¹ Pela ukutasha kuli Yawe, pantu ena wabune, kabili icipangano cakwe ica bucishinka cikalilila umyayaya. ² Leka abakulubuko aba kwa Yawe balande, abo ena apususha ukufuma ku munwe Yabalwani. ³ Alibakolonganike bena ukufuma mu mpanga shabena fyalo, ukufuma ku kabanga elo nokufuma ku mbonshi ukufuma ku kapinda ka ku kuso elo nokufuma ku kapinda ka ku kulyo. ⁴ Bena balikulubantila mu matololo pa musebo wa ciswebebe kabili tabasangile musumba umo bengalekwikala. ⁵ Pamulandu bena bali ne nsala kabili necilaka, bena balifwilepo nomutombo ku kunakisha. ⁶ Nolu bena balikutile kuli Yawe mumafya yabo, elo alibapuswishe bena ukufuma ku masakamiko yabo. ⁷ Ena alibantungulwile bena ne nshila ya koloka kakutila ati bena bengaya ku musumba wakulekwikalamo. ⁸ Alale aba bantu balekumulumbanya Yawe pa apangano cakwe icabucishinka nefintu fya kupapa ena acitila abantunse! ⁹ Pantu ena ekusha abalekabilikisha ababa necilaka, elo nefyabukabilo fya abo ababa nesala ena alesusha ne fintu fyabune. ¹⁰ Bamo balikele mumfimfi kabili umwakufita sana, abafungwa mumacushi kabili namumunyololo. ¹¹ Ici cali ifi pamulandu bena balyalukile ishiwi lya kwa Lesa elo balikene icilangililo ca wa pulamo. ¹² Alibapele imitima uyakuicefya ukupitila mumacushi bena bali ipunwine kabili takwali nangu umo uwakubemya. ¹³ Nolu bena balikutile Yawe mubucushi bwabo kabili alibafumishemo bena mumasakamika yabo. ¹⁴ Alibafumishe mu mfimfi na mukufitisha kabili alyonawile ifkakilo fyabo. ¹⁵ Alale aba bantu bakalekumulumbanya Yawe pa cipangano cakwe ica bucishinka kabili na pa fintu fya kupapa ena acitila abantunse! ¹⁶ Pantu ena alyonawile impongolo sha mukuba elo nokuputula imipindo ya fyela. ¹⁷ Bena bali ifiwelewele munshila shabo ishabucisanguka elo nokucushiwa pamulandu wa membu shabo. ¹⁸ Balilufishe ukukabila kwa kulya icakulya icili conse, kabili balipalamine mpongolo ya mfwa. ¹⁹ Nolu balikutile kuli Yawe mubucushi bwabo kabili ena alibafumishe bena mumasakamika yabo. ²⁰ Ena alitumine ishiwi lyakwe nokubaposha bena, kabili alibapuswishe bena ukufuma mukonaikwa kwabo. ²¹ Alale aba bantu balekumulumbanya Yawe pa apangano cakwe icabucishinka kabili na pa fintu fya kupapa ena acitila abantunse! ²² Lekeni bena batule amalambo yakutotela elo nokubilikisha ificitwa fyakwe mukwimba. ²³ Bamo balikwenda pali bemba mu fyombo elo nokucita amakwebo kwishilya lya ba bemba. ²⁴ Aba balimwene ificitwa fya kwa Yawe elo nefipapwa fyakwe pali babemba. ²⁵ Pantu alikambishe kabili nokwimya icipupu ca mwela ico cima nokusunkanya ba bemba. ²⁶ Balifikile mu mulu, balibwelele panshi apashika. Imitima yabo yali sungulike mumasakamika. ²⁷ Balipungaile kabili nokutelententa kubati nibacakolwa kabili bali kumpela yamibele yabo. ²⁸ Nolu bena balikutile kuli Yawe mubucushi bwabo, elo alibafumishe bena mumasamika yabo. ²⁹ Alitalalike icipupu, elo namabimbi yalimunine. ³⁰ Nolu balyangile pamulandu bemba alitalele, elo ena alibaletele bena kululamba lwa mumana uko balikukabila. ³¹ Alale abo bantu balekumulumbanya Yawe pa cipangano cakwe icabucishinka elo nefintu ena acitila abantunse! ³² Lekeni bena bamusansabike ena mucilonganino ca bantu elo nokumulumbanya ena muceni ca bakalamba. ³³ Ena alalula imimana ukuba amatololo, utumfukumfuku ukuba umushiliu wakuma, ³⁴ Elo impanga yafisabo ukuba incende ya bungumba pamulandu wa bantu ba ciko. ³⁵ Ena alalula amatololo mu milonga ya menshi elo nomushili wakuma ukuba ukumfukumfuku twa menshi. ³⁶ Abika abansala mulya, elo bena kula umusumba wakulekwikalamo. ³⁷ Bakula umusumba kukubyalamo amabala ku kubyala amabala ya myangashi, elo naku kuletamo ukulobolola kwa mubwingi. Alabapala bena ukuti bengaba abakufula. ³⁸ Ena taleka imikuni ngombe shabo ukucepelwa mu mpendwa. ³⁹ Bena balicepelwe elo baliletelwe panshi ku kukalipisha kwa masakamika kabili nobucushi. ⁴⁰ Apongolwela imilandu pa ntungulushi elo nokubalenga bena ukulubantila mu matololo. umo umushaba imisebo. ⁴¹ Lelo ena acingilila ababusu ukufuma kukucucutika elo ena asakama indupwa shabo kubati mukuni. ⁴² Abololoke bakamona ifi nokwanga, elo bonse ububifi bwisala utunwa twabuko. ⁴³ Uuli onse uwakushilimuka alingile ukwishiba ifi fintu nokwetetwila pa ficitwa fya kwa Yawe ifya cipangano cabucishinka.