¹ Takuli fwebo, Yawe, tekuli fwebo, lelo kwishina lyenu kweletwa umucinshi, ku cishika cacipangano cenu nokutetekelwa kwenu. ² Nindo ifyalo fingalandila ati, ''Bushe lesa wabo ali kwisa?'' ³ Lesa wesu aba mumulu, acita fyonse ifyo atemenwe. ⁴ ifyalo utulubi ni silifa na golide, umulimo waminwe ya bantu. ⁵ Uto utulubi tulikwete utunwa, lelo tatulanda; tulikwete amenso, lelo tatumona; ⁶ tulikwete amatwi, lelo tatumfwa; tulikwete imyona, lelo tatunusha. ⁷ Uto utulubi tulikwete amaboko lelo tafipampanta; tulikwete amakasa, lelo takuti twende; nangufye kulandila kutunwa twatuko. ⁸ Nabo abatupanga baba kubati nitwena, efyaba nabo binse aba cetekela muli twena. ⁹ Isreali, cetekela muli Yawe; ena ebwafwilisho bobe kabili inkwela. ¹⁰ We nganda yakwa Aaroni, cetekela muli Yawe; ena ebwafwilisho bobe kabili enkwela. ¹¹ Mwebo mwebacindika Yawe, cetekeni muli cina; cina ebwafwilisho bwenu kabili enkwela. ¹² YAwe alitwishile kabili akatupala; akapala ulupwa lwakwa Aaroni. ¹³ Akapala abo bonse aba mucindika, bonse abakulu na baice. ¹⁴ Lekeni yawe afushe impendwa yenu sana kabili sana, iyenu kabili nabamubufyashi bwenu. ¹⁵ Lekeni mwebo mube abapalwa na Yawe, uwalengele umulu ne calo. ¹⁶ Imyalu shakwa Yawe; lelo isonde alipela kumutundu wabuntunse. ¹⁷ Abafwa tabalumbanya Yawe, nangufye iyo onse uwaya kukwikala tondolo; ¹⁸ Lelo fwebo tukalekupala Yawe nomba kabili namuyayaya. lumbanyeni Yawe.