¹ Linda itapulo shobe ulo waya ku nganda yakwa Lesa, Kabiye mupepi kukumfwa ukucial ukupela ilambo lyaba welewele, abo abateshiba ukwebati ifyo bakocita filubo. ² Wila kwangufyanya ku kulanda na kanwa kobe kabili wileka umutima obe ube uwayangufyanya kukuleta ubwafya ubuli bonse kucinso cakwa Lesa. Lesa aba mumulu lelo webo uli pa calo, eco leka amashiwi yobe yabe ayalinga. ³ Inga ulikwete ifyakucita ifingi sana kabili ukusakamana apo ukalakukwata ifiloto ukufula kwamashiwi ulelanda webo, emukufual kwa fintu fyabuwelewele ukusosa. ⁴ Ulo wapanga icilayo kuli Lesa wishingashinga ukucicita, ico Lesa tasekela mubawele wele. ⁵ Cita ico icilayo wingacita. Cawama ukukuna panga icilayo ukucila ukupanga icilayo ico tawakafikilishe. ⁶ Wilakusuminisha akanwa ukulenga umubili obe ku bembuka. wila kulanda ifi ku nkombe sha kwa shimapepo, "cilya icilayo cali nipuso." Nindo ukulenga Lesa ukufutulwa ku kalaya ubufi ukulufya nya Lesa ku kukonaula imilimo yama boko yobe? ⁷ Mukufula kwafiloto mukufula kwa mashiwi mwaliba ubufuminishi bwabula bupilibulo. Eco ulekutina Lesa! ⁸ Ulo ukomona umupina akotitikishiwa no kupokwa mumaka ukulingana no kusungwa bwino mu citungu cenu, mwipapuka kubati takuli nangu umo wishi, pantu kuli abantu abakwete amaka yabaku loleshapo pali abo abacepele pali bena, kabili kuli nabamo aba pamulu pali bena. ⁹ Mukulundapo, ubusomboshi bwa calo bwa bonse kabili ne mfumu iyine isombola ukufuma mufilime. ¹⁰ Uuli onse uwatemwa silfere takekutishiwe ena silfere, kabili uuli onse uwatemwa ifyuma akabilisha lyonse nafimbi. Ici, naco bufuminishi. ¹¹ Ulo ukufunguluka kwakulilako, efyo nabo abantu bafulilako abakolyapo. Bushe bune nshi bwaba mufyuma kuminwe kanofye ukucilolesha na menso? ¹² Ukusendama kwamuntu ubomba kwaliwama nangu alye iifinono nangu ifingi, lelo ifyuma fyammuntu umukankala taimusuminisha ena ukusendama bwino. ¹³ Paliba ububi ubo na mona pesamba ya kasuba: Ifyuma ifyaikatiliwa ku mwine, fileta mukucula kwakwe. ¹⁴ Ulo umwaume umukankala ulufya icuma cakwe ukupitial mukushama, umwana wakwe umwaume, umo uuo akuusha, ali mushile ukwabua nangu cimo mumaboko yakwe. ¹⁵ Ifyo umuntu afyalwa ukufuma munda muli nyina efyo ena alinokuya ubwamba. Takasendepo nangu cimo icisabo camumulimo yakwe muminwe yakwe. ¹⁶ Nabumbi ububi nyubu ubwakwebati umuntu enda efyo umuntu akaya. Ico kanshio cakunonka nshi caba pali ulya ubombela umupula? ¹⁷ Munshiku shakwe alalya nefifi kabili alaba uwakusakamikwa apakalamba kukulwalala ne nsala. ¹⁸ Mona ifyo imbwene ukuba ubune nokulinga kulya no kunwa kabili nokusekela ubunonshi ukufuam mu milimo yonse, ulo fwebo tukocucutika pesamba lyakasuba mushinta ya nshiku sha mweo ulya uo Lesa apela fwebo. Pantu uyu mulimo wa bantu. ¹⁹ Onse uuo Lesa apele ubunonshi ne fyuma namaka ayakupokele icakaniko cakwe nokusangalala mumulimo wakwe ici cabupe ukufuma kuli Lesa. ²⁰ Pantu Lesa uwakwibukisha ku mano cila lyonse kunshiku sha mweo wakwe lyonse, pantu Lesa alamulenag uku pikitika ne fintu ifyo asekelamo ukucita.