima wabo onse.
3
Bena tabacita bubi; ben bendela mu mibele yakwe.
4
Webo ulitukambishe fwebo ukulekusunga ifilangililo fyobe ukwebati tulekusakamana ukulekufibaka fyena.
5
Alale, ici kweba ati nebo nshikatale bwino mukubaka ifipope fyobe!
6
Nolu nebo ntakalengwe nsoni ulo nkatontonkanya pa malango yobe yonse.
7
Nebo nkalekupela amatebeto kuli webo no cmutima wa bololoke ulo nebo nsambilila ubulungami bwa fyebo fyobe.
8
Nebo nalekubaka ifipope fyobe; wilakunsha neka iyo.
9
musango ndo musepela wingasungilamo nshila yakwe mukupwililika? Nimukubela icbo cobe.
10
No mutima wandi onse dmfwaya webo; wilakundeka ndube ukufuma ku malango yobe.
11
Naaaalisunga icebo cobe mumutima wandi ukweba ati nebo nikubekukila webo.
12
Walipalwa webo, Yaw; nsambilisha ifipope fyobe.
13
Nakanwa kanda ndibishishe fyonse fyebo fya bulungami ifyo webo wasokolola.
14
Nebo nsekelela mu mbela ya cipangano ca fyebo fyobe ukucila muli fyonse ifya bunonshi.
15
Nebo nalekwetetwila pa dmashiwi yobe kabili no kwangwa imibele yobe.
16
Nobe nbekelwa mu fipope fyobe; ntakalabepo icebo cobe.
17
bwni no lose ku mu bomfi wenu pa kweba ati nebo ndekwilala mo mweo kabili no kulekusunga icebo cobe.
18
Njisuleni amenso ukweba ati nebo ndekumona fintu fyakuwamisha mu mafunde yobe.
19
Nobe ndi mweni mu calo; mwilakufisa malango ukufuma kuli nebo.
20
Ukukabila kwandi ukufyantwa ku kulakufulukisha ukwishiba ifyebo fya bulungami bobe pa nshita yonse.
21
Webo ukalipila abamataki, abo abakutipwa, abalubantila ukufuma ku malango yobe.
22
Ulukusunga ukufuma kumusebanya no kusulwa, ico nebo ndibakile icipangano va fyebo fyobe.
23
Nangu bakateka ba ngampingila kabili no ku ng'amba, umubomfi wenu tetwila pa fipope fyobe.
24
Icipangano ca fyebo fyobe caba ekebekwa kwandi, kabili fyaba bukabiilo kuli nebo.
25
Umweo wandi walambatila ku lukungu! umpe mweo ku cebo cobe.
26
Nebo nalikwebele imibele dyanfi;, nobe walingasukile nebo; nsambilisha ifipope fyobe.
27
Nenga ukumfwa bwino bwino imibele ya fipope fyobe, pakweba ati nebbo ndekwetetwila pa masambililosho ya fipesha mano fyobe.
28
Nebo ndinashiwe ne cikonko! Unkoshe nebo ku cebo cobe.
29
Alula ukufuma kuli nebo inshila ya kuluba; luse-luse unsambilishe amafunde yobe.
30
Nebo ndisalile inshila ya bucishinka; ndasunga lyonse ubulungami bwa fyebo fyobe ifyaba pa mulola wandi.
31
Nebo nambatila ku cipangano ca fyebo fyobe; Yawe , wilakundeka ndekulengwa insoni.
32
Nebo nkelekubutuka munshila ya malangoyobe ico ukushiishako umutima wandi ku kucita ci.
33
Nsambilisha nebo, Yawe, inshila ya fipope fyobe, kabili nalekufisunga ukufika na kumpelaa.
34
Umpele ukumfwikisha, kaabili nebo ndekusunga amafunde yobe; yenu nalekuyabaka no mutima wandi onse.
35
Untungulile munshila ya malango yobe, ico nebo ndabekwa ukwendamo muli yena.
36
Tungulula umutima wandi ukulola cipangano ca fyebo fyobe kabili ukutaluka ukufuma ku bunonshi bwakubula bucishinka.
37
Alula amenso yandi ukufuma ku kulolesha pa fintu fyakubula buyo; ntutubula nebo mu mibele yobe.
38
Citila umubomfi obe abulayo ubo walaile kuli abo abakucindika webo.
39
Tandulapo umusalula uwo ntina, ico ukupingula kobe ukwa bulungami kwa bune.
