¹ Yakobo, umubomfi wakwa Lesa na uwakwa shikulu Yesu Kristu, ku mikiwa ikumi nababili abakusalangana: umutende! ² Ibukileni ukuba icansansa shonse, mwe bamunyinanene, lintu mokopita mu mafya ya misango misango. ³ Mwishibe ukuti ukweshiwa kwa cicetetekelo cenu kuleta ukushipikisha. ⁴ Lekeni ukushipikisha ku fikilishe imilimo yaiko ukutila mube abaisulamo no ukupwililika, ukwabula ukubulisha a kantu. ⁵ Lelo pali mwebo nga pali ulekabila amano, lekeni wene epishe ukufuma kuli Lesa, ena eupela mu kufusha ukwakubulwa ukwebaulwa kuli onse uwa lomba, nao ali nokumupa. ⁶ Lelo mulekeno alombe ,i kutetekela, ukwabula ukutwishika akantu. Pantu uyo onse ukotwishika aba kwati li bimbi muli bemba ilyo lisendwa no mwela na kulishingulusha. ⁷ Pantu uyo muntu talingile ukutontonkanya ukuti ali nokupokelela icili conse ukufuma kuli shikulu; ⁸ wene untu ushaikatana mwitontonkanyo lya buntu, wabula ukushikatala mumbela shakwe shonse. ⁹ Keleni monyinane uwa pansgi aitakishe pa cifulo cakwe icapamulu, ¹⁰ lelo umuntu umukankala mucifulo cakwe icapanshi, pamulandu ali nokufwa nga iluba lya mumatololo mu cani. ¹¹ Pantu akasuba katula na ici kabilila no ukumya icani. Amaluba yala lukuta, no busuma bwayako bulaloba. Mu musaba umo wine, umukankala ali nokulokota pakati kanshila yakwe. ¹² Alipalwa umuntu uto ushipikisha mu fyakwesha, Panuma nga apita mukweshiwa, akapokela icilonge ca mweo, ico icalailwe kuli abo abatemwa Lesa. ¹³ Mwileka nangu ummo alande nga atunkwa, "Nebo na tunkwa na Lesa, "Pantu Lesa tatunkwa ku fyabipa, nangu wene tatunka uli onse. ¹⁴ Lelo cila muntu atunkwa kufya ku kabila kwakwe, ulo lumutakanya no ukumubeleleka. ¹⁵ Elo panuma ulunkumbwa lwaimita, lula fyala ulubembu, na panuma ulubumbu lwa kula, lula fyala imfwa. ¹⁶ Mwitumpikwa, ba munyinane abatemwikwa. ¹⁷ conse ica bupe icisuma na consu ica bupe icapwililika cifuma ku mulu. Cisa panshi ukufuma kulishifwe wa lubuto. Muli wene tamwaba ukwaluka nangu icinshingwa pamulandu wa ku shinguluka. ¹⁸ Lesa alisalile ukutupela fwebo uku fyalwa ku cebo cacishinka ukuti tube filya ifi sabo fyantanshi pa fintu fyonse iflyo abumbile. ¹⁹ Mwebo mwalishi ici, mwe bamunyinane aba temwikwa: Lekeni umuntu onse abe uwayanguka ukumfwa, uwakutekanya ukulanda, nakabili uwakutanya uku kalipa. ²⁰ Pantu ukukalipa kwa muntu takufikilisha ubulungami bwakwa Lesa. ²¹ Eico fuleni fyonse ifya lubembu lwa muselu na ifya fulana ifya bipa. Mukunakila pokeleleni icebo ica byalwa, ico icalinga uku pususha imweo yenu. ²² Mube kabacita ba cebo teba komfwa fye nakalya, mwitum,pikwa mwebene. ²³ Pantu uli onse nga nikomfwa wa cebo lelo teka cita wa cebo ali kwati muntu akoilolekesha pa cinso cakwe mu cilolani. ²⁴ Ala ibebeta umwine no ukuya na kabili lilya line alaba ifyo acimoneka. ²⁵ Lelo umuntu uwa lolekesha bwino bwinon mu mafunde aya pwililika aya buntungwa, no ukutwalilila ukucita ico, tekabe fye komfwa wacilafi, uyu muntu akopalwa pa ficitwa fyakwe. ²⁶ Umuntu onse ukoitunga bu kapepa kabili takosunga lulimi lwakwe, akoitimpika mu mutima wakwe ne mipepela yakwe yafye fye. ²⁷ Imipepele iya pwiilika kabili isha onaika ku cinso cakwa Lesa kabili shifwe kwafwa abana banshiwa na ba mukamfwalwa mu ku cucutika kwabo, no kuisunga wemwine takowela kwi sonde.