¹ Nolu ulukuta lonse ulwabantu ba kwa Israeli balikumene pamo ku Shilo. Balibikile iheme lyakulanshanishishamo palya kabili balicimfishe icalo cali pamulola wabo. ² Kwali kucili imikowa cine lubali mu bantu bakwa Israeli abo ubupyani bwabo bwali tabulapelwa. ³ Yoshua atile ku bantu bamu Israeli, "Ukufika kuli lilali mukalakukana ukuya mumpanga iyo Yawe, Lesa wa fikolwe fyenu, amupa? ⁴ Ipatwilenipo abaume abakuba batatu ukufuma muli cila mutundu, ndi nokubatumina kunse. Balinokwima nokuya kubebeta impanga pamulu na panshi. Bakaya kulema ubulondoloshi umwabelele ifyabupyani fyabo, kabili elo bakabwelela kuli ine. ⁵ Bakaya kwakanya impanga mufiputulwa cine lubali Yuda akalekuba mu cifulo cine kukapinda ka kukulyo, naba nganda yakwa Yosefe bakalekuba pa cifulo cabo ku kapinda kakukuso. ⁶ Mukalekulondolola impanga mufipatulwa cine lubali nokuleat ubulondoloshi kuno kuli ine. Ine nkalekumipendwilako kuli Yawe Lesa wesu. ⁷ Abena Lebi ebakubula icakaniko pakati kenu pantu busimapepo kuli Ywe ecakaniko cabo ica mubupyani. Kabili Gadi, Rubene na citika wakufuma mumutundu wakwa Manase balipokelela icabupyani cabo, bushilyabwa Yodani. mIci ecabupyani ico Mose umubomfi wakwa Yawe Abapele." ⁸ PKanshi abaume balimine nokuya. Yoshua alibakonkomesheabali nakuya ukuya kulemba ubulondoloshi bwa mpanga, ukwebati, "mulekuya pamulu na panshi nokuya kulemba ubulondoloshi bwa iko nokubwelela kuli ine. ⁹ Nkamipendwilako pano kuli Yawe pa shilo." Awe abaume balimine nokuya kwendauka pamulu na panshi muli ico calo nokulemba ubulondoshi bwaciko mu mufungilo mu misumba yaciko mufiputulwa cine lubali, ukutantika imisumba muli cilaputulwa. Elo babwelele mu nkambi kuli Yoshua pa shilo. ¹⁰ Elo Yoshua abapendwileko pa shilo kuntanshi yakwa Yawe. Nipali cilya cifulo epo Yoshua Apele impanga ku bantu bamu Israeli no cilamo alipelwe iciputulwa cakwe ica mpanga. ¹¹ Necakaniko ca mpanga ica bena Benjamini cila mukowa nomukowa. Incende bapelwe iyampanga yali kubela pakati kabana bakwa Yuda nabana bakwa Yosefe. ¹² Ku kapinda ka kukuso, umupaka wabpo watendekele pa Yordani. Uyu mupaka waile kuninika ukuya kufiak pa cipuna kukapinda kakukuso kaku yeriko, elo waya kuninika no kuya kupita mucalo campili kumusamba lubali. Kulya waile kufika mu matolo ya Bate-Abene. ¹³ Ukutula kulya umupaka waile kupita ku kapinda ka kukulyo ukulola ku Lusi (uyu ewitwa Betele). Elo uyu mupaka waile kwikala ukulola Atarote-Adari. Lubali lwampili sha ku kapinda ka kulyo ka Bete Horoni. ¹⁴ Elo umupaka waile kulola lubali lumbi: Ku masamba waile kupinduluka nokulola ku kapinda ka ku kulyo, ukulungatana nolupili ukwabuka ukufuma ku Bete-Horoni. Uyu mupaka waile kupelela pa Kiriati Boali (uyu e Kiriati-yearimu), umusumba wali waba mumutundu wakwa Yida. Uyu ewali emupaka wakumasamba. ¹⁵ Umupaka waku kapinda ka kulyo watendekele pa mpela ya Kiriati-Yearimu. umupaka waile ukuya kufika ku Efironi, ukuya kufika ku kamfukumfuku ka menshi aya ku Nefitoa. ¹⁶ Elo umupaka watentemukile ku mupaka wa lupili lwalolenkene nomupokapoka wa Bene-Hinomu, uwali ku mpela ya kapinda kakukuso aka mupopoka wa Refiamu. Elo watentemukile mu mupokapoka wa Hinnom, ku kapinda ka kulyo aka cipuma ca Yebusi, elo watwalilila ukuya kufika ku Ene-Rogele. ¹⁷ Elo wapindululwike waya kulola ku kapinda ka kukuso, ukulola ku ntunga ya ene-shemeshe, ukutula apo waile ku gelilote, uwalungatene no muniniko wa Adumimu. Elo watentemukile ukuya kufiak pelibwe lyakwa Bohani mwana Rubene. ¹⁸ Elo waile ku kapinda kakukuso pa cipuna ca Bete-araba nokuya ku Araba. ¹⁹ Umupaka waile kupita no nokulola ku cipuna ca Bete-Hogla icakukapinda kakukuso. mumupaka waile kupelele mu lubansa lwamusensenga lwa bemba wa mucele, kumpela yaku kapinda kakulyo aka yordani. Uyu ewali kuba umupaka wakukapinda ka kukulyo. ²⁰ Yordani ewapangile umupaka lubali lwa ku kabanga. Ici ecali icabupyani ca mutundu wakwa Benjamini, kabili cali kupelwa mu mukowa no mukowa, umupaka no mupaka, konsefye. ²¹ Nomba imisumba yamutundu wakwa Benjamini umukowa nomukowa bapelelwe iyi misumba: Yeriko Bete-Hogla, Emeke-Kesisi, ²² Bete-araba, Semariamu, Betele, ²³ Abimu, Para, Ofra, ²⁴ Kefari-Amone, Ofni, Geba. Kwali imisumba ikumi na ibili, pamo ne mishi shabo. ²⁵ Kwali kuba ne mishi yabena Gibeone, Rama, Beerote, ²⁶ Mispe, Kefira, Mosa, ²⁷ Rekemu, Iripeele, Tarala, ²⁸ Sela, Elefe, Yebusi (uyu e Yerusalemu), Gibeati, Kiriati, kwali kuba imisumba ikumi na ine ukubikapo nemishishi. Ici ecali icabupyani cakwa Benyamini kuba mukowa wakwe.