¹ Yawe alilandile kuli Mose, ukwebati, ² "Eba abantu Israeli, uyo uuli onse ubembuka ukwakubulo kufwaya ukubembuka, alecita icintu ico Yawe akonkomeshe ukukana cita, kabili nga acita icintu icakanishiwa, ififikonkelepo fifwile fyacitwa. ³ Nga cakwebati ni shimapepo mukalamba eubembukile elo alrtela ukushininwa pa bantu, lyena alete ubupe bwapa lubembu acitile ingombe ilume iteku iyakubula akalema kuli Yawe. ⁴ Alingile ukuleta ing;mbe ilume pamwinshi we hema lya kulashanishamo ku cinso cakwa Yawe, no kwipaya ing'ombe ilume kucinso ca kwa yawe. ⁵ Shimapepo wasubwa akabulapo umulopa umo wang'ombe ilume no kuutwala kwi hema lyakula nshanishishamo. ⁶ Shimapepo akatumpika umunwe wakwe mu mulopa nokukanya imiku cine lubali kucinso cakwa Yawe, pantanshi ya cipembe camuncende iya shilisha. ⁷ Elo shimapepo akabika umo umulopa pa masengo ya cipailo cacena cisuma ku cinso ca kwa Yawe, ico cili mwi hema lyakulansha nishishamo, kabili aketila onse umulopa wa ng'ombe ilume uushelepo peshinte iya cipailo cafya koca, ico cili pa mwinshi we hema lyakul lanshanishamo. ⁸ Akaputulako yonse amafuta ya ng'ombe ilume ayapa bupe bwapa lubembu; amafuta yapafilundwa fya mukati, na yonse amafuta aya kambatile ku filundwa fya mukati, ⁹ imfyo shibili na mafuta ayabapo, ayaba pamusana, nensongoyelibu, ne kumfyo- akaputulako fyonsefi. ¹⁰ Akaputulako ifi fyonse, nga fintu aputulako ukufuma kung'ombe ilume ye lambo iya mutulo wa mutende. elo shimapepo akoca ifi ifilundwa pa cipailo cafya koca. ¹¹ Umukumpo wa ng'ombe ilume, ne nama yonse iishelepo, umuntwe yaiko, kabili namolu ya iko, kabili nefya mumala yaiko elo namatufi yaiko, ¹² ifilundwa fyonse ifya ng'ombe ilume ifishele akasenda fyonse ifilundwa kunse yankambi kuncende iyo bansangwilile, iko betila imito; bakoca ifyo ifilundwa kulya pa nkuni kabili bafwile ukoca ifyo ifilundwa palya betila imitl. ¹³ Nga ulukuta lonse ulwa Isreale lulibembukile ukwakubula ukufwaya ukubembuka, no lukuta talwishibile kwebati lulibembukile no kucita icintu pafyo Yawe akonko meshe uku kana cita, kabili nga balishininwe. ¹⁴ Elo nga ulubembu ulo bacitile lwaishibikwa, lyena ulukuta lufwile ukupela ing;ombe ilume iteku ngecabupe ca lubembu no kuileta pantanshi lye hema lya kulanshanishishamo. ¹⁵ Abakalamba ba lukuta bakabika amaboko yabo pamutwe wa ng'ombe ilume ku cinso cakwa Yawe, kabili ing'ombe ilume bakaipaya kucinso cakwa yawe. ¹⁶ Shimapepo wasubwa akaleta umulopa umo uwa ng'ombe ilume kwi hema lyakulanshanishishamo, ¹⁷ na shimapepo akatumpika umunwe wakwe mumulopa no kukanya imiku cine lubali pa cinso cakwa Yawe, pantanshi yacipembe. ¹⁸ Akabika umo umulopa pa masengo ya ciipailo ici kucinso cakwa Yawe, ico icili mwi hema lyakulanshishishamo, kabili aketila umulopa