40
Mona, nebo balifuluka ifipope fyobe; untutubula mu bulungami bobe.
41
Yawe, umpe nebo ukutafilwa kwa kutemwa kobe kabili ne pusukilo, ukulingana no bulayo bobe;
42
nulo nebo balekuba no bwasuko kuli uyo uwakompunika, ico nditetekele mu cebo cobe.
43
Wifumya cebo ca cishinka ukufuma mukanwa kandi, ico isubilo lyandi lyaba mu bulungami bwa fyebo fyobe.
44
Nkalekubaka amafunde yobe ukutwalilila, umuyayaya no muyayaya.
45
Nalekwenda uwacingililwa, ico mfwaya ifipope fyobe.
46
Nkalekulanda pa mafundisho yobe pa mulola wa shamfumu kabili ntakabe na nsoni.
47
Nebo nbekelwa mu malango yobe, ayo natemwa mucine.
48
Nalekusumbula amaboko yandi ku malango yobe, ayo nebo natemwa; nalekwetetwila pa fipope fyobe.
49
Tontonkanyapo ku mano ubulayo bobe ku mubomfi obe pantu webo uli mpele isubilo.
50
Ici ecikoseleshi candi mu macushi yandi: Ukweba ati ubulayo bobe bulinsungile uwamweo nebo.
51
Abamataki balinsekela nebo, lelo nshafutatuka ukufuma ku mafunde yobe.
52
Nalitontonkanya palwa bulungami bwa fyebo fyobe ukutula kunshita shakale, Yawe, kabili nebo ndaitalalika nemwine.
53
Ukufulwa kwakutapata kulikatilile nebo pamulandu wababifi abo abakana amafunde yobe.
54
Ifipope fyobe fyaba ni nyimbo mu ng'anda iyo nkoikalamo iya nshita inono.
55
Ntontonkanya pe shina lyobe munshita ya bushiku, Yawe, kabili nsunga amafunde yobe.
56
Ici caliba cibesho candi panti mbaka ifipope fyobe.
57
Yawe aba cakaniko candi; nebo ndisalile ukubaka amashiwi yobe.
58
Nebo mucine ndilombele ububile bobe no mutima wandi onse; umbelele uluse nebo. Ukulingana ne fyo icebo cobe calaile.
59
Nebo nalilingulwile imibele yandi kabili nalyalwile amakasa yandi ku cipangano ca fyebo fyobe.
60
Ndangufyanya kabili nsushima shima ku kusunga amalango yobe.
61
Imyando ya babifi ilinkobele nebo, nebo ntalaba mafunde yobe.
62
Pakati ka bushiku ndalamuka ku kupa amatotelo kuli webo pamjulandu wa nulungami bwa fyebo fyobe.
63
Nebo ndi mulongo wa bonse abacindika webo, kuli bonse abo ababaka ifilangililo fyobe.
64
Yawe, icalo, caisula icipangano ca bucishinka bobe; nsambilisha ifipope fyobe.
65
Yawe, ulicitile icabune ku mubomfi obe, ku cebo ca mashiwi yobe, webo.
66
Nsambilisha ukwiluka kusuma no mucetekanya, ico calisumina mu malango yobe.
67
Libe ntalacula nalilubile, lelo nomba ndabaka icebo cobe.
68
Webo uli wabune kabili niwe weka ucita ifyabune; nsambilisha ifipope fyobe.
69
Abafikansa balinshingile ubufi, lelo ndasunga ifilangilo fyobe no mutima wandi onse.
70
Imitima yabo ilyumalele, lelo mbekelwa mu mafunde yobe.
71
Cili bwino kuli nebo ukweba ati nali culile pakweba ati nebo nsambilile ifpope fyobe.
72
Ifilangililo fya mukanwa kobe fyaliwamisha kuli nebo ukucila amakama ya lupiya lwa golide na silifa.
73
Iminwe yobe yalinenga kabili noku mpanga nebo, umpe umucetekanya pa kwebati nsambilile amalango yobe.
74
Abo bakucindika bakasamwa ulo bena bakambona pantu nebo ndisangile isubilo mu cebo cobe.
75
Nalishiba, Yawe, ukweba ati ifyebo fyobe fya mulinganya, kabili ukweba ati mucishinka walincushishe nebo.
76
Lekeni icipangano ca bucishinka bwenu citalalike nebo, ngefyo walaile ku mubomfi obe.
