¹ Ulo ifi fintu fyapitile Yesu alikwenda mu Galili pantu talikufwaya ukuya mu Yudes ico sbs Yuda balimukufwaya ukumwipaya. ² Nomba umutebeto waba Yuda uwa nsakwe walipalamine. ³ Eco bamunyina balilandile kuli ena ati, "Fuma pali ino ncende nokuya ku Yudea pakweba ati abasambi bobe nabeba bamone imilimo iyo ukubomba. ⁴ Takuli nangu umo uwingacita icili conse mu nkama ngacakweba akofwaya ukwishibikwa palwalala. Ngawacita ifi fintu, ilange wemwine kwi sonde. ⁵ Pantu nangu niba munyina tabasumine muli ena. ⁶ Eico Yesu alilandile kuli bena ati, "Inshita yandi tailafika, lelo inshita yenu yalibapo lyonse. ⁷ Isonde tekuti likupate, lelo lyalimpata pantu ine ndalishinina ukuti, imilimo yaliko yabubifi. ⁸ Nineni kabiyeni kumutebeto; nebo ntakoya kuli uyu mutebeto pantu inshita yandi tailafikilishiwa." ⁹ "Panuma yakulanda ifif fintu kuli bena, alikele mu Galili. ¹⁰ Nomba ulo bamunyina banina baya ku mutebeto elo naena aninine, tepalwalala lelo mu bumfisolo. ¹¹ Aba Yuda balimukumufwaya pa mutebeto nokulanda ati, "Nipi ali." ¹² Pali ukulanshanya sana pakati kamabumba ulwapali ena. bamo balilandile ati, "Muntu umusuma."Bambi balilandile ati, "Iyoo akolufya amabumba." ¹³ Lelo tapali nangu umo uwalandile laplwalala pali ena umulandu balikutina aba Yuda. ¹⁴ Ulo umutebeto wali pakati nokupwa, Yesu alininine nokuya mwitempele nokutendeka ukushasambilisha." ¹⁵ Elo aba Yuda balipapile, nokweba ati, "Uyu muntu aishiba shani fyonse ifi?uushasambilila." ¹⁶ Yesu alibasukile nokweba ati, "Ifyo nkosambilisha tefyandi lelo fya uuyo uwantumine." ¹⁷ Ngo muntu akofwaya ukucita ubufwayo bwakwe, akeshba uku kusambilisha, ngakwafuma kuli Lesa, nangula nada ukufuma kuli nemwine. ¹⁸ Uyo onse uulanda ukufuma ku mwine eka afwaya ululumbi lwakwe umwine. lelo onse uufwaya ululumbi lwa uyo uwamutumine, ulya muntu wa cishinka, nobubi tabwaba muli ena. ¹⁹ Bushe Mose tamipele ifunde? Lelo tapali nangu umo pali mwebo uusunga ifinde. Nindo mukofwaila ukunjipaya?" ²⁰ Ibumba lyalyasukile ati, "Ulikwete ciwa. Nibani bakofwaya ukukwipaya?" ²¹ Yesu alibasukile nokubeba ati, "Nacitale umulimo umo, lelo mwebo mwalipapile umulandu wa ici. ²² Mose alimipele ukusembulula ( tekweba ati, kufumakuli Mose. lelo kufuma kufikolwe), elo pe sabata mulasembulula umuntu. ²³ Ngacakweba ati umuntu apokelela ukusembululwa pe sabata pakweba ati ifunde lyakwa Mose talitobelwe, Nindo mwakalipila pali nebo pantu nalenga umuntu ukuba nobumi butuntulu pe sabata? ²⁴ Mwinpingula ukulingana ne mimonekele, lelo pinguleni mubulungami." ²⁵ Bamo ukufuma mu Yerusalem balilandile ati, "Bushe uyu te uyu bakofwaya ukuti bapaye? ²⁶ Moneni, akolanda palwalala, kabili tapali ifyo bakolanda pali ena. Takuti icbe ati ba kateka cine balishibile