onse peshite lya ciipailo ca cakoca, ilyaba pa mwinshi we hema lyakulanshashanishishamo. ¹⁹ Akaputulako yonse amafuta yaciko nokucoca pa ciipailo. ²⁰ Ifi efyo afwile ukucita ku ng'ombe ilume. kubati fintu acitile ku ng'ombe ilume iya bupe bwapalubembu, kabili efyo afwile ukucita nakuli iyi ng'ombe ilume, kabili shimapepo akacite icikonsolwelo ca bantu, kabili bakelelwa. ²¹ Akasenda ing'ombe ilume kunse ya nkambi nokuyoca kubati fintu aocele ing'ombe ilume iyapakutendeka. Ubu ebupe lwa lubembu lwa lukuta. ²² Ulo kateka abembuka ukwabula kwishiba ati akobembuka acitapo cimo pili fyonse ifintu ifyo Yawe Lesa wakwe akonkomesha ukukana cita, kabili alishininwe, ²³ ninshi ulubembu ulo acitile lulishibilwe kuli ena, afwile ukuleta ilambo lyakwe imbushi, ilume iyabulamo akalema. ²⁴ Akabika ukuboko kwakwe pa mutwe wa mbushi no kuipaila muncende bepailamo ifya bupe fyacakoca pa cinso cakwa Yawe. Ubu ebupe bwa pa lubembu. ²⁵ Shimapepo akabula umulopa wa bupe wapa lubembu kuminwe Yawe no kuubika pa masengo yapa cipailo cafya koca, kabili akafitila peshinte lya cipailo cafya koca. ²⁶ Akoca yonse amafuta pa cipailo, kubati mafuta yelambo ya cabupe ca mutende. shimapepo akaacite icikonsolwelo cakwa kateka pamulandu wa lubembu lwakwe, nakateka akelelwa. ²⁷ Nga cakwebati uwa mu bantu abekala calo alibembukile ukwakubulo ukufwaya ukubembuka, acita cimo pafyo Yawe akonkomeshe ukukana cita, kabili aishiba nokuishinina, ²⁸ elo ulubembu lwakwe ulo acitile lwalengwa ukwishibikwa kuli ena, elo akaleta imbushi nge celambo, ikota iyakubula akalema, palu bembu ulo acitile. ²⁹ Akabika ukuboko pamutwe wa cabupe ca lubembu no kwipaya ubupe wa pa lubembu pancende ya cafya koca. ³⁰ Shimapepo akabula umbiumulopa kumunwe wakwe no ku ubika pa masengo ya ciipailo cabupe bwafya koca kabili aketila no mulopa onse uushelepo peshinte lya cipailo. ³¹ Akaputulako yonse amafuta, kubati nifilya amafuta yaputulwa ukufuma kwi lambo lyabupe bwa mutende. shimapepo akacoca pa cipailo kukufumya icena cabune kuli Yawe. Shimapepo akapanga cikonsolwelo ca muntu kabili akelelwa. ³² Ngo umuntu aleta impanga nge lambo lyakwe ilyacabupe ca pa lubembu, akaleta iikota iyakubula akalema. ³³ Akabika noku boko kwakwe pa mutwe wa bupe bwapa lubembu pa ncende apo bepaila ifyabupe fyafyakoca. ³⁴ Shimapepo akabula umulopa umo uwa bupe bwa lubembu ku minwe Yakwe no kuubika pamasengo yapa cipailo cafya koca, kabili aketile onse umulopa peshinte lya cipailo. ³⁵ Akaputulako yonse amafuta, kubati ni filya amafuta ya mpanga ya putulwa ukufuma kwi lambo lya ca bupe ca mutende, na shimapepo akacoce pa cipailo pa mulu wafya bupe fyakwa Yawe wapangilwa no mulilo. Shimapepo akamupangile ici koswelelo capa lubembu apangile, kabili no muntu akelelwa.