Icipandwa 109
Ku ngombe nkalamba. ulumbo, lyo kwa Dabidi.
1
Lesa uo ndumbanya, witalala tondolo,
2
pantu ababifi na bakulufya balingimine nebo, bakolanda ifya bufi pali nebo.
3
Bali nshingulukile nebo nokulanda ifyebo fyalupato ifingi, kabili bakongimina nebo ukwakubula umulandu.
4
Pakubweseshapo insansa shandi bako mfyenga nebo, nomba ndalaba pepela bena,
5
Balambikilapo ifyabubi pafyabune, bali pata ukutemwa kwandi.
6
Saleni umuntu umubifi pali uyu balwani nga aba bantu saleni uwakufyenga ukwiminina ku kuboko kwa kulyo kwakwe.
7
Ulo a pingulwa, lekeni asangwe uwamulandu; lekeni ipepo lyakwe lipendwe ulubembu.
8
Lekeni inshiku shakwe shibe ishinono; lekkeni bambi babule bucilolo bwakwe.
9
Lekeni abana baume babe inshiwa kabili no mukashi wakwe abe mukamfwilwa.
10
Lekeni abana bakwe bale kululumba fye nolekupulapulafye, nokutila batamfiwe mu fibolya nokwipusha ukupelwaako ulo baleikala munganda ishakonaika.
11
Lekeni aba nkongole basende ifyabo, lekeni abalebeshi bataape ifyo ena anonka. Lekeni peba nangu umo alundulwile amakufi yandi kuli ena;
12
lekeni peba nangu umo uwakubabelela uluse pabana bakwe abanshiwa,
13
Lekeni abana bakwe baputulweko; lekeni amashina yabo yelembwe munkulo iile konkapo.
14
Lekeni imembu sha fikolwe fyakweshi lumbulwe kuli Yawe, kabili lekeni imembu shakwanyina shikalabwako.
15
Lekeni ukushininwa kwabo konse kube kuli Yawe, lekeni yawe aputule ukwibilikishakwabo ukufuma mu calo.
16
Lekeni Yawe acite ifi pantu uyu muntu taangilwe ukulangwa icipangano icii chonse kabili ne mitima lyakutompoka ku mfwa.
17
Alitemenwe ulufyengo; lekeni fimubwelu lukile ena. Alipatile amapalo; lekeni pe kabafye ipalo limo ikesa kuli ena.
18
Alikufwala umwine icanutunganya nge cakufwala cakwe, ne citipu cakwe caishile ku bakubati mafuta mumafupa yakwe.
19
Lekeni amatipu yakwe yabe kuli ena ngecakufwala afwala ukulifimbilikisha umwine, kubati lilamba afwalilila lyonse.
20
Lekeni ifi fibe icilambu cabamfyenga ukufuma kuli Yawe, kulyabo abalanda ifya bubi nebo.
21
Yawe shikulu wandi, ntulanyeni pa mulandu we shina lyobe. Pantu icipangano cabucishinka bobe cabune, mpususheni.
22
Pantu ndititikishiwe kabili umubusu, kabili nomutima wandi ulicenenue mulinebo.
23
Nkoya nkoshima ku bati chinshingwa cacungulo; nkonsunkanafye ku bati ni makanta.
24
Amakufi yandi yalinakile ukufuma mukushilisha, nkoyaluka inkanda wamafupa.
25
Nebo ndisulilwe kubankontunganya ulo bambona nebo, bapo kanya imitwe yabo.
26
Ngafweni nebo, ngafweni nebo Yawe Lesa wandi, mpususheni nebo kucipanyano cacishinka.
27
Lekeni beshibe ukweba ati iyi emicitile yenu, ukwebati webo, Yawe ulicitile ifi.
28
Nangufye bantu balantunganya nebo,m napapata mpaleni nebo; ulo bakansansa, Lekeni bakalengwe asansamuke.
29
Lekeni abalwani bandi bafwale insoni; lekeni bafwa insoni shabo ku bati mingila.
30
Nakukanwa kandi nebo nkopela ukjutotela kuli Yawe; nkamulumbanya pa kati ka cintu bwingi.
31
Pantu alinokwiminina kukubokokwa kulyo noyo ukufuma kulyabo mupingula ena