¹ Ifi efyapelwe icalo ca mukowa wakwa Manase(uwali libeli lyakwa Yosefe) ekwebati, kuli Makire, uwali ibeli lyakwa Manase kabili ena umwine ni wishi wakwa Siuleade. Ubufyashi bwakwa Makiri balibapele icalo ca kwa Sileade na Bashani, pantu Makiri ali muntu wa bulwi. ² Icalo calipelwe mokowa yonse iyakwa Manase, yalipelwe ku fikota fyabo- Abisere, Heleki, Asriele shechemu, Hefere, na Shemida. Aba bali abaume abamubufyashi bwakwa Manase umwana umwaume wakwa Yosefe, ifyapelwe mu fikota fyabo. ³ Nomba selofehadi umwana umwaume wakwa Gileade umwana umwaume wakwa Makiri umwano mwaume wakwa Manase takwetepo abana abaume, lelo abana abanakashi bekabeka. Amashina yabana bakwa abanakashi yali Mala, Noa, Hogla, na Tirsa. ⁴ Balile kuli Eleasari shimapepo, Yoshua umwana mwaume wakwa Nuni, ne ntungulushi kabili balilandile ati, ''Yawe alikambishe Mose ukupela fwebo icakupyaninina pamo pene naba wesu.'' Eco, mukukonka amafunde yakwa Yawe. alipele abo banakashi icakupoyanina pakati kaba wabo bakubawishibo. ⁵ Ifiputulwa ikumi ifyampanga fyalipelwe kuli Manase mu Gileade na bashani, iili ku bushilya bwa Yordani, ⁶ Pamulandu wabana banakashi bakwa Manase bapokele icakupyanina pamo nabana baume bakwe. icalo ca sileade calipelwe kuli bonse abamubufyashi bwakwa Manase, ⁷ Umupaka wakwa Manase walifikile ukufuma mu Ashere ukufika ku Mikimetati, iyo iili ku kabanga ka shekemu. Umupaka walile ku kapinda kakukulyo kulyabo abaikele mupepi no mulonga wa Tapua. ⁸ (icalo ca kwa Tapua cali cakwa Manase, lelo umusumba watapua pamupaka wakwa Manase wali wabantu bakwa Efraimu.) ⁹ Umupaka walitentemukile ku nika ya kana. Iyi misumba yakukapinda kakukulyo kanika pakati ka mishi yakwa Manase yali yakwe Efraimu. umupaka wakwa Manase wali lubali ku kapinda kakukuso kanika, kabili waile kufika muli bemba; ¹⁰ Icalo ku kapinda ka kukulyo cakwa Efraimu, kabili icalo kukapinda ka kukuso cakwa Manase; bemba ewali umupinda. kukapinda kakukuso lubali kufika kuli Aseri, kabili kukabanga, Issachari. ¹¹ Kabili mu Issachari namu Asheri, Manase alikwete Beti shani ne mishi yaiko, ibleamu ne mishi yaiko abekashi ba mu Dore ne mishi yaiko, abekashi bamu Endore ne mishi yaiko, abekashi bamu Taachi ne mishi yaiko elo nabekashi bamu Megiddo ne mishi yaiko (elo umusumba wabutatu ni Napheti). ¹² lelo umutundu wakwa Manase ubule icakwatwa ca ilya misumba, ico abena canaani balitwalilile ukwikala muli cilya calo. ¹³ Ulo abantu bakwa Isreali bakulile abakukosa balibikile abena canaani mu ncito yakupatikisha, lelo tababatamfishe ukufumo umupwilapo- ¹⁴ Nomba abamjubu fyashi bwakwa Yosefe balilandile kuli Yoshua baebele ati, ''nindo mwatupelela iciputulwa fye cimo mpanga ne ciputulwa cimo kabili Yawe lyonse? ¹⁵ Yoshua alilandile ukwebati, ''ngamuli bantu abengi mu mpendwa, kabiyeni mwebene, muninike ku mpanga kabili kulya muyekuiwamisha webene umushili mu calo cakwa Perisi icakwa Efraimu cilicepeshe kuli mwebo.'' ¹⁶ Abamu bufyashi bwakwa Yosefe balilandile kuli, Yoshua, balyebele ati, ''icalo ca mpili tekuti citukumane fwebo. Nomba abena canaani bonse abankala mumukoko balikwata amacelata ya nshimbi, bonse abo abali mu beti shani ne mishi yauko, elo nabo ababa mumukonko wa Yesreele.'' ¹⁷ Elo Yoshua alilandile kuba nganda yakwa Yosefe-kuli Efraimu na manase, ''muli bantu abakulu mu mpendwa, kabili muli bakulu mumaka. Tamufwile ukupelwa iciputulwa campanga cimofye. ¹⁸ Icalo campili nacena cikaba cenu. nangu mutengo, ukukauteme kabili ukaupoke ukuyakufika ku lutwe lwa mupaka. ukatamfyamo abena canaani, nanguline balikwete amaceleta ya cela, nangu line bakukosa.''