¹ Ulo uuli onse aleta icabupe kuli Yawe ubupe bwakwe bufwile bwaba ubwa bunga bwakupelekwa bwino, kabili aketulwilepo namafuta nokubipo ulubani, ² Alilingile ukutwala ubupe kubana baume bakwe Aaroni bashimapepo, elo uko eko shimapepo akabula ulupi lwabunga ubwakupelekwa ubwasankanishiwamo amafuta no lubampo. Elo shimapepo akoca icabupe pa cipailo ngecabupe cakwimininako. cikafumya icena cabune ica kuli Yawe; cikaba cabupe icipangilwe. ku mulilo. ³ Fyonse ifikashalapo pafya bupe bwaluseke fikaba fyakuba Aroni nabana bakwe abaume. Fili fya mushilo sana kuli Yawe ukufuma ku fya bupe kuli Yawe ifyapangilwe ku mulilo. ⁴ Ulo wapela icabupe caluseke ukwakubula icakututumuna ico icipangilwe umwakupangila imikata, ⁵ ufwile waba umukate uwakunakilila uwabunga ubwakupelekwa bwino uwa sankanishiwamo na mafuta, nangu umukate uwakakosa umwakubula icitumushi ulushingilweko amafuta. ⁶ Ulingile uwaakanya mutupimfye tupimfya no kwitulwilapo amafuta ici cabupe cabuseke. ⁷ Nga icabupe cobe icaluseke caipikwa mumwipika wakupapatala cifwile capangilwa ku bunga ubwakulekwa bwino na mafuta. ⁸ Ufwile ukuleta ubupe bwa lwuseke kuli Yawe ubupangilwe kuli ifi fintu, kabili fikapelwa kuli shimapepo, uukafitwala ku ⁹ cipailo. Elyo shimapepo akabulepo fimo ukufuma pafya bupe fya nseke nge fyabupe fyacakumi ninako, kabili akacocela pa cipailo, cikaba cabupe icipangilwe ku mulilo, kabili cikaleta icena cabune kuli Yawe. ¹⁰ Ifikashalapo pafya bupe fyaluseke fikaba fyakwa Aroni nabana bakwe abaume. ca mushilo sana kuli Yawe ukufuma ku fyabupe fyakuli Yawe ifyapangilwe ku mulilo. ¹¹ Takuli ubupe bwa luseke ubwakupelwa kuli Yawe ubwakupangilwa ne citutumushi, pantu tamfwile pangilwe icitumushi, nangu ubuli nge cabupe oangilwe ku mulilo. ¹² Mukafipela kuli Yawe ngefyabupe fya fisabo fya ntanshi nomba tafya kabomfiwe ku kufumya icena cubune pa cipailo. ¹³ Mufwile ukulungamo umucele muli cila cabupe caluseke, tekwesha ukusumisha ukweba ati umucele wamu cipimhgano cakwa Lesa wenu ulekubula mufyabupe fyenu ifyaluseke. napa fyabupe fyenu mufwile mukopela umucele. ¹⁴ Nga mwapela ubupe bwa luseke pafya fisabo fya ntanshi kuli Yawe, mupele ifibishi ifi salwilwe pa mulilo elo ukutwa mu bunga. ¹⁵ Elo muketile amafuta no lubampo. ubu ebupe bwa luseke. ¹⁶ Elo shimapepo akocepo shimo inseke isho batwile na mafuta no lubani nge cabupe cakwiminako. Ubu ebupe bwapangilwe no mulilo kuli Yawe