¹ kanshi mu mwenshi walenga ikumi limo na ibili, umweshi batilimo na shitatu ubwa uyu wine mwenshi, icebo ne cipope ca mfumu fyali nokucitikilapo. Ubushiku bwine ubo ebo abalwani ba Bayuda balesubila ukubacimfya, nomba fyayaluka. ² Bayuda ebacimfishe ababapatile, Abayuda mu misumba yonse na mu fitungu fyonse ifya calo ca mfumu Asuelusi balongana mukwaipaya abo abalefwaya ukubalofya. Kanshi tapali nangu umo uwakubalwisha pantu umwenso wakubatiina waliketefye abantu bonse. ³ Bonsefye abalashi ba mfumu aba mu fitungu fya calo, inkonkani sha mfumu bayafwilisha abayuda pantu umwenso wakutiina Modekai walibelete. ⁴ Pantu Modekai ali na maka ayengi mu nganda ya mfumu, no lulumbi lwakwe lwalikumene mu calo conse, pantu amaka modekai akwete yalekulilalofye. ⁵ Kanshi Abayuda bakoma bonse abalwani babo ku lupanga, ukubepaya no kubonaula no kucita abalwani babo mu musango balefwailamo. ⁶ Mu musumba wa Susa wekafye Abayuda baipeye no konaula abantu abaume imyanda isano. ⁷ Kabili baipayana Pashandata na Dalufoni na Asipata, ⁸ Na aporata, na Adalia, na Aridata, ⁹ na pamashita na Arisai na Aridai na Faisata, Abana ikumi limo abakwa Hamani mwana Hamedata, umulwani wa Bayuda. ¹⁰ Lelo ifyama fyabo fyenatabafitapile iyoo. ¹¹ Pa bushiku bwine ubo baya shimikilako imfumu impendwa ya bantu baipeye mu musumba wa Susa. ¹² Elyo imfumu Yaeba namfumu Esta aiti, ''Mu musumba wa Susa, Abayuda beyepe no konanula abaume imyanda isano elyo na bana bakwa Hamani fimbi fya calo ca mfumu finshi bacitilemo? Finshi fimbi ifyo ulelomba? Filepeelwa kuli iw. Cinshi ulefwaya? Gilefikilishiwa.'' ¹³ Elyo Esta ayasuka ati, ''Nga cakuti cakusekesha we mfumu, Leka Abayuda aba muno Susa basuminishiwe ukucita nakabili mailo ifyo bacitile ukulingana ne cebo ca bushiku bwa lelo. ¹⁴ Lekeni bamwana Hamani ikumi babakulikile pa fimuti,'' Kanshi imfumu epakupeela icebo icakucita ifyo fine ne funde lyapeelwa mumubumba wa Susa, na bana ikumi limo abakwa Hamani ¹⁵ Abayuda abali mu Susa balongana nakabili pa bushiku bwalenga ikumi limo na shine ubwa mu mweshi wa Ada baipaya abaume imyanda itatu lelo tabasamoile ifyuma. ¹⁶ Elyo Abayuda bambi balongana mu fitungu fya calo ca mfumu, baicingilila no kuipokololako ku balwani babo, kumi cine lubali na yasano nomba tabampile ifyuma fyabo. ¹⁷ Ubu bwali bushiku bwalenga ikumi limo na shitatu ubwa mu mweshi wa Ada. Elyo pa bushiku bwalenga ikumi limo na shine balituushishe no kubucita ubwakusefya ne nsansa. ¹⁸ Abayuda bali Susa bena balongene pa bushiku bwalenga ikumi limo na shitatu no bwalenga ikumi limo na bune, elyo nomba ubwalenga ikumi limo na busano batuusha no kubucita ubwakusefya ne nsansa, ¹⁹ Emulandu walenga ukuti Abayuda, balya bekala mu mu ncende sha mu mushi, balecindika ubushiku bwalenga ikumi limo na shine ubwa mu mwenshi wa Ada. Ubu bushiku buba bwakusamukamo, ukusefya no kutuusha bushiku bwakupeelana ubupe bwa fyakulya. ²⁰ MOdekakai alembele ifintu fyonse no kutuma amakalaku bayuda bonse mu fitungu fyonse fya calo ca mfumu Asuelusi ifyakutali ne fyamupepi. ²¹ Mu makalata aya abakonkomeshe ukucindika ubushiku bwalenga ikumi limo na bune ubwa mu mwenshi wa Ada elyo no bwalenga ikumi limo na shisano cila mwaka. ²² Pantu e bushiku abayuda balubwikemo ku balwani babo, kabili e mwenshi ubulanda bwabo bwayalwikemo insansa, no kuloosha kwabo kwayalwike ubushiku bwakutuusha. Ishi nshiku shifwile shaba shakusansamukamo no kusefya. Ni nshiku shakupeelamo ubupe bwa fyakuya ne shakupeelamo abalanda ifyabupe. ²³ Kanshi Abayuda basuminisha ifyalembele Modekai, bayamba no kufikonka. ²⁴ Hammani umwina Aggi umwa wakwa Hamedata, umulwani wa Bayuda ewali na mapange yakulofya Abayuda no kubuula Puri pakupendula pakuti abonaule no kubalofya. ²⁵ Nombao ilyo imfumu yaumfwile ifi ukufuma kuli Esta, yalipingwile, ena na bana fimuti. ²⁶ E purimu wine bainikile inshiku ati Purimu ukumya kwishiwi lya Purim, kabili ni pa mulandu wa fyonse ifyalembelwe muli iyi kalata nefyo bamwene ne fyabaponene. ²⁷ Abayuda baipangile no kukonka ulutambi pamo cindika cila mwaka apabula ukufilwa ishiku shibili iyasalwa cila mwaka. ²⁸ Ishi nshiku shibili bafwile bashicindika no kushikonka mu nkulo shonse, mu ndupwa shonse na mu fitungu fyonse ifya calo, na mu misumba monse. Elyo ishi nshiku sha Purimu tabafwile baleka ukushisefya ku muyuda onse nelyo ukulaka ukushibukisha mu bana ba mu lupwa lwabo. ²⁹ Elyo namfumu Esta umwana wakwa Abihaili, na Modekai umuyuda balemba inkalata yabubili no kubikapo amaka ngashi ukushinikisha palwa nshikunkulu ya purimu. ³⁰ Aya makalata yatuminwe ku Bayuda bonse aba mu fitungu fyonse umwanda umo amakumi yabili na cine lubali ifya calo ca mfumu Asuelusi mu mashiwi yacibote no kubateeka imitima. ³¹ Amashiwi yali mu makalata yabakomensha ukuti bakalesefya inshiku sha Purimu pa nshita iyasotwa pamo ngefyo namfumu Esta na Modekai umuyauda babebele ukucita pamo na bana babo mukukonka ulutambi lwakufunga ukulya no kulooshi. ³² Icebo ca wakwa Esta cali suminishiwa pa lwakwa Purimu, kabili cali lembelwe mu ci tabo.