¹ Icisendo ca cebo cakwa Yawe kuli Isreali ukupitila kukubo kwakwa Malaki. ² ''Nebo nali mitemwa, ''Efya landile Yawe. Lelo mwebo mulanda ukweba ati, ''bushe watutemwa shani? ''Bushe Esau temunina wakwa Yakobo? ''efyapampamike Yawe. ''lelo nebo nalitemwa yakobo, Lelo Esau nebo nalimupata. ³ Ndipangile impilishakwe icende yakusulwa kubonaushi; no kulenga fyonse ifyabupyani fyakwe umwakwikala ba mumbwe bamumatololo. ⁴ Umfwa Edomu alande ati, ''Fwebo tulipuminwe, lelo tukabwela nokwisa ku kululula fyonse ifya ifyatobokoka Yawe wamilalo akalanda ati, kuti bakululula, lelo nkafiwisha kabili. ⁵ Bambi bakabakuta icalo cabunkalwe kabili abantu abo Yawe afulilwa umuyayaya. Amenso yenu yakafimon aifi kabili mukanda ati, "Yawe mukalamba ukucila imipaka ya kwa Isreali. ⁶ "umwana mwaume acindika wishi, no mubomfi acindika shikulu wakwe. Kumfwa nebo nolu, ninebo Wishi, umucinshi wandi uli pi? umfwa nga nine shikulu, umucinshi wandi uli pi? Efyalandile Yawe wamilalo kuli mwebo bashi maipepo abasusha ishina lyandi. ''Lelo mwebo mulanda ati, ''Bushe tususha shani ishima lyobe.? ⁷ Pakutula umukate uwakowela pa cipailo candi. lelo mulanda ati, Bushe twanikowesha shani? pakulanda ukweba ati itebulo lya kwa Yawe talyacindama. Ulo mutula inama shakupofula nga icelambo, bushe ubo tebubi? ⁸ ulo mutula ishalemana ne shilwele, bushe tabuli bubi obo? Twaleni ifyamusango uyo kuli bashimucindikwa benu! bushe bala mipokelela nangu balalenga ifinso fyenu ukusansuka efyalandile Yawe wamilalo. ⁹ Nomba mukotwalilila ukwipusha icinso cakwa Lesa, ukweba ati engatusenamina fwebo. Lelo Yawe wamilalo alandile ukweba ati nefya bupe fya musengo uyo mumaboko yenu, kuti asansulapo icinso icili conse pali mwebo? ¹⁰ ''Alale umfwa pali umo pali mwebo uwa kwisala mpongolo she tempele, pakweba ati tamwashishe umuli ulwisha pa cipailo candi; Nebo nshibekelwamo muli mwebo, ''Efyalandile Yawe wamilalo, ''kabili nebo nshakapokelepo icabupe icili conse ukufuma ku maboko yenu. ¹¹ Pantu ukufuma apo akasuba katulila ukufika napo kawila ishina lyandi likaba ilya cindama pa fyalo na mucende shonse ulubani ne fyabupe fya seke sjhasangululwa fikapelwa mwishina lyandi. pantu ishina lyandi likacindama pafyalo,'' Efyalandile Yawe wamilalo. ¹² ''Lelo mwebo mulalisalula ulo mulanda ati itebulo lyakwa shikulu lyalikowela, no kweba ati icisabo, ifyakulya fyaciko, kuba ifyasulwa. ¹³ Mwebo mulanda nokweba ati, Bushe finasha shani ifi fine, 'kabili mwebo ,mulalifyola.'' Efikolanda Yawe wamilalo. ''Muleta ishacenwa nangu ishalemana atemwa ishafumika nangu uku lwala; nefi efyo muleta nga ifyabupe fyenu. Bushe nebo mpokele ifi ukufuma ku maboko yenu? efyalandile Yawe. ¹⁴ Lekeni kalufya abe uwatipwa uwa kwata inama iilume mumjukuni wakwe no kulapa ukupeka kuli nebo, kabili no kupela amalambo kuli nebo, ne shikulu wakwe, Icitapwililika! pantu nebo ndi imfumu yakucindama, ''efyalandile Yawe wamilalo, ''kabili ishina lyandi likacindikwa pa fyalo.''