uyu e Kristu, kuti caba? ²⁷ Ilyo twaishiba uk uyu afuma. Nomba ulo Kristu akesa, takwababe nangu umo uukeshiba uko afuma." ²⁸ Elo Yesu alibilikishe mwi tempele uukusambulisha nokulanda ati, "Imwe mwalinishiba mwalishiba noko nafuma. kabili nshaishila nemwine, lelo uyo umwantumine wacishinka, kabili tamwamwishiba. ²⁹ Ine nalimwishiba pantu nafuma kuli ena kabili ewantumine." ³⁰ Balikufwaya ukumwikata, nomba tapali nangu umo uwabikile ukuboko kwakwe pali ena pantu inshita yakwe yali tailafika. ³¹ Lelo abengi mwibumba balimutetekele, kabili balilandile ati, "Ulo Kristu akesa, bushe akcita ifishibilo ifikacila pafyo uyu acitile?" ³² Aba Falise balyumfwile amanwingwi muma mbumba ifi fintu palwakwa Yesu. elo bakalemba baikalamba naba Falise balitumine bakangalila kukuya kumwikata. ³³ Yesu alilandile ati, "Ncili nemwe akashita akanono elo nkaye ku wantumine. ³⁴ Mukamfway lelo tamwakambone; uko nkoya mwebo tekuti mwiseko." ³⁵ Eco aba Yuda balilandile pakati kabo abene ati, "Nikwesa uyu muntu akaya uko tukafilwa ukumumona? Bushe nokuba sambilisha aba Hela? ³⁶ Lyando ili shiwi alandile, 'Mukafwaya lelo tamwakambone uko nkoya, tekuti mwiseko?" ³⁷ Nomba pakulekelesha, ubushiku buka;amba ubwa mutebeto, Yesu aliminine nokubilikisha, ukweba ati, "Ngo muntu alilyumfwile icilaka, naese kuli nebo nokunwa. ³⁸ Onse uutetekela muli nebo ngefyo calembwa aciti, imilonga yamenshi yamweo ikafuma mu nda yakwe." ³⁹ Lelo alandile ici mupashi, uyo aba mutetekele bali nokupokelela; umupashi wali taulapelwa pantu Yesu alitalacindamikwa. ⁴⁰ Amabumba yamo, ulo baumfwile aya mashiwi, balilandile ati, "Cine cine uyu ni kasesema." ⁴¹ Bambi bali landile ati, "Uyu e Kristu." Lelo bamo balilandile ati, "Bushe Kristu afuma ku Galili? ⁴² Bushe amalembo tayalanda ati Kristu akafuma mu luko lwakwa Dabidi namu Bethlemu, umushi umwali Dabidi?" ⁴³ Eco mwali ukulekana mumabumba umulandu wakwe. ⁴⁴ Bamo ngabali mwikatile, lelo tapali nangu umo uwabikile amaboko pali ena. ⁴⁵ Elo kangalila abwelele kuli bashimapepo bakalamba naba falise, alilandile ati kuli bena, "BUshe ninshi mushacimutetela?" ⁴⁶ Ba kangalila balyasukile ati, "Takwatala akuba umuntu nangu umo uwalandile ngoyu." ⁴⁷ elo aba Falise balibasukile ati, "Bushe namwe balimibepele? ⁴⁸ BUshe bamo amuliba kateka bali mutetekele, nangu umo uwamuba Falise? ⁴⁹ Nomba ilibumba ilishaishiba ifunde, lilitipilwe." ⁵⁰ Nikodemo (umo uwamuba Falise, uwaishile kuli ena kale) alilandile kuli bena ati, ⁵¹ "Bushe ifunde lyasu lilapingula umuntu ukwabula ukumfwa kuli ena nokwishiba ifyo acitile?" ⁵² Balyasukile nokumweba ati, "Nobe niku Galili wafuma? Fwayeni nokumona ukweba ati takuli kasesema uwakufuma ku Galili." ⁵³ Elo umuntu onse alile ku ng'anda yakwe.