¹ Kwaliko umuntu mu mushi wa Usi ishina lyakwe ali ni Yobo, kabili Yobo ali uwakaele elo umololoke, umo uwaletina Lesa akabili uwafumine kufyabubifi. ² Kabili alifyele abana baume cine lubali na bana banakashi batatu. ³ Alikwete impanga amakana cine lubali, ingamali amakana yatatu, ingombe shabulimi babomfi abengi sana. Emuntu uwali mumukalamba pa bantu bonse aba kukabanga. ⁴ Cila mwna umwaume alipelwe ubushiku bumo ali nokupela umutebeto mu ng'anda mwakwe. Eico balikutuma no kukuta kuli bakanshi shabo batatu mu kulya no kunwa nabo. ⁵ Ulo inshiku shamutebeto nsho shapita, Yobo ali kubatumina no kubasangulula bena. Alikwima ku macaca aya mukutula ilambo lyakoca ukulingana na cilamwana, alii kulanda ati, "Limbi kuti abana bandi balibembukile no kulapisha Lesa mu nitima yabo, Yobo alikucita ifi lyonse. ⁶ Nomba kwali ubushiku bumo ulo abana baume bakwa Lesa baishile mukupela abene pa cinso cakwa Yawe. Satana nao alishile nabo. ⁷ Yawe atile kuli Satana ati wafuma pii? Elo Satana ayasuka Yawe ukweba ati, "Nafuma mu kululumbafye pe sonde, nacilaendaukafye nafuma uku naya uku. ⁸ Yawe alandile kuli Satana ati, "Bushe wacimumona umubomfi wandi Yobo? Tapabapo nangu umo uwalingana nankwe pf sonde, umuntu uwakaele elo umuloloke, umo uutina Lesa elo no kutaluka ukufuma ku fyabufi." ⁹ Elo Satana ayasukile ukweba ati, "Bushe Yobo atina Lesa apakubula umulandu? ¹⁰ Bushe tepamulandu wakuti walimucingilila umwine, ne ing'anda yakwe, na fyonse akwata kulubali lwakwe? Walipaala ne milimo yamu maboko yakwe, ne fitekwa fyakwe iifisanduluka pa calo. ¹¹ Nomba tambulula ukuboko kobe no kwikata pali fyonse akwata no kumona nga takulapishe webo pa menso Yobo. ¹² Yawe atile kuli Satana, Mona, fyonse ifyo akwata fyaba mu minwe yobe. Lelo pali ena umwine tekwesha ukutambulwilapo ukuboko kobe." Elo Satana apakufumapo pa cinso cakwa Yawe. ¹³ Ca ishilekuba ubushiku bumo, abana bakwe abaume na bana bakwe abanakashi bali kulya o kunwa umwangashi mu ng'anda ya mukulu wabo umwaume. ¹⁴ Inkombe yalifikile kuli Yobo no kumweba ati, "Ingombe shabulimi shacilalima bapunda nabo bacilamemena lubili lwabo. ¹⁵ Elo abena saba bacisa ku ponena pali fyena no kupita. Kabii ku babomfi bobe balibepeye kukulimi lwa lupanga. Nebofye neka mpo mpusukile mukwisa mukweba webo ificitike. ¹⁶ Elo acili akolanda, umbi nao afika no kulada ukweba ati, "Inkuba yakwa Lesa ukufuma ku mulu iliponene no koca impaanga na bobomfi. Nebofye neka mpo mpusswike ukwisa kweba webo ificitikile. ¹⁷ Ulo acili akolanda, naumbi ao afika no kulanda ukweba ati, "Abena kuludea bali pangile amabumba yatatu no kufukukila no kwikata ingamali, no kupiita shonse. Na kuba ababomfi, bali bekete no kubepaya ku lulimi lwa lupanga. Ninebofye neka mpo mposwike ukwisa kweba webo ificitikile. ¹⁸ Ulo acili akolanda, naumbi nao afika no kulanda "Abana bobe abaume na banakashi ba cilalya no kunwa umwangashi mu ng'anda ya mukulu wabo umwaume. ¹⁹ Icipupu icikalamba cacisa ukufuma ku matalolo no kwisa kupama pamatungi yane aya ng'anda. Nokuponena pa baice, nokufwa nabafwa. Ninebofye neka mpo npuswike ukwisa kweba icifitikile. ²⁰ ELo Yobo aiminina, alepula umwingila wakwe, abenya na ku mutwe wakwe, awa panshi ubunkupeme, no kupeepa Lesa. ²¹ Atile, "Naishile ubwamba ukufuma munda muli mayo, kabili nkabwelelamo ubwamba uko nafumine. Ni Yawe ewampele, kabili ni Yawe ewampokolola. Lekeni ishiwi lya kwa Yawe libe lya kupalwa. ²² Muli ifi fyonse, Yobo tabembukile, nangu ukupela Lesa ifilubo fyabubi.