¹ Panuma ya nshinku ishingi, lintu Yawe apele ubutusho kuli Isreali ukufuma kubalwani bakwe abo abamushingulwike. Na Yoshua ali umukalamba kabili uwa cincila bwino mumyaka, ² Yoshua akutile abena Isreali bonse-na bakalamba babo, ne ntungulushi shabo na bapingushi babo, elo na bacilolo nokusosa kuli bena, ''Nine umukalamba kabili uwacincila mu myaka. ³ Mwali mona ifintu fyonse ifyo Yawe Lesa wenu acita ku fyalo fyonse ifi pa mulandu waimwe kabili ni Yawe Lesa wenu uwa milwililako. ⁴ Moneni! Nmipela ifyalo ifya shalako ukusupila nga icikwatwa ku mitundu shenu kulundapo ne fyalo fyonse fintu naonaula kale, ukufuma ku Yordani nokwisa kufika kuli ba bemba bakalamba kumbonshi. ⁵ Yawe Lesa wenu akesa kubafumyamo. Akesa kubansuka ukufuma kuli mwe. Akesa kubapoka impanga yabo, kabili mukapita ifikwatwa fya mpanga shabo, ukulingana nefyo Yawe Lesa wenu amilayile. ⁶ Eico beni abakukosa saana pakutila musunge nokucita fyonse ifyo ifyalembwamwi buku lya malango yakwa Mose, kukukana aluka ukuya ku kuboko kwa kulyo nangula ukwa kuso. ⁷ Pakutila mwikasankana nefi fyalo ifya shala pali baimwe nangula ukulumbula amashina yatu Lesa twabo, ukwisa kulapa kuli twena, noku tu shinshimuna, nangula ukufuma kuli twena. ⁸ Eico, mulingile ukwikatilila kuli Yawe Lesa wenu nge fyo mwacita ukufika na buno ubushiku. ⁹ Pantu Yawe alibafumisheko kucinso caimwe mwebakulu, ifyalo fyamaka. Lelo pa lwa mwebo, takwaba nangu umo uwaiminina pa cinso cenu ukufika nobushiku bwelelo. ¹⁰ Umwaume umo uwa mpendwa yenu aka lenga umwanda ukubutuka kabili Yawe Lesa wenu, eumilwilako, ngefyo amilayile. ¹¹ Bikeniko amano, pakutila mutemwe Yawe Lesa wenu. ¹² Lelo nga mwa pilibuka nokwikatilila kuba pusunswike kuli ifi fyalo ifya shala pali baimwe nangula mwaupanana nabo, nangula mwaisa pamo nabena elo nabena na imwe. Mwishibe ukweba ukuti Yawe Lesa wenu takafumyeko ifi fyalo kuli baimwe. ¹³ Eico, bakaba inteyo ne nkose shenu, imyembya munuma shenu nemyunga mu menso yenu, mpanka mukonauke ukufuma pa mpanga iyi isuma iyo Yawe Lesa wenu amipela. ¹⁴ Nomba ndeya mu nshila ya calo conse, elo namwishiba ne mitima shenu shonse ne mweo ukuti tapali nelyo cimo icebo icafilwa ukuba ica cine pa fintu ifya bune fyonse fintu Yawe Lesa wenu alaile pali imwe. Fyonse ifi fintu fyalisa pali imwe. Tapali nelyo cimo icafilwa. ¹⁵ Lelo nge icebo conse Yawe Lesa wenu amilayile cafikilishiwa, na Yawe akesa kuleta pali imwe ifintu fibi mpaka akamyonaule ukufuma mu mpanga iisuma intu Yawe Lesa wenu amipela. ¹⁶ Akasa kucita ico nga mwatoba icipangano ca kwa Yawe Lesa wenu, cintu amikonkomeshe ukusunga. Nga mwaya nokushinshimuma tulesa tumbi nokuya kutufukamina, ninshi ubukali bwa kwa Yawe bukonaula imwe, kabili mukonaika bwangu ukufuma pa mpanga iisuma intu amipela.''