¹ Istreali, bwelela kuli Yawe Lesa obe, pantu webo uliipunwine pamulandu wa mampulu yobe. ² Bula pamo nobe amashiwi elo ubwelele kuli Yawe. Landa kuli ena, ''Fumyenipo yonse amampulu yesu elo sumineni icili ica bune, pa kwebati tulekupela kuli mwebo icisabo ca kumilomo yesu. ³ Asiria takapusushe fwebo; tatwakalekunina pali bakabalwe ku bulwi. Nangula tukalelanda na kabili ku mulimo wa fya minwe yesu, 'mwebo muli tu Leas twesu, '' pantu muli mwebo umwana wanshiwa akosanga inkumbu.'' ⁴ ''Nebo nkaposha ukwaluka kwabo; nebo nkatemwa bena no mutima onse, pantu ubukali bwandi fumine kuli ena. ⁵ Nebo nkalekuba kubati mume kuli Isreali; akalekubalula kubati liluba elo akalimba umushila kubati ni keda mu Lebanone. ⁶ Imisambo yakwe ikalekwanda; ukuyemba kwakwe bukalekuba kubati fimuti fya miolife, elo ukununkila kwakwe kubati mikedari mu Lebanone. ⁷ Abantu abo abakoikala mu cintelelwe cakwe bakalekubwela; bakalekupuka kubati ningano elo bakalekubalula kubati myangashi, ululumbi lwakwe lwakalekuba kubati mwangashi wa mu Lebanone. ⁸ Efraimu, findo fimbi nebo nkwete ifyakucita no tulubi? Nebo nalekwasuka ena elo nokulekumusunga. Ndi kubati mukupri uwo amabula yauko yaba lyonse aya kulelema; kuli Nebo ku kofuma icisabo cobe.'' ⁹ Nani uwa mano ungalekwishiba ifi fintu? Nani ukoumfwikisha ifi fintu ukwebati aleku fishiba? Pantu inshila sha kwa Yawe sha abalungami balekwenda muli shena, lelo bacisanguka bakale kuipununa muli shena.