77
Nangini inkumbu pa kweba ati nebo nkwate umweo, ico ifunde lyobe ekubelekwa kwandi.
78
Lekeni abamataki balengwe insoni, ico bena balinandile ubbubi, lelo nalekwetetwila pafipopr fyobe.
79
eka abo bakucindika bafutatukile kuli nebo, abo abeshibile icipangano ca fyebo fyobe.
80
Lekeni umutima wandi ube uutatungwa akabi ku kulola ku fipope fyobe pakweba ati nebo nilengwa insoni.
81
Ndatutubala no kufulukisha ukwebati umususheko nebo! Nebo nasubila mucebo cobe.
82
Amenso yandi yalafuluka ukumona ubulayo bobe; nilwisa ulo ukantalalika nebo?
83
Ico nebo naisa kuba kubati ninyambi yamyangashi mucushi; nebo ntalaba ififpope fyobe.
84
Kufilka kunshita ndo umubifi obe alinokushipikisha ifi; nilwisa ulo ukapingula balya abampakasa nebo?
85
Aba mataki balinyimbile filindi nebo, ukukowesha ifunde lyobe.
86
Yonse amalango yobe yalitetekelwa; balya bantu bapakasa nebo nelo ntalufyenye; ngamfweni nebo.
87
Bena balifyeb pepi nokupanga impele kuli nebo pano calo lelo nebo ntakana ifilangililo fyobe.
88
Ukutenwa kwakutwalilila kobe, nsungeni uwa mweo pa kweba ati ndekunaka amalango yobe.
89
Yawe, icebo ciliminine umuyayaya; icebo cobe climunine inkonso mu mulu.
90
Bucishinka bobe bwaikalilila ku nkulo shonse; ulishimpile icalo, kabili ca calibelelela cena.
91
Fyonse fintu filitwalile ukufika ku bwalelo, nge fyofye waebele mufyebo fyabulungami bobe, ico ifintu fyonse fyaba babomfi bobe.
92
Umfwa amafunde yobe tayali kubekwa kwandi, nga nalyonaikile mubucushi bwandi.
93
nebo ntakalabe ifilangililo fyobe, ico muli fyena webo ulinsungile uwa mweo.
94
Nebo ndi obe; mpusushako nebo, ico mfwaya ifilangillilo fyobe.
95
Ababifi bali-ilalike ku konaula nebo, lelo nebo nalekulekufwaya ukumfwikisha icipangano ca fyebo fyobe.
96
Nebo ndimwene ukwebati fyonse finti filikwete umwe-kupela, lelo amalango yobe yalifuntula, ukucila imipaka.
97
Alale fyo natemwa amafunde yobe! Yaba kwetetwila kwandi akasuba konse.
98
Amalanga yobe yalanenga ukushilimuka ukucila abalweni bandi, ico amalango yobe ndaba nayofye inshita yonse.
99
Nebo ndikwete umucetekanya wakushika ukucita ba kasambilisha wandi, ico nebo ndetetwila pa cipangano ca fyebo fyobe.
100
Nebo ndikwete umucetekanya wakushika ukucila abakalamba abancilile; ici ni pamulandu nebo ndasunga ifilangililo fyobe.
101
Nebo ndisunhile amakasa yandi kunuma ukufuma munshila shakubipa pa kweba ati ndekubaka icebo cobe.
102
Nebo ntafutatuka lubali lumbi ukufuma ku bulungami bwa fyebo fyobe, ico webo ulinangile nebo.
103
ifyo yalolwa amashiwi yobe pa lulimi lwandi, ee, yalililwele ukucila ubuci pa kanwa kandi!
104
Ukupitila mu filangililo fyobe nebo ndi dnonkele ukwiluka; eco nomba ndipatile inshila yonse iyakubula icine.
105
Icebo cobe ni myali ku makasa yandi kabili lubuto mu nshila yandi.
106
Nebo ndilapile umulapo kabili ndi ushininkishe wena, ukweba ati nalekubaka ubulungami bwa fyebo fyobe.
107
Nebo adiculile sana; unsunge uwa mweo, Yawe, ngefye walaya mu cebo cobe.
108
Yawe, nkopapata upokelele imitulo ya kuitemenwa iya ku kanwa kandi, kabili unsambilishe nebo ubulingami bwa fyebo fyobe.
109
Umweo wandi waba lyonsefye mu niminwe yandi, lelo nebo ntalaba amafunde yobe.
110
Abibifi baliteyele iciteyo candi, lelo nebo ntaluba ukufuma ku filangililo fyobe.
111
Nebo ndibilile icipangani ca fyebo fyobe ngo bupyani bwandi umuyayaya, ico fyena fyaba ninsansa sha mutima wandi.
112
Umutima wandi ulyanghilwe ukulekubaka ifipope fyobe umuyayaya ukucikafye na ku mpela.
113
nebo ndipatile abo abab ne mitima ibili, lelo nebo nditemenwe amafunde yobe.
114
Niwwe cifulo candi emomfisama kabili icishangu candi; nebo nsubila mu cebo cobe.
115
Talukeni ukufuma pali nebo, mwebo mwe ncita tubi, pakweba ati nebo ndekubaka amalango ya kwa Lesa.
116
ulekuntangulila nebo ku cebo cobe pakweba ati ndekuba uwa mweo kabili nilengwa nsoni kwi subilo lyandi.
117
Ulekuntungilila nebo, kabili nelekuba uwacingililwa; nalekwetetwila pa fipope lyonse.
118
Webo ulakana abo bonse abaluba ukufuma ku fipope fyobe, ico abo bantu balalufya kabili tababa nakutetelwa.
119
Webo ulafumya ababifi bonse pa calo kubati fisoso; eco kanshi nnditemenwe amafunndisho yobe.
120
Umubili wandi ukotutuma mu kutina webo kabili nebo ndinomwenso wa bulungami bwa fyebo fyobe.
121
Nebo ndacita ifya mulinganya no kulungami; wilakunsha nebo kuli abo bancusha. Ubakilile ubwikashi bwa mubomfi obe; wilakuleka
122
abamataki balekuncusha nebo.
123
Amenso yandi yalile yakonaka ulo nebo nkololela ipusukilo lyobe kaili ne cebo cabulungami bobe.
124
Langa umubomfi obe icipangano ca bucishinka bobe, kabili unsambilishe ifipope fyobe.
125
nebo ndi mubomfi obe; nebo umpe umucetekanya pa kweba ati nebo mbe uwakwishiba icipangano ca fyebo fyobe.
126
Ninshita ya kwa Yawe ukubomba, ico abantu balitobele amafunde yobe.
127
Icinefye nebo nditemenwe amalango yobe ukucila golide, ukucilafye na golide wakulopololwa.
128
Eco kanshi nebo ndakonka bwino bwino fuonse ifilangililo fyobe, kabili nebo ndipatile inshila yonse iyakubula cishinka.
129
Imitande yobe yaliwamishe, eco nebo nabela uwa kuinakila yena.
130
Ubulondoloshi bwa mashiwi yobe bupela ulubuto; bupela ukutubululwa.
131
Nebo ngasamuna akanwa kansi no kwesela, ico mfuluka amalango yobe.
132
Futatukila kuli nebo no kuba no luse pali nebo, ngefyo ucita lyonse kuli abo abatewa iahina lyobe.
133
Tungulula intampulo sha makasa yandi ku ccebo cobe; wilakuleka ukubembu ululi lonse ukunteka.
134
Ndubula nebo ukufuma ku bantu abancusha pakweba ati nebo ndekubaka ifilangililo fyobe.
135
Leka icinso cobe cilekusanika pa mubomfi obe, no kunsambilisha ifipope fyobe.
136
Tumilonga twa minsoshi tulitulukile ukufuma mu menso yandi pantu abantu tabakobaka amafunde yobe.
137
Webo ulimjulungami Yawe, kabili ifyebo fyobe fya mulinganya.
138
Webo ulipele icipangano ca fyebo fyobe mu bulungami kabili muli bucishinka.
139
Ubukali bulingonawile apntu abalwani bandi balilabile amashiwi yobe.
140
Icebo cobe cilyeshiwe sana, lelo nebo ntalaba ku filangililo fyobe.
141
Nebo ntali kantu kabili uwakusulwa, lelo nebo ntalaba ku filangililo fyobe.
142
Ukulungamika kobe kwa kololoka umuyayaya, kabili amafunde yobe yali tetekelwa.
143
Nanga amasakamika no kushikitika filinsangile nebo, amalango yobe yacilifye ekubekwa kwandi.
144
Icipangano ca fyebo fyobe cililungeme umuyayaya; umpe umutekanya nebo ukwebati nebo mbe uwa mweo.
145
Nebo nalilile umusowa no mutima wandi onse, "Ngasuka nebo, Yawe, Nebo nalekusunga ifipope fyobe.
146
Nebo nkuta kuli webo; mpususha nebo, kabili nalekubaka iicipangano ca fyebo fyobe."
147
Nebo ngalamuka tayalafika amacaca ya lucelo no kulilila ubwafwilisho. Nebo nsubili mu mashiwi yobe.
148
Amenso yandi yesuka yakulafika ukupinduluka kwa bushiku pakweba ati ndekwetetwila pa cebo cobe.
149
Umfwe ishiwi lyandi mu cipangano ca bucishinka; unsunge uwa mweo, Yawe, ifyo webo walaya mu fyebo fyobe ifya bulungami.
150
Abo abakompakasa nebo bakoisa nupepi kuli nebo, lelo bena baliba ukutali ukufuma ku mafunde yobe.
151
Webo uli mupepi, Yawe, kabili no malango yobe yonse yaliba ayakutetekelwa.
152
Kale kunuma ku nobe nalisambilile ukufuma ku cipangano ca fyebo fyobe ukweba ati walificitile ukuba mucifulo umuyayaya.
153
Lolesheni pa macushi yandi kabili ngafwani nebo, ico nebo ntalaaba amafunde yobe.
154
Mpapatileni imilandu yandi kabili ndubuleni nebo, nsuna nebo, nge fyo walaya mu cebo cobe.
155
Ipusukilo lyaba ukutali ukufuma ku babifi, ico bena tabatemwa ifipope fyobe.
156
Ifyo yakula imilimo yaluse lobe, Yawe; uusunga nebo uwa mweo, nge fyo ucita lyonse.
157
Abakompakasa na balwani bandi abapepi balifulile, lelo ntafutatuka ukufuma ku cipangano ca fyebo fyobe.
158
Nebo mbona ba shikamfutu nge ca muselu pantu bena tabasunga icebo cobe.
159
Mona ifyo nebo natemwa ifilangililo fyobe; unsunge nebo uwa mweo, Yawe, nge fyo webo walaya ku cipangano ca bucishinka bobe.
160
Ubukankala bwa cebo cobe cine; cila cimo mu fyebo fya bulungami fikalililla umuyayaya.
161
Abakankala bapakasa nebo apakubula umjulandu, lelo umutima wandi wiminina mu ku wamisha kwa cebo cobe.
162
Nebo nsekelela pa cebo cobe kubati ni uyo wasanga ifyuma fyakubula umwine ifyakulisha.
163
Nebo ndipatile no kusula uwakubula icishinka, lelo nobe nditemenwe amafunde yobe.
164
Pa miku cine lubali mu kasuba kano nebo numbanya webo pamulandu wa bulungami bwa fyebo fyobe.
165
Umutende ukalamba bali ukwte, abo abatemwa amafunde yobe; takuli nangu cimo icingabalenga ukupununa.
166
Nebo nsubila kwi pusukilo lyobe, Yawe, kabili nebo mbaka amalango yobe.
167
Nebo mbaka amafundisho yobe, kabili ndiyatemenwe apakalamba.
168
Nebo ndasunga ifilamgilo fyobe kabili na mafundisho yobe ayamutalalila, ico webo ulishibile fyonse ifyo nebo ncita.
169
Kutika ku kulila kwandi kwisen ku mulola obe; ngafa nebo, ifyo walaya mu cebo cobe.
170
Leka ukupapata kwandi kwese ku mulola obe; ngafwa nebo, ifyo walaya mu cebo cobe.
171
Leka imilomo yandi ipongolole amalumbo, ico webo ulansambilisha ifipope fyobe.
172
Leka ululimi lwandi lulekwimba palwa cebo cobe, ico amalango yobe yakulungama.
173
Leka ukuboko kobe ku ngafwe nebo, ico ndisalile ifilangililo fyobe.
174
Nebo nkofuluka ukupususha kobe, Yawe, kabili amafunde yobe ekubekwa kwandi.
175
Leka nebo mbe uwamweo kabili ndekukulumbanya webo, kabili leka ubulungami bwa fyebo fyobe filekunyafwa nebo.
176
Nebo ndilubatikile kubati ni mpaanga yakuliba; ufwaye umubomfi obe, ico nebo ntalaaba amalango yobe.