¹ Paulo, umufungwa wa kwa Kristu Yesu, na Timoti minyina, kuli Filimini, utemwikwa cibusa wesu kabili umubomfi munensu, ² na Apphia nkanshi yesu, kabili kuli Archippus icita cinensu, na lubuta ulukumanina mu ng'anda yobe. ³ Ukusenamona kube kuli mwebo no mutende ukufuma kuli shifwe Lesa wesu kabili na shikuliu Yesu Kristu. ⁴ Nebo ndatotela Lesa wandi lyonse ulo nebp nkulumbula webo mu mapepo yandi, ⁵ pantu nebo nalyumfwa palwa citetekelo ico webo wakwatila shikulu Yesu kabili no kutemwa webo wakwata pa bantu bonse aba shila. ⁶ Nebo nkopepa kwebati isenge lya citetekelo cobe libe lya fikao, ukwebati webo ukwate umwisulo wa mucetekanya wa fyabune bonse ifyo fwebo twa kwata muli Kristu. ⁷ Eco nebo ndikwete congwe sana kabili ne cisansamushi pamulandu wa kutemwa kobe. Pantu imitima yaba mushilo bakwa Lesaili puputwilwe ukupitila muli webo, munyinane. ⁸ Eco nomba, nangu cingaba ukwebati nebondikwete ukupama konse muli Kristu ukukukambisha webo ukucita ifyo ufwile ukucita, ⁹ lelo pamulandu wa kutemwa, muli ili punda nebo nkokulomba - nebo ne Paulo umuntu mukote, kabili nomba umufungwa wa kwa Kristu Yesu. ¹⁰ nkokupapata webo palwa mwana wandi Onesmus, uo nebo nakwatile mu minyololo. ¹¹ Eco panshita imo ena tali namulimo kuli webo lelo nomba ali no mulimo kuli webo na kuli nebo. ¹² Nebo ndimutumine ena kubwelala kuli webo, ena uuli mutima wandi. ¹³ Nebo nalikufwaya asungwe kuli nebo ukwebati ena apyunile nebo mwi punda lyobe pandhita nebo ndi mu minyololo pa mulandu we landwe lisuma. ¹⁴ Lelo nebo nshalikufwaya ukucita icintu ukwebula insambu shobe, Nebo nshalikufwaya imilimo yobe iisuma ukufuma mukukabila lelo mu bufwayo bobe ubusuma. ¹⁵ Limbi eco napali ici apatukile ukufuma kuli webo pa nshita imo, ukwebai wingaba nankwe nomba umuyayaya. ¹⁶ Te kuba umusha iyo, lelo ukucila pa musha munyinane uwatemwika. Ena untu watemwikwa maka maka kuli nebo, no kucilisha kuli webo, muli fi ku mubili na muli shikulu. ¹⁷ Kanshi nga webo ulikwete nebo ngo mjutyana, umupokelele kubati ninebo, ¹⁸ Nga ena alikubifya webo nangu alikukwatile inkongole micili conse, ushipendele pali nebo. ¹⁹ Nebo, ne Paulo, nkolemba if ku kuboko kwandi. Nebo wine nkakubwesesha - nshikolumbula ukwebati webo we mwine uli misha kuli nebo! ²⁰ Ee, we munyinane, leka nkwete icibwesha ukufuma weli webo muli shikulu, puputula umutima wandi muli Kristu. ²¹ Nshiko twishika palwa cumfwila cobe, eco nebo nkolembela kuli webo. Nebo ndishibile kwebati webo ukacita ukucila napafyo nkokulomba. ²² Panshita imoione , upekanye umuputule wa bweni uwandi, ico nebo ndisubile ukwebati mu mapepo yenu nebo nkapelwa ukubwekeshiwa kuli mwebo. ²³ Epaphras, umufungwa munandi muli Kristu Yesu, akokuposha webo. ²⁴ Kabili na Mako, Aristarchus, Demas, na Luka, ababomfi banandi. ²⁵ Ukusenaminwa kwa kwa shikulu Yesu Kristu kube no mupashi obe. Ameni.