¹ Elo Yawe alandile kuli Yoshua, 'landa ku bena Isreali, ukweba ati, ' ² salenipo imisumba shakubutukilako ati, Isho nebo nalandile kuli mwebo ku kuboko kwakwa Mose. ³ Cita ifi pakweba ati uyo uyo onse uwaipaya umuntu ukwabula ukwishiba alekuyako. Kufisamako ukubukuka kuli uyo onse uwafwaya ukulanda umulopa wa muntu uwaipaiye. ⁴ Akabutukilako ku musumba umo pa misumba ilya no kuya kwiminina pa mwinshi wa mpongolo ya misumba. Nokulondolola umulandu ku bakalamba ba musumba ulya. Elyo bena bakamutwala mu musumba no kumu pela incende apa kweba ati akaleikala muli bena. ⁵ Nga umo pali bena aisa kukwesha ukulandula umulopa wa muntu waipaiye, elo abantu ba mumusumba tabwile ukulekeka umo uwamwipeye ukumupela ku butungulushi. Bena tabafwile ukucita pantu aipeye umwina mupalamano ukwabula ukwishiba, kabili takwete na lupato pali ena ku numa. ⁶ Afwile muli ulya musumba mpala akeminine pa cinso cacilonganyino. ku bupingushi, mpaka imfwa ya uyo waliku bomba nga shimapepo mukulamba mu shilya inshiku. Elo umo uwaipeye umuntu ukwabula ukwishiba alinokubwelela ku kumushi kumwabo na ku nganda yakwe, kumushi uko abutwikile. ⁷ Eco abena Isreali Balisalile kadeshi mu Galile mu calo ca kumilundu ica kumulundu ica bena Efulemu, kiliati, Aba(cimo cine na Hebuloni) Mucalo caku mulundu ica bena Yuda. ⁸ Ukupitila Yodani wa kabanga ka Yeliko, balisalilepo Besa mu matololo umwabatama ukufuma ku mutundu wabena Reuben; Ramoti Giledi, ukufuma ku mutundu wakwa Gadi na GOloni mu Bashani, ukufuma ku mutundu wakwa Manase. ⁹ Ishi imisumba esha salilwe pabena Isreali bonse na balebeshi abali kwikala bonse bena, pakweba ati uyo onse uwaipaya umuntu ukwabula ukwishiba alekubutukila kuli bena ku bucingo. Uyu muntu takafwe ku kuboko kwakwalefwaya ukulandula umulopa ulya uwasumine, mpaka umuntu uwatunganishiwe akabali lepo ukwimanina ku cinso ca cilonga nyino.