¹ Akalanda kuli abo aba paanga amampulu, kuli abo aba paanga pamasanshi yabo ukucita ububifi. Mu lubuto lwa lucelo bala cita ico pamulandu wakuti balikwata maka. ² Bala kabila amabala noku yapoka; bala kabila amayanda noku yasenda. Balatitikisha umwaume ne nganda yakwe, umwaume ne fyabupyani fyakwe. ³ Lelo Yawe alilandile ifi, ''Mona, nebo nko paanga ukuleta ubonaushi pali uyu mukowa, kuco tamwaka fumyeko imikoshi yenu. Tamwakende aba itutumuna, pantu ikaba ni nshita ya bubifi. ⁴ Muli bulya bushiku abaume bakemba ulwembo lwa kupumya palwa mwebo, kabili bakemba no kulosha ukwa bulanda. Bakemba, 'fwebo fwebena Isreali tulyonaukile umupwilapo; Yawe alya lwile iciputulwa ca bantu bandi. Nindo enga cifumisha kuli nebo? Ako akanya amabala yesu ku balwani besu abatwalukila!'' ⁵ Eico, mwebo mwebakankala ba bantu tamwakakwate balupwa abakwakanya umupaka mu kupendwila mu lukuta lwa kwa Yawe. ⁶ ''Wi sesema'' efyo balandile. ''Tabafwile ba sesema ifi fintu; umusebanya ta ufwile ukwisa.'' ⁷ Bushe cifwilefye ca landwa, mwe ba nganda yakwa Yakobo, ''Bushe umupashi wakwa Yawe tautekanya? Bushe ifi mucine ficitwa fwakwe?'' Bushe cebo candi tacicita ubune kuli uyo onse uwendela mu bololoke? ⁸ Muku lekelesha abantu bandi ba umine kubati mulwan. mulepula umwingila, icakufwala, ukufuma kuli abo aba kopita ukwa bula ica kubatwishika, kubati ba shilika abakofuma kubulwi kuco bako tontonkanya ukuba ubucingo. ⁹ Mukofumwa abana mayo bantu bandi ukufuma mu mayanda yabo ayabune; muko senda ifya kubalabata fyandi ukufuma ku bana babo abacece umuyayaya. ¹⁰ Ima no kuya pantu iyi te ncende apo mwebo mwinga tushisha pa mulandu waku kowela kwa iko; ilyo nawilwe no konaulwa ukwa pwililika. ¹¹ Umfwa umo aisa kuli mwebo mu mupashi wabufi kabili abepa no kulanda ati, ''Nebo nko sesema kuli mwebo pa mwangashi elo ne fyakunwa ifikola,'' akapendwa ukuba kasesema kuli aba bantu. ¹² Nebo mucine nka milonganika mwebo bonse, Yakobo. Nebo mu cine nka kolonganya abashalapo bamu Isreali. Nebo nkabaleta capamo kubati ni mapaanga mwi cinka, kubati mukuni pakati ka mulemfwe wabo. kukaba icongo icikalamba pa mulandu wa bwingi bwa bantu. ¹³ Umo uutobaula uubeswila inshila shabo akatangila pantanshi yabena. Balapulinkanya pa pongolo no kuya kuuse; imfumu yabo kapita pantashi yabo. Yawe akaba pantanshi